少年成長 今日: 0 | 主題: 16009

積分: 11971

1^#

發表於 20-5-17 11:00 |只看該作者 |倒序瀏覽 |打印

早幾日一家人喺度睇電視嘅時候，電視做緊一套新聞節目講緊喺疫情之下嘅基層生活。對於我哋呢一代就好有感覺，因為自己細個都係喺啲好基層嘅地方長大，當時嘅生活條件都真係好差。但係對於而家自己對仔女嚟講，佢哋真係睇會唔到乜嘢叫做捱。

之前天氣開始熱阿仔阿女已經叫住話要開冷氣，其實我同老婆都唔覺得特別熱開風扇就得，但係過得兩日終於都係要開冷氣畀佢哋。佢兩個當然唔會明我哋以前細個連風扇都冇開住道門瞓覺嘅情況啦。有時同老婆講開都覺得尤其是阿仔都幾少爺仔，又唔曬得又唔熱得，可能我哋真係照顧得佢哋太好。連間唔中叫佢哋做下家務可能佢哋都覺得好似玩咁。有陣時同佢哋講返爸爸媽媽細個嘅生活，細細個就要自己煮飯做家務，大人就番晒工，喺屋企乜都要自己攪掂，一年都唔會有幾次出街食飯，自己返學放學更加唔洗講啦！呢啲嘅情況其實佢哋都唔係太理解同太明白。仲話乜可以獨留兒童在家嘅咩，呀爺咪犯法囉！真係俾佢哋激死！

有陣時自己都會覺得有啲矛盾，當然想佢哋明白世界艱難，驚佢哋過得太過舒適將來出到社會適應唔到。但又調返轉可能自己細個挨過，所以而家就唔想自己對仔女去捱。喺能力許可之下都希望俾到對仔女最好嘅生活，可能呢啲都係每個父母心目中嘅諗法。又想佢哋知道乜嘢叫做捱，但係又想佢哋生活過得舒適一啲，呢個真係一個永恆嘅矛盾。以為有陣時帶佢哋去做吓義工去服務下啲老人家，去體驗一下所謂比上不足比下有餘嘅生活，但係對於佢哋呢一輩小朋友嚟講可能只不過係當一個冒險同埋體驗，因為好快佢哋又會番返去自己舒適嘅生活圈入面，體會未必真係咁深，不過有總好過冇咁話啦。而家呢一代嘅小朋友相比起我哋細個真係幸福好多，但係同樣地相比起我哋一代，佢哋嘅抗逆能力亦都冇我哋嗰代咁高，同埋我哋當年畀心機讀書其中一個好主要原因就係要改善生活，但而家我嘅細路可能呢一個讀書嘅推動力已經冇咁大。唯有寄望佢哋畀心機讀書好好裝備自己，希望將來能夠保持返而家嘅生活質素啦！

0 0 0

私人傳訊

mandy952

琥珀宮

積分: 173889

2^#

發表於 20-5-17 12:40 |只看該作者

csir3290 發表於 20-5-17 11:00
早幾日一家人喺度睇電視嘅時候，電視做緊一套新聞節目講緊喺疫情之下嘅基層生活。對於我哋呢一代就好有感覺 ...

但公道d講，以前冇咁多車，又冇咁多人開冷氣，嗰種熱唔同而家，而家係又熱又焗
通常我會開一陣，到11，12點同佢關冷氣，佢訓著其實可以唔使開冷氣，開風扇就夠

私人傳訊

積分: 11971

3^#

發表於 20-5-17 18:14 |只看該作者

回覆 mandy952 的帖子

我都認同你咁講，都有諗過。不過自己都開成晚所以就唔忍心熄佢哋。

私人傳訊

mandy952

琥珀宮

積分: 173889

4^#

發表於 20-5-17 19:41 |只看該作者

csir3290 發表於 20-5-17 18:14
回覆 mandy952 的帖子

我都認同你咁講，都有諗過。不過自己都開成晚所以就唔忍心熄佢哋。 ...

佢自己夜晚起身熄冷氣，話凍

私人傳訊

Hellobyethanks

複式洋房

積分: 178

5^#

發表於 20-5-22 12:48 |只看該作者

我老公成日話要比佢捱，但今時今日既環境可以捱啲咩？同你講既一樣只能當係冒險同體驗，根本唔一樣。
我就係富養既失敗品，畢業後搵得萬零蚊淨係識得怨唔識變通。
但又驚太窮養的話佢會習慣左呢種生活安於現狀。
所以真係好矛盾。

私人傳訊

積分: 11971

6^#

發表於 20-5-22 16:13 |只看該作者

回覆 Hellobyethanks 的帖子

非常同意，好似冇辦法解決!

私人傳訊

babyfung61

男爵府

積分: 6978

2024年龍年勳章

7^#

發表於 20-5-24 02:14 |只看該作者

都有同感。
因為無辦法喺佢哋身上用返我哋當年嘅環境比佢哋去體驗，唯有做到幾多就幾多，至少比佢哋知道舒適幸福唔係必然。又或者咁諗，年代已經唔同，無得強行要佢哋經歷與我哋相同嘅經歷，只好搵其他機會為佢哋裝備好身心，等佢哋擁有更堅強的忍耐、變通與包容力，以便能夠適應社會。

私人傳訊

積分: 11971

8^#

發表於 20-5-24 14:35 |只看該作者

回覆 babyfung61 的帖子

私人傳訊

mr_hui

積分: 2277

9^#

發表於 20-5-26 16:02 |只看該作者

ME TOO

私人傳訊

mella100

複式洋房

積分: 262

10^#

發表於 20-5-27 12:07 |只看該作者

有同感

私人傳訊

star_skn

男爵府

積分: 6559

牛年勳章

11^#

發表於 20-5-28 20:25 |只看該作者

若叫小朋友中學放暑假時去快餐店做下part time可行嗎?起碼俾佢地知道讀書係令自己未來有更多選擇

私人傳訊

積分: 11971

12^#

發表於 20-5-28 21:05 |只看該作者

回覆 star_skn 的帖子

當然可以啦! 不過都係冇得迫，如果佢自己唔願意去做，或者覺得冇需要去做，咁仲適得其反。就算佢自己肯，父母見到佢做得辛苦又捨唔捨佢捱呢! 因為並唔係必須靠佢番工先可以開飯，父母心態都好影響。如果衹係生活體驗，洗唔冼甘辛苦呢？總之都係矛盾，又想佢捱又怕佢辛苦。

私人傳訊

MeBeHe

積分: 3782

13^#

發表於 20-5-30 16:32 |只看該作者

我之前有同阿仔講過：
「今次電費一定好貴，因為停課，全日都有人喺屋企，要用多左多電。
遲啲開埋冷氣，電費可能貴一倍」
佢好乖，依排熱開始開冷氣，
佢每朝起身就會熄。
然後，睇書打機、網上學習都喺房，開大個窗簾靠日光，就燈都唔洗開。
然後，有時中午食午餐熱就開冷氣。
如果唔係，就一直到食晚餐先再開。
好慳家

佢仲掉轉頭話鬼我有時唔記得熄房燈。

私人傳訊

積分: 11971

14^#

發表於 20-5-30 18:30 |只看該作者

回覆 MeBeHe 的帖子

你個仔好乖呀！

私人傳訊

MeBeHe

積分: 3782

15^#

發表於 20-5-30 18:35 |只看該作者

csir3290 發表於 20-5-30 18:30
回覆 MeBeHe 的帖子

你個仔好乖呀！

佢係乖嘅從來都唔亂花錢唔會叫我買野俾佢
問親佢有無野要買有無衫褲唔岩著佢都話無
帶佢去shopping就最好
佢禁止我買野嘅
有時有啲咩孖裝優惠呀買二送一呀
佢就幫我計數發覺根本一件仲抵
就話我俾人呃貪小便宜

私人傳訊

babyfung61

男爵府

積分: 6978

2024年龍年勳章

16^#

發表於 20-6-18 23:59 |只看該作者

MeBeHe 發表於 20-5-30 18:35
佢係乖嘅從來都唔亂花錢唔會叫我買野俾佢
問親佢有無野要買有無衫褲唔岩著佢都話無
帶佢去shopping就 ...

請問可唔可以分享你由佢細個果陣係點灌輸或引導佢，令佢物質慾望相對較低？
佢本身性格係咁，定係父母本人都節儉先可以令到個小朋友咁識諗？

私人傳訊

MeBeHe