傻餅走左兩個幾月................
傻餅因為生牙瘡做完第一次手術後復發離開左.............
好老實, 我真係好傷心, 每日餵藥同洗傷口佢都好乖, 同佢放膿真係好痛, 佢都無反抗..........
我有朋友係傳心師, 同傻餅傾過偈, 傻餅知我好內疚, 安慰返我話唔關我事, 係佢最終選擇離開.............
我朋友講傻餅會以另一種型態返黎, 就係貓貓, 所以我好留意有無貓貓領養.
原本已經有, 後來原主人話已經畀人揀左, 話會畀另一隻我, 但個隻貓貓非我囡第一眼望到鍾意個隻, 最終我決定唔要, 隨緣唔諗住.
早排發生左好多奇怪事件, 我同我囡都 feel 到............
我地唔想要個隻貓貓有識既人話要, 我都唔知係咪真係要架, 後來睇到相先知佢真係要, 但未夠大接走.
當我知道真係有人要後, 傻餅不停返黎, 仲要好不安咁, 好似以前咁係我或我囡訓緊時跳上床整醒我地, 搞野搞到有聲, 最勁我係聽到佢叫...........
到我同我囡傾返時, 連佢都感覺到傻餅係由個朋友出相通知會領養貓貓後出現
加上發現左好多野, 我真係好擔心貓貓安全, 最終決定帶貓貓返屋企
帶貓貓返屋企時不停諗名, 我囡講左好多個, 一講貓貓就勁叫, 到我講時貓貓靜晒, 我囡都覺得奇怪, 因為貓貓由搭的士到返到屋企樓下都勁叫, 係我一講個名時靜晒, 所以決定用我改既名.
settle 好貓貓後, 我 send 左張相畀傳心師朋友, 佢覆我 "傻餅返左屋企喇!", 個下我喊左出黎, 估唔到會係傻餅
可能大家會唔信, 但由我知道另一個領養者既問題後, 傻餅真係好不安, 屋企出左好多怪事, 到貓貓去左我屋企後所有怪事停左, 所以我相信傻缾係要我地留意, 再接佢返屋企.
任何人士未經本人同意不得轉載本人所發表之文章到任何媒體 (包括報章、雜誌及網站)
各位~~~我唔會介紹補習社或興趣班, 唔使 PM 問我呀, 我係唔會覆架~~~
發表於 
返回列表
