木薯粉又叫泰國生粉，係由植物根中提取出嚟嘅澱粉，加水遇熱煮熟後會呈透明狀，口感煙韌有彈性。比較常用係用嚟整珍珠，芋圓，西米等，亦有用嚟打芡，令湯汁變濃變杰。
馬蹄粉特性都係黏性好高，可以做出不同糕點如馬蹄糕，亦用於煮湯羹芶芡，煮碗仔翅用馬蹄糕比用生粉更能令碗仔翅質地保持濃稠，凍咗都唔會變得水水咁。
粟粉即玉米澱粉，俗作玉米粉或粟粉，屬於生粉一種，用玉米粒嘅胚乳製成，多數用嚟勾芡用，亦會於醃肉時加入或作炸粉用，加入麵粉中可以減低麵粉筋性，好少見只用粟粉做嘅糕點。
澄麵又叫澄粉、汀粉、小麥澱粉，係無筋性麵粉，成份係小麥，都係一種生澱粉，製作蝦餃、粉果、腸粉等用到。成品一般會有半透明效果，糕點亦帶有韌性嘅口感。
粘米粉又叫大米粉或秈米粉，用大米磨成粉，台灣嘅在來米粉即係粘米粉，粘米粉於各種大米磨成嘅粉之中糯性最低，純正粘米粉亦非雪白色，而是微微帶灰帶黃。製作小吃如蘿蔔糕、芋頭糕，糍粑等，因為不具有粘性，亦會被加入製作冰皮月餅，令冰皮口感不會太過軟糯。
花旗太太生活在花旗國，留意時差，你問我未必即時答到。
發表於 
返回列表
