少年成長今日: 3|主題: 16005

收藏本版

發帖

返回列表

跳至頁

查看: 3335 | 回覆: 1

上癮 [複製鏈接]

csir3290

子爵府

積分: 11943

1^#

發表於 20-4-12 11:40 |只看該作者 |倒序瀏覽 |打印

今朝我老婆同我講話我終於都令阿仔上咗癮。上咗咩癮呢？就係一套我細個好鍾意睇嘅動畫 - 機動戰士高達。其實係真係有心培養佢有呢個興趣，因為佢而停緊課，我最唔鍾意就係佢哋要成日對住個熒幕，每日佢哋要做網上功課，都已經要對住個螢幕個幾兩個鐘頭所以真係好想搵一啲嘢令到佢哋做完功課之後，可以有啲興趣唔使對住電腦。不過要培養佢嘅興趣當然係要同佢一齊開始佢先至會有興趣繼續。阿仔本來對睇電視或者玩電腦已經興趣唔係好大，而家更加迷上咗會搵書睇，因為呢套動畫嘅好處係由我細個到而家都仲有新一輯，横跨咗幾拾年。當中有好多有趣嘅歷史亦都有好多有趣嘅資料，除咗電視嘅動畫之外仲有好多唔同嘅週邊產品包括書同埋玩具模型等等。呢幾次我同佢行書局都特登同佢一齊搵一啲有關呢套動畫嘅資料書嚟睇，當然唔係漫畫啦。連我都奇怪佢可以睇啲咁多字啲字又細嘅書。都係嗰句閱讀只要有興趣佢就會鍾意睇。雖然係動畫但係其實佢講到好似歷史咁所以我個仔越睇越有興趣。仲開始成日同我傾成日同我講研究入面啲機械人。不過做父母當然唔可以破壞佢興趣唔可以嫌佢煩，幸好我細個都有睇呢套動畫，所以都可以有好多嘢可以同佢傾，不過就算唔識，都要同佢一齊硏究，除咗可以維持興趣之外仲可以增進親子關係。當然除咗睇書外，唔嚟得開仲要陪佢間中睇下呢套動畫，因為我都有興趣睇，所以可以控制到佢睇嘅時間，因為我會同佢講等埋爸爸先至一齊睇，睇得耐我都會同佢講攰喇要停一陣要抖下先。除此動畫仲有好多模型可以砌，又係因為我都鍾意所以會同佢一齊研究一齊一砌。而家唔使叫佢自己都會成日揸住個幾本書嚟睇。

其實細路仔好多時對好多嘢都有興趣，佢哋有興趣嘅嘢可以研究到好深入好鍾意，但係好多時佢哋想同家長講想同家長傾一齊睇一齊玩，但係家長就會覺得佢哋啲嘢幼稚或，甚至乎嘥時間唔鍾意同佢哋傾，慢慢就同家長距離越嚟越遠。其實只要家長能夠同佢哋一齊發展興趣，家長唔需要了解好多只需要同佢哋傾下，聽下佢哋講有陣時陪佢哋癲下，咁樣親子關係自然會增進不少。其實講吓講吓真係好似追我老婆嗰陣時咁，要同佢發展共同興趣咁大家啱傾多嘢講自然容易啲追到啦！