家事百科今日: 0|主題: 39337

收藏本版

發帖

返回列表

跳至頁

查看: 4321 | 回覆: 0

● 你哋用嘅單頭電磁爐中低火力係持續(模擬文火)定間斷? [複製鏈接]

smart_lam

子爵府

積分: 10020

1^#

發表於 20-5-11 19:52 |只看該作者 |倒序瀏覽 |打印

本帖最後由 smart_lam 於 20-5-11 19:52 編輯

剛 Youtube 睇完個電磁爐及電陶爐對比，描述模仿【文火】功能上，片主話單頭電磁爐調節火力時，尤其係非最高火力時，係靠間斷嚟控制遣當火力，意思係一下開一下熜咁 !

我之所以用電磁爐而唔用明火、或電陶爐，主要我唔想室溫高及安全。電磁爐雖然喺選擇爐具方面較麻煩，而且如果用鑊炒餸菜時，只係底部圓形接觸面灼熱，鑊身係基本上完全唔太熱，要不停咁用鑊剷兜，先炒好炒熟一碟餸菜。如果你唔不停兜冚鑊蓋，平坦底部隨時煮燶黐底 !

喺熱天如果用明火或電陶爐，就算有抽油煙機及抽氣扇，煮食時會大汗淋漓。就算開冷氣都好，用明火或電陶爐時，室溫都有一定程度急升，會令到自己感覺到熱，而且高室溫會令廚房內四周滿佈濕氣，間接令煮餸時散出油煙粘附在四周、久而久之要深層大清潔都好辛苦 ! 電磁爐就可以避免咗呢個弊端，但就要置換煮食煲及鑊具，而且價格都不太便宜 ! 同埋陶瓷煲貝又用唔到，呢方便要諗清楚!

另一方便我中意電磁爐慳電，因為所有電力所產生熱能，都集中煮食器皿內，唔會浪費電力。同埋手觸摸到電磁爐身，都唔會容易燙傷。只係剛煮食完爐表面較熱，但未至於明火及電陶爐咁熱、及致可即時燙傷比較安全。

尚朋堂我用過電熱水壺多年，但因中段有一段長時間冇用，壺內橡膠圈脆化剥落，最後忍痛丟棄，但俾我感覺台灣呢個牌子唔錯! 之後因對佢印象唔錯，約近十年前買咗尚朋堂SR-1665單頭爐，呢個型峿係陶瓷面防爆，而且圓形陶瓷面有凸出邊緣，防止爐具跣出爐外，呢個設計不錯 !

因為我只用過一般單頭電磁爐，都係一仟蚊樓下普通入門貨色，所以雙頭爐我未用過，今次只集中討論單頭電磁爐。我近廿年用咗約三至四部單頭電磁爐，最早用美的兩部、伊瑪一部、及尚朋堂一部至今。伊瑪放娘家作後備翻熱使用，自己屋企一般煮下簡單嘢，加上廚房又細所以只能用單頭。暫時覺得最唔耐用係美的，前後壞咗兩部仲係每部用約一年就壞! 最耐用係現在我自己屋企尚朋堂，用咗近十年但按鈕有遲緩故障，調節火力及時間制方便接觸不良，但仍然可以一般使用，只係比較麻煩要撳多幾次先準確，但底部發熱比美的及伊瑪均勻! 伊瑪放娘家用咗超過五年，可能只係一般翻熱，最多都係用低火半小時左右，暫時完全正常，撞手神嚟講都算好彩，但底部發熱接觸唔均勻，熱力偏埋一邊弊端!

我尋日自己拆卸尚朋堂單頭電磁爐，作內外深層清潔，尤其按鈕用擦膠及酒精拭擦乾淨，之後回復正常又慳番一筆錢，亦可環保一舉兩得 !