少年成長今日: 2|主題: 16021

收藏本版

發帖

返回列表

跳至頁

查看: 3224 | 回覆: 1

在家工作的煩惱 [複製鏈接]

csir3290

子爵府

積分: 12066

1^#

發表於 20-3-8 11:31 |只看該作者 |倒序瀏覽 |打印

呢輪成日要在家工作，開頭我真係覺得會容易炆憎咗，後來先好啲，所以如果處理情緒做得唔真係有機會家變都似。

點解咁嚴重，就係因為平時我同老婆都返咗工，佢兩個小朋友就算放假喺屋企都淨係得工人姐姐睇住佢哋。所以其實好多時佢哋喺屋企嘅嘢我哋都睇唔到，到我哋返到屋企工人姐姐已經幫佢哋搞掂曬。正所謂眼不見為乾淨嘛！但係而家要一日24小時都喺屋企咁滯，咁好多平時見唔到嘅嘢而家都見曬。雖然我成日都話佢兩個算係聽話亦都算係有手尾，但係當你成日見到佢哋嘅時候，自然就會見到好多唔想見嘅嘢，而且因為宜家好多時都直接叫佢兩個做，咁自然就想佢哋即刻攪掂啦！又例如叫極都唔沖涼，或者佢哋玩完啲嘢叫佢哋即刻執，佢哋又會拖一陣先至做，做完功課做完練習個枱面亂咗又唔係即刻執等等。更加因為我同老婆喺屋企，所以就更加唔想工人姐姐幫佢哋，都係一啲會令人容易忟憎嘅嘢。

不論兩公婆又好，對仔女又好，當咁多時間喺埋同一間屋入面嘅時候，自然可能睇唔順眼嘅嘢都會多咗，如果唔時刻提醒自己寬容度要高啲，要心平氣和多啲，咁樣成家人嘅關係可能仲差咗。大家真係要好好節調整自己嘅情緒，最好就梗係趁呢段時間好好建立一家人嘅關係啦！多啲傾偈，多啲一齊玩，少啲拎住部手機，大家嘅關係自然就會好啲。24小時喺埋同一個環境入面，唔懂得控制自己嘅情緒其實個情況可以幾恐怖。對己對人都多一點寬容，少一點抱怨，自然大家嘅日子就會過得輕鬆同愉快一啲。