自由講場今日: 1670|主題: 1351766

收藏本版

發帖

返回列表

跳至頁

查看: 540 | 回覆: 0

美13歲天才讀完大學先讀中學？ [複製鏈接]

happynangel

等待驗證會員

積分: 1019

1^#

發表於 09-5-19 12:20 |只看該作者 |倒序瀏覽 |打印

現年13歲嘅美國神童庫瑪，由小學跳級升讀大學，日前佢終於修夠學分，戴上學士帽參加畢業典禮，並且成為明尼蘇達州有史以來最年幼嘅大學畢業生！雖則依位天才智慧過人，現在亦有學府承認佢嘅才能，不過佢嘅屋企人就覺得佢仲有「某樣」不足之處，所以竟然要佢讀完大學之後，返番去中學讀書。
神童庫瑪天賦異稟，自小對數理特別在行，當佢只得四歲嘅時候已經可以計算到一般中小學生先識計嘅數學難題；九歲嗰年，當其他小朋友仲喺度讀梗小學嘅時候，庫瑪就已經順利通過資格考試，破格獲准入讀大學。於是庫瑪日間就同一班小朋友一齊讀小學，夜晚同埋周末，佢嘅同學仔就變成一班大姐姐、大哥哥──因為佢要去到大學校園讀書！

唔好以為天才就可以事事順利，自細喺「天才」光環下成長嘅庫瑪亦都曾經受到好大嘅壓力。庫瑪話，喺佢初初入讀大學嘅時候，曾經有好多大學生載上有色眼鏡看待庫瑪，幸好長時間嘅相處，大家都慢慢接受咗依位才能非凡嘅人物。

年紀輕輕就已經大學畢業，庫瑪同埋佢嘅屋企人當然感到既自豪，但係庫瑪嘅媽媽最希望嘅並唔係兒子有咩特別嘅成就或才幹，其實佢最想嘅係天才兒子可以好似普通小朋友咁快樂成長，所以佢決定要兒子返番去高中完成學業，喺中學校園入面學習社交能力，認識一啲知己好友。