現時61歲、擔任香港海鮮業聯合總會主席的華哥，因與歌手李彩華（阿Rain）「撞名」，加上當年被電視台採訪時身穿一件白背心，自此經常被網民及街坊戲稱「李彩華小背心」，華哥笑言：「人人都以為嗰個明星李彩華係小背心，經常將我哋2個攪亂。」對此華哥笑言並不介意，
「由囡囡細個讀書開始，啲人已經話『你爸爸小背心』又出鏡啦，好多人攞嚟取笑，有咩所謂丫，我都係賣魚佬嚟啫！」
因母親大病 13歲入行撐起頭家
大家都叫李彩華但命途各異，華哥父母從事海鮮業，故他13歲便已放下書包入行，「有年媽媽得大病，爸爸工作比較唔積極、懶散，我有4弟兄姊妹，我排行最大，我唔做檔生意點搞？」
最初數年魚檔欠下巨債，幸經華哥悉心經營，日捱夜捱，19歲前終還清債項，生意亦愈做愈大。他坦言如非當年媽媽大病，自己可能會繼續讀書，「都可能會做依行，但唔會咁早入行。」
捱足40多年由賣魚仔變賣魚佬，不說不知原來華哥曾經風靡不少海女，坦言當年漁民大多子女成群，但他笑言：
「緣份好難講，好多女生或者對我有意思，但我未必對她們有意思，有人話近水樓台先得月，但我並無咁嘅意思。」
直至一次母親為華哥安排一位女生，性格隨和他與對方拍拖數月便婚，「我性格一向無乜所謂，過得去就得，唔使太高要求。」但華哥坦言感激妻子陪伴他捱了半世，更為他誕下5名女兒，不過因性格較內斂，平時較少向妻子說出綿綿情話，「雖然難於啟齒，但佢心裡面知㗎啦！」
捱到周身痛 將退休由女兒接捧
在魚檔拼搏多年，現已將屆退休之齡，被問及會否不捨得，華哥坦言：「無得唔捨得，我曾經都畀自己壓力。」多年工作早已留令身體難以承受，雙腳和腰部疼痛，無法站太久，幸2女已回到魚檔幫忙，承繼家業，華哥亦可以漸漸淡出，由女兒接棒。
發表於 
返回列表
