0-6個月 今日: 9 | 主題: 37419

積分: 668

1^#

發表於 20-3-21 20:16 |只看該作者 |倒序瀏覽 |打印

本帖最後由 nanook 於 20-3-21 20:16 編輯

尋同路媽媽⋯

bb未夠半個月大，由喺醫院返嚟都係全埋身餵，第三日開始上奶⋯不過啜5-10分鐘就瞓，已經係咁搞佢都係瞓，搞到食得唔夠，健康院話佢太輕，跟唔上生長線⋯同埋佢黃疸，會懶瞓啲，所以話要盡量叫醒佢起身食⋯

想密密餵bb，但所有野都係一腳踢冇人幫手，已經每日食同瞓都冇時間，只係想bb健康⋯屋企人淨係覺得不如轉食奶粉啦，但我想堅持餵人奶，只少都頭一個月全埋身免得佢乳頭混亂⋯加上餵奶粉都係我自己搞自己烚奶樽⋯咪又係一樣

覺得好沮喪⋯我都係想為bb好，但都係做得唔好，同埋完全冇休息⋯

有冇媽媽有類似嘅經驗可以指點吓

再咁搞真係怕產後抑鬱

0 0 0

私人傳訊

chanwingwingsa

積分: 733

2^#

發表於 20-3-21 20:55 |只看該作者

我都冇請陪月自己阿媽有幫手頭兩個星期都有餵奶粉最少臨瞓嗰餐會之後有全埋身有泵因為有時行開行埋如果離開阿b一陣都有奶畀人餵唔好太擔心我阿b一直响生長線而家就嚟5個月勤力啲泵同埋身多食飯同飲湯慢慢就會上手加油呀唔好理其他人講咩但都唔好勉強自己

私人傳訊

honeybid2

男爵府

積分: 8127

3^#

發表於 20-3-21 21:15 |只看該作者

媽媽，你冇陪月唔係問題，但一定要有人幫，自己媽媽/奶奶/姐姐/老公是但一位，因為你冇可能一個人湊B 再做雜事，咁搞法只會犧牲左你身心健康，坐唔好月仲上唔到奶。
我係奶粉媽不是同路人，但可以話係你一定要有人幫，因為你要先照顧到自己先可以照顧到BB。
祝福。

私人傳訊

showyuyuyu

積分: 1645

4^#

發表於 20-3-21 21:17 |只看該作者

一樣，我無陪月無長老幫，仲要自己做家務，湊B
第一個月全泵，因為bb啜損左nipple。勁辛苦，要早過佢食奶時間前半個鐘好起身泵定，又要自己洗。
第二個月就全埋身，好少少，吾洗預早起身泵定奶，佢要食就隨時食，但係其實都一樣咁攰。
可能係我個b特別難湊，除左食同訓，都係扭計喊...行開一分鐘就已經喊

私人傳訊

coconutious

洋房

積分: 53

5^#

發表於 20-3-21 22:26 |只看該作者

我bb剛滿兩個月剛出世黃疸出唔到院住左兩晚搞到我坐月第一星期日日去醫院超攰住院佢係食水奶同針筒餵泵奶我問過姑娘姑娘話乳頭混淆係頭嗰幾日你要佢出世嗰時係埋身就唔會有呢個問題你唔好太擔心我都係第一個月谷bb 三四個鐘泵一次返到屋企用樽餵一個月去健康院重左1kg! 第二個月我就全埋身啦久唔久都有加一餐水奶加油呀！

私人傳訊

積分: 668

6^#

發表於 20-3-21 23:03 |只看該作者

咁你果陣每日有幾多時間休息呀？

私人傳訊

積分: 668

7^#

發表於 20-3-21 23:05 |只看該作者

你b咁叻！好多人都話飲咗樽唔識埋身呀，你泵完再用樽唔係仲多功夫做嗎？定係想知佢飲幾多？

私人傳訊

coconutious

洋房

積分: 53

8^#

發表於 20-3-21 23:43 |只看該作者

我有問過姑娘乳頭混淆呢個問題㗎佢話書仔上面係咁寫唔好餵奶樽不過佢哋自己經驗就話只要出世頭幾日係埋身就唔會乳頭混淆因為佢已經識得食媽媽嗰個
因為bb第一個禮拜過輕同埋黃疸一直唔降佢個嘴仔太細我又想安心啲知佢食幾多所以泵出嚟係多咗功夫呀不過我安心
你唔好太擔心啦如果真係冇人幫你有啲家務可以唔做就唔做 bb訓嗰時你爭取時間瞓食野可以嘅話飲啲簡單既湯水早餐食麥皮三文治嗰啲只要唔好食生冷嘢食清淡嘅飯菜我上奶個兩三星期真係好肚餓買定啲麵包唔好餓親自己加油呀

私人傳訊

showyuyuyu

積分: 1645

9^#

發表於 20-3-22 01:19 |只看該作者

我個B依家差不多3個月，呢幾個月好似每一日都訓吾到5個鐘

雖然戒左夜奶，但佢夜晚吾肯訓教，一樣無教好訓

私人傳訊

giiisbb

積分: 745

10^#

發表於 20-3-22 03:05 |只看該作者

我媽會幫手但佢乜都唔識咁所以乜野都自己黎本身我都係全埋但覺得我啲奶唔夠營養去到個令禮拜就半人奶半奶粉最後有黃疸比佢全奶粉一個禮拜就退哂姑娘話佢生長線好好見佢依家肥嘟嘟咁無後悔比佢全奶粉其實奶粉bb都可以好健康架當然你想堅持無人可以逼到你加油呀媽媽頭一個月係好辛苦我bb兩個月啦輕鬆左好多

私人傳訊

Hapi_Baby

男爵府

積分: 5555

11^#

發表於 20-3-22 13:25 |只看該作者

好明白你嗰種心情！我成日堅持埋身餵（省時慳功夫），但初時bb成日好懵食得唔好，又成日扭計，我男人就成日叫我泵出嚟，我好反感！次次bb扭餵得唔好嗰陣我就諗係咪自己錯。
我唔prefer奶咀，我男人又叫我用奶咀去安撫bb，好煩！
我冇請陪月，但好彩有媽媽幫手，幫手煮飯洗嘢，差好遠！如果我自己嚟，肯定唔得

會虛脫，初時仲要隔一個鐘就食隔一個鐘又食，不敢想像
真係要搵人幫下，你要盡量攝時間休息一下！因仲有漫漫長路！

私人傳訊

kathywong12

積分: 1573

12^#

發表於 20-3-22 14:18 |只看該作者

我b未夠一個月
我一開始都想全埋，但阿b又係食唔夠，好快瞓左一or 唔食
之後就泵岀黎比佢，有時埋下身
唔夠再比奶粉佢，去健康院姑娘話佢重得好好呀！

私人傳訊

coolbaby2020

複式洋房

積分: 440

13^#

發表於 20-3-22 16:14 |只看該作者

我都系坐月開始無陪月，疫情關係我媽媽外地來唔到，99幫我煮午飯做家務，老公煮晚飯。我都係全埋身，就甘出左月。好彩我個仔好肯食，所以奶ok，其實頭一個月系要bb埋身多奶先會多，同埋bb訓你就訓，飲木瓜魚湯。不過我來到第二個月都有新煩惱，bb都係食得好密，我99以前湊個侄奶粉b，好規律。成日話唔知啊仔食幾多，不如泵出來樽喂，問題我個仔訓都要痴住我先訓得好，無人幫我湊距，我邊有時間泵奶。二個月開始有肚風腸絞痛，有時個零鐘又要食，驚喂密左肚風多，又驚距係肚餓食唔夠。老公仲話指望我出月可以幫手做家務⋯⋯有時都想放棄，到時放棄喂奶粉無人幫手沖洗更麻煩。

私人傳訊

積分: 668

14^#

發表於 20-3-22 18:02 |只看該作者

我頭先補咗一餐奶粉啦⋯⋯
咁你最後係咪都堅持一路埋身餵呀？

私人傳訊

Ccass

洋房

積分: 50

15^#

發表於 20-3-23 00:06 |只看該作者

加油丫我一直都係全埋身出世到依家只係補過兩次奶粉不過我同你唔同係有陪月但其實全埋身有無陪月都無分別陪月只係可以整到野比你食但每次餵都係要靠自己
如果揀全埋身既路頭段係好辛苦我當時都喊過好攰好辛苦因為bb每1-2個鐘就要食一次第一個月一日食12-13次我攰到泵奶都無所以一直都無泵過因為我相信feed for demand 唔想改變第一個月係真係無得休息咁滯連我既陪月都話我要補奶粉咁樣我會辛苦不過我認為自己挨到既就唔補
的確過左一個半月後自己嘅身體機能同BB好似配合左咁依家佢三個月就大約三個鐘食一次夜晚就九點訓到第二朝七點起身
終於明白啲人講既先苦後甜真的

私人傳訊

Hapi_Baby

男爵府

積分: 5555

16^#

發表於 20-3-23 09:33 |只看該作者

之前屈服咗，泵出嚟用樽餵過一次

但我真係覺得好麻煩，又要預時間坐番熱啲奶，最後都係堅持埋身餵，方便好多

不過真係好辛苦，我多奶，bb又食唔曬，試過谷到痛到爆，仲有低燒，好頹！
其實用乜方法都冇所謂嘅。目的都係想bb有嘢食，唔好餓，如果真係身心都攰，就唔好再堅持落去啦，影響仲大！
加油啊

私人傳訊

MinMinDes

積分: 1467

17^#

發表於 20-3-23 12:40 |只看該作者

我都係埋身餵，冇陪月冇長老幫
但就有訂月子餐，唔洗煩 3 餐已舒服好多
埋身餵唔洗清洗奶樽，已經係最省時省力既選擇

家務盡量留俾老公做，唔好對自己咁高要求，要適時偷懶，bb 一瞓你就要跟住瞓，否則人都顛

私人傳訊

bonnie714