想生BB 今日: 0 | 主題: 109529

積分: 784

1^#

發表於 19-11-22 16:16 |只看該作者 |倒序瀏覽 |打印

上年九月流產咗一次，10w，但照到只有8w,冇心跳同萎縮咗。以為生過一個，生B冇難度，只係估唔到係自己身上發生。醫生都只係話1/5機會，好常見。之後去吓旅行，個女功課又忙，好快又放底咗。上個月，又驗到有咗，好開心，覺得今次終於到我。今次又中醫養生，西醫又食黃銅體，覺得今次應該Ok。上星期有少少流啡，即刻仆出去睇醫生，我見到醫生個表情，又係同一個表情，我即刻忍唔住爆喊。唔知點解其實個心好嬲，覺得兩次都係我。之後又係嗰啲機會率嘅理論。今次我比較冷靜，前日去醫院，醫生問我想點處理，我上次因為塞藥之後再刮宮，今次可以直接揀，我好快揀左塞藥。

0 0 0

私人傳訊

積分: 784

2^#

發表於 19-11-22 16:25 |只看該作者

katengan 發表於 19-11-22 16:16
上年九月流產咗一次，10w，但照到只有8w,冇心跳同萎縮咗。以為生過一個，生B冇難度，只係估唔到係自己身上 ...

塞完藥，個人好虛。攤左喺床兩日，日日都迫自己要食嘢。得閒上Babykingdom 爬吓post ,見到唔少人有同樣情況，之後又生到肥肥白白嘅baby，心裡面都覺得被安慰。今日精神好d，試吓出街行吓，唔知點解特別留意到唔少大肚媽媽，個人覺得被掏空了⋯⋯

私人傳訊

wintermamamama

積分: 3606

3^#

發表於 19-11-22 17:02 |只看該作者

JM....我同你情況完全一樣!!!!

私人傳訊

wintermamamama

積分: 3606

4^#

發表於 19-11-22 17:08 |只看該作者

我有一個女, 已經差唔多2歲半
今年4月check到有左, 大約8 week停左生長, 無心跳
當地超唔開心, 喊左好耐, 醫生又係解釋流產好常見, 有15-20%機會, 原因不明, 唔駛自責
果陣怕傷身, 揀左塞藥, 塞完2,3個星期先排到組織, 點知排唔乾淨, 要吸宮
果陣好快振作起來, 睇中醫, 食supplement, 等3個cycle後再努力

結果9月(3個cycle後)一擊即中
bingo中即刻又睇中醫, 食安胎藥, 葉酸/鈣/維他命果d當然唔少得
6 week check到心跳, 醫院話心跳偏慢, 但叫我唔駛擔心
8 week 再check 已經搵唔到心跳了
果然....喊唔出...個心實左
有鑑於上次塞藥經驗, 今次直接去吸宮

而家等緊m到....

私人傳訊

wintermamamama

積分: 3606

5^#

發表於 19-11-22 17:16 |只看該作者

我問醫生我駛唔駛做咩檢查, 會唔會有隱性病
我醫生覺得我應該無乜大問題, 因為我後生 (見醫生果陣29歲), 同埋生過一個
今次中西醫都建議我休息半年可以再試多次 (上次中醫話3個月, 西醫話黎m後可即試)

真係touchwood失敗先去檢查 (醫生無講呢句, 但我知道佢係咁既意思)
因為果d檢查好貴, 幾萬蚊

其實我真係好難過好難過
但係又可以點? 唔通日日以淚洗面?

我好想再試, 又好怕重演,每日都掙扎

jm~ 你唔介意的話, pm我丫,我地可以做個朋友
亙相分享同支持
我睇到你既分享, 我好難過, 感同身受, 但願可以輕輕擁抱一下你

私人傳訊

yhyeung

積分: 4819

6^#

發表於 19-11-22 17:22 |只看該作者

katengan 發表於 19-11-22 16:16
上年九月流產咗一次，10w，但照到只有8w,冇心跳同萎縮咗。以為生過一個，生B冇難度，只係估唔到係自己身上 ...

不如去台灣驗下有無免疫抗體問題

私人傳訊

積分: 784

7^#

發表於 19-11-22 17:24 |只看該作者

wintermamamama 發表於 19-11-22 17:16
我問醫生我駛唔駛做咩檢查, 會唔會有隱性病
我醫生覺得我應該無乜大問題, 因為我後生 (見醫生果陣29歲), ...

好多謝你！

私人傳訊

積分: 784

8^#

發表於 19-11-22 17:53 |只看該作者

我今次都冇喊，不過唔係個人堅強咗，只係覺得喊都冇用。

我老公同我講，好多人都試過咁，不過唔會話你知，通常生完先話：「其實我之前小產咗X次」。

我將自己經歷po上嚟，因為知道有好多同樣經歷嘅JM。大家唔會用「下次小心d」哩d說話安慰人。我都好想再試，不過已經36歲，怕機會會用盡。醫生話36現在冇話高唔高齡，又話一次化學+兩次流產唔算慣性，驗咗大多數唔會發現問題。我老公叫我唔好再試，佢好怕我又唔開心，有一個囡就夠，個心好忐忑，如果再嚟多一次，我都怕面對唔到。

其實我惡露都未清，咁快再諗真係好crazy。

私人傳訊

Sikimy

積分: 2347

9^#

發表於 19-11-23 11:12 |只看該作者

本帖最後由 Sikimy 於 19-11-23 11:14 編輯

我都有個仔2歲半, 今年已流產2次, 38歲, 下星期會去台灣驗血, 我建議驗血搵原因出來

私人傳訊

wingwing515

男爵府

積分: 9627

10^#

發表於 19-11-23 11:21 |只看該作者

我同你差唔多，上年十二月18wk引產一次，今年八又有左，諗住今次一定得，3wk已經用棒check到，又深色咼，
點知11wk,醫生話停左係6wk,
聽到個下，個人不受控咁喊，同期仲有朋友又有左，呢下真係好難受，

我依家只有逼自己做多d運動，養好D卵，因為我每次大肚，都要承受住壓力，個胎要到十幾週先知要唔要得

私人傳訊

積分: 784

11^#

發表於 19-11-23 12:49 |只看該作者

Sikimy 發表於 19-11-23 11:12
我都有個仔2歲半, 今年已流產2次, 38歲, 下星期會去台灣驗血, 我建議驗血搵原因出來 ...

你去邊間驗？可否pm我？

私人傳訊

Sikimy

積分: 2347

12^#

發表於 19-11-23 15:46 |只看該作者

本帖最後由 Sikimy 於 19-11-23 16:13 編輯

我去台北大安聯合醫事檢驗所, 驗免疫凝血等等, 我見好多jm都去, 平好多, 你可以search下, 不過最好小x嚟m三個月後先驗, 驗荷爾蒙要m到第二日驗。養好身子, 健康最重要。

私人傳訊

hahakei

積分: 4949

13^#

發表於 19-11-23 19:17 |只看該作者

我都係，今次第二次小產，兩次都係停左係6w

私人傳訊

yan1008

積分: 2501

14^#

發表於 19-11-23 19:34 |只看該作者

體諒你嘅心情，可能時機未到，緣份到就BB到，緣份未到要準備好自己。我有朋友小產後做全體媽媽，陪多左大女，，搞左個幫助小產媽媽嘅協會，之後出番黎做番野，又走左去讀博士，我想送好孕棉比祝福佢，佢話讀博士兼顧唔到，畢竟我地都40歲，佢有大女已經滿足左。緣份就算好似蔡少芬咁45歲生仔，媽媽都能力面對。希望在人間，祝你好孕！

私人傳訊

HappyBlueberrie

積分: 1669

15^#

發表於 19-11-24 00:42 |只看該作者

回覆樓主:

我都小產過兩次，第一次係18年9月，第二次係今年8月，打算今個月再嘗試，其實個心真係好掙扎，好怕好怕會再失敗，但又好唔甘心認輸，有時會諗，我係咪注定唔會有小朋友，眼見好多jm話唔放棄就總會有成功嘅一日，我真係好想下一個成功嘅會係自己，報喜嘅會輪到我，但呢個想法，我真係覺得好遙遠，真係諗唔到點樣可以衝破呢個心理關口

私人傳訊

falafalabu

積分: 804

16^#

發表於 19-11-24 09:48 |只看該作者

見到你嘅post, 諗起我2016嘅小產經歷... 我有個6.5歲大仔, 幾個月前剛生完個細女. 我生我仔時係一擊即中, 無上bk爬文乜都唔識就生咗, 以為生小朋友係想要就. 仔兩歲大時, 我好想生多個, 但搞咗年半都無, 心態由積極變怠慢... 到佢四歲嗰年, 喺無心理準備之下中咗, 好開心諗住終於到時候喇, 點知個胎到6weeks已經生長落後, 7-8weeks無心跳, 之後正式certify. 喺未知真係唔得之前, 有一日阿仔早上好傷心咁喊醒(佢同我瞓), 我問佢仲咩喊, 佢話夢見我抱住個bb女.

私人傳訊

falafalabu

積分: 804

17^#

發表於 19-11-24 10:02 |只看該作者

仲好記得我同佢講嘅嘢:
仔: 媽媽抱住個bb.
我: 個bb係男仔定女仔?
仔: 女仔.
我: bb有冇喊呀?
仔: 冇. (媽媽呢?) 冇. (咁你做咩喊呀?) (答唔到)
我: 爸爸呢?
仔: 抱住我. (爸爸有冇喊?) 冇.

我聽完佢咁講, 以為bb會無事, 點知之後都係唔得... 我好快決定吸宮, 之後無坐小月但開始隔日去跑步練氣瘦身, 呢件事除咗至親, 我冇同其他人提, 同事見我sick leave一排亦冇點問. 直至之前, 喺我仔diagnosed 腦癎嘅同時, 我冇心理準備之後吓有咗, 我唔敢開心亦好驚, 其他人恭喜我我都係話比自己聽, 無論結果係點, 一切緣份乃天注定. 結果順理生咗.

私人傳訊

falafalabu

積分: 804

18^#

發表於 19-11-24 10:15 |只看該作者

我諗, 之前會唔會係阿女報夢比哥哥, 數年後會再番嚟. 阿女雖然得幾個月大, 比起同年嘅哥哥成熟、乖好多. 可能個天知道哥哥病患需要人照顧, 所以送個小天使幫佢. 我買咗<謝謝你來當我的寶貝>呢本書, 每次睇我都喊, 我相信你宜家只係緣份未到, bb會搵啱時機番嚟.

私人傳訊

nss711