吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 訓練BB自行入睡既疑問

嬰兒醫護今日: 0|主題: 79142

收藏本版

發帖

返回列表

跳至頁

查看: 5418 | 回覆: 8

訓練BB自行入睡既疑問 [複製鏈接]

Fatbigball

男爵府

積分: 5891

1^#

發表於 20-2-10 23:19 |只看該作者 |倒序瀏覽 |打印

本帖最後由 Fatbigball 於 20-2-10 23:20 編輯

由於我BB滿月之後成日喊，一清醒就喊，唔知佢做咩事喊，於是喺度爬左好多文，包括"訓訓練BB自行入睡之訓練精讀"、"扭眼訓喊到拆天-3個月bb"同埋會員"pyjess"既post...開始訓練左BB 10日左右，但有以下問題：

訓練BB其中一個條件係要滿足佢"餓/片濕/冷/熱"呢D需要先，我BB（2個幾月大）原先食奶個 schedule 有D亂，所以我首先同佢SET左個時間表食奶先，冇特別SET NAP/訓覺時間，依家schedule如下：

6：30 第一餐人奶埋身，15-20 mins，多數一路訓一路食
6：45-50 掃風/坐直
7：00 訓覺（好多時食食下奶訓著左，所以都係訓住落床）
9：30 人奶埋身，15-20 mins OR 老公餵奶粉
9：45-50 掃風/坐直
10：00 NAP （如老公餵佢會抱訓一陣）呢度開始訓得唔耐，最多訓1個鐘就喊醒，之後喊到夠鐘食奶
12：30 人奶埋身，20-30 mins
13：00-30 掃風/坐直
13：30 NAP
15：30 人奶埋身，20-30 mins
16：00-30 掃風/坐直
16：30 NAP
18：30 人奶埋身，20-30 mins
19：00-30 掃風/坐直
19：30 NAP
21：00 沖涼
21：30 人奶埋身，20-30 mins
22：00-30 掃風/坐直
22：30 訓覺
00：30 奶粉 90-120ml 訓住食
05：00 喊醒，會比奶哄下佢，拍下佢，放白噪音等到6：30食第一餐

1. 佢NAP訓得好差，最多1個鐘，有時訓10分鐘就喊，係咁重覆，上面NAP既時間係大約既者，冇定時放佢落床，多數見佢喊，有D眼訓就放落床，但一放冇耐就會喊，用CRYING CONTROL冇咩用，拍佢係完全唔理我繼續喊，如是者拍幾次都冇咩反應，最後抱佢就收聲，但一放落床就喊。放落床時會同佢講："BB訓覺啦，放BB落床自己訓啦，BB好乖可以自己訓架喎。公仔陪你訓" 跟手放安撫物公仔係佢隔離，佢到依家都對個公仔冇咩反應，同埋我會包住佢訓，所以佢又摸唔到公仔，只係放隔離，但佢連望都冇望。我有咩做錯左？ TOUCH WOOD佢夜晚部覺係冇咩問題，依家訓到5點零會喊。

2. 佢到依家都仲係喊住咁醒，係咪我D奶唔夠飽？我有一邊比較少奶，佢成日我食2下甩口，不斷要塞返入佢口。但我人奶之後補奶粉佢又唔食。係咪要轉食奶粉，定要縮短時間？佢體重岩岩跌出左生長線，所以好擔心。

3. 雖然SET左SCHEDULE，但有時會訓過龍遲左少少餵佢，有冇影響？仲有朝早果2餐佢經常訓住食，食好少，我自己又眼訓，冇迫佢食。

4. 如果佢早左醒，未夠鐘食奶，又係度喊，可唔可以抱佢起身？定一路CRYING CONTROL到夠鐘先抱佢起身食？

5. 今日開始見佢有時唔訓會喺張床度眼光光，係咪唔使理佢就得？

我成日我覺得佢食唔好所以冇時間表都冇乜用，但又唔想放棄人奶住，點算好？

因為下個月開始返工，到時奶奶湊，佢講到明忍唔到BB喊，佢見我地成日比BB喊話我地，所以想幫BB SET好時間表，証明比奶奶睇BB係可以自己訓，同到時希望佢跟個時間表湊。

有時對住佢唔知喊咩好無奈，但都知佢唔想，希望有人打救我呢個新手媽媽，感謝！！

0 0 0

私人傳訊

Yvonne@NUTRICIA
首1000日營養專家

2^#

發表於 20-2-18 09:58 |只看該作者

Fatbigball 發表於 20-2-10 23:19
由於我BB滿月之後成日喊，一清醒就喊，唔知佢做咩事喊，於是喺度爬左好多文，包括"訓訓練BB自行入睡之訓練 ...

Hi Fatbigball,除左生理上既需要例如: 肚餓、濕片片等外, 初生BB較常見有肚風的問題, 最理想係每次食奶前/餐與餐之間幫BB按摩肚仔, 用掌心順時針打圈按摩數分鐘, 促進腸道蠕動, 肚風清左, 扭計/睡眠情況相信會有改善, 平時多唔多幫BB做肚仔按摩呢?

NUTRICIA多年來一直專注BB首1000日營養研究，因為BB的健康是我們的動力。
讓我陪伴你在BB的成長路上，作出最好的營養選擇，帶動寶寶健康成長。

私人傳訊

yuukbbi

別墅

積分: 917

3^#

發表於 20-2-19 22:45 |只看該作者

Fatbigball 發表於 20-2-10 23:19
由於我BB滿月之後成日喊，一清醒就喊，唔知佢做咩事喊，於是喺度爬左好多文，包括"訓訓練BB自行入睡之訓練 ...

1.試下等佢係你手上瞓着左5分鐘再放落牀，放落牀嘅時候吾好講嘢，放完就靜靜地做自己嘢，咁細個吾需要俾公仔玩具陪瞓，等佢識用手拎嘢挽嘅時候俾佢就最合適。
2. bb咁細個安全感較弱，喊住醒好正常，飲奶嘅吸啜動作可以有安撫作用，有時未必真係肚餓，餵人奶正常1.5至2小時就要餵一次，餵奶粉就可以3小時一次。生長線可以以後追返，吾洗太擔心，我小朋友到食固體生長線先合格。
3.要定時定量餵奶係bb好瞓嘅基本條件，一餐食吾足會令bb好快餓，想好瞓都難。
4.如果bb早左起身喊都係安全感弱，可以照抱，但奶就要到時間先餵，愈係bb細個滿足安全感，大小小就更加吾需要成日抱。

私人傳訊

AAK_2019

別墅

積分: 673

4^#

發表於 20-2-19 22:46 |只看該作者

如果太細其實可能都未必啱開始訓練自行入睡，我之前買過本書教bb訓覺，都係講緊最少4個月開始，你bb仲細，可能未必能夠長時間捱餓，同冇安全感，媽媽，你比啲耐性吖，佢好需要你時常喺身邊，或者大啲再訓練，又或者有啲bb自己會好早自行調節個日夜起身訓覺時間

私人傳訊

yuukbbi

別墅

積分: 917

5^#

發表於 20-2-19 22:57 |只看該作者

Fatbigball 發表於 20-2-10 23:19
由於我BB滿月之後成日喊，一清醒就喊，唔知佢做咩事喊，於是喺度爬左好多文，包括"訓訓練BB自行入睡之訓練 ...

5. bb係床度眼光光又冇喊，你有其他嘢要做嘅就可以吾需要理會，由佢自己獨立下，冇嘅就試下吾好抱，陪係佢床邊同佢傾下計，等佢俾下反應你互動下。

有時間表，所有嘢規律左，bb嘅奶量亦都容易適應，對成長有幫助架。亦方便訓練bb自行入睡同介夜奶，對大人同bb都有好處。
bb喊嘅原因太多，有時間表起碼知一定吾係肚餓喊已經好好多，易處理好多，但俾其他人湊就吾好期望佢哋會跟時間表做，特別係老一輩，佢哋有自己一套處理方式同態度。