懷孕前後 今日: 11 | 主題: 330362

積分: 13

1^#

發表於 20-4-18 01:34 |只看該作者 |倒序瀏覽 |打印

我同男朋友一齊幾年，一直都好穩定幸福，我地計劃今年尾結婚，所以我係今年頭搬左去佢屋企一齊同居，同佢家人一齊生活
搬左幾個月一直都住得吾習慣，可能因為我潛意識一直想二人世界搬出去（可惜廢是太吃力所以搬入黎住試試先），佢家人是對我吾錯，都相敬如賓，但因為佢姨甥仔幼稚園大，非常活躍，而男友媽媽本身講野好大聲，而我原生家庭係比較靜同作息正常，所以當我經常處於一個好嘈吵既環境，一直適應吾到，帶住耳塞都訓得好少，第二日返工好攰。
而且佢地作息都比較特別，無論佢媽媽定姨甥仔都係呢幾個月會半夜吾訓，第二日早上至中午先訓，所以半夜有時都好嘈吵

0 0 0

私人傳訊

積分: 13

2^#

發表於 20-4-18 01:39 |只看該作者

回覆樓主：

本帖最後由 www12345 於 20-4-18 01:50 編輯

所以我其實一直都住得唔習慣，而我同男朋友都有共識，如果我住得唔開心佢會同我搬出去
但問題來了，因為我同男朋友都想要小朋友，而且適婚年齡，打算今年結婚所以一直都冇設訪，而我係上星期都驗咗懷孕七週左右
本身第一日都好開心，但之後我就一直好負面一直胡思亂想，好想搬出去二人世界好唔適應而家屋企環境，而且呢幾日亦咁岩比我唔小心聽到佢媽媽係背後話我懶，所以我情緒好差，啱啱都上網做個自我測試發覺抑鬱指數都超標，當然我都俾咗好大壓力男朋友，所以我都見到佢開始唔開心，亦好似好疲倦
令到我開始懷疑呢個時候有小朋友係咪唔係一個正確決定？

私人傳訊

積分: 13

3^#

發表於 20-4-18 01:43 |只看該作者

因為宜家呢個居住環境真係唔係我想要嘅生活，但如果我哋堅持搬出去兩個人住，將來小朋友佢媽媽未必肯湊，同時我哋經濟上都會非常吃力
但如果而家放棄呢個小朋友，我哋亦明白有小朋友係緣份，而家放棄左過幾年未必話有就有
我明白最好的方法是繼續喺度住，出世後佢媽媽會幫手照顧，但我上網見到好多問題到時喺懷孕坐月嘅時候，同奶奶發生磨擦我唔想到時大家關係破裂先再搬出去
再加上而家一直喺度住每一日都瞓得唔好，淨係收埋自己係間房情緒真係好唔開心
希望大家唔好鬧我地，我明白係我哋唔夠深思熟慮，我哋一直都想早有小朋友但估唔到有咗小朋友之後，壓力會接種而來

私人傳訊

積分: 13

4^#

發表於 20-4-18 01:48 |只看該作者

我自己都有同好多朋友及家人討論過呢個問題，大部份人叫我睇開啲調節自己的心情，但有時可能我呢一刻冇事，瞓完覺起身就會好唔開心又喊，無論係我定男朋友都處於一個有壓力嘅狀態，長此落去都會影響到我哋之間嘅關係，
所以真係好迷惘唔知之後條路點行會好

私人傳訊

KKWANG

積分: 1751

5^#

發表於 20-4-18 02:50 |只看該作者

建議搬出去，請工人湊小朋友

私人傳訊

積分: 13

6^#

發表於 20-4-18 02:53 |只看該作者

KKWANG 發表於 20-4-18 02:50
建議搬出去，請工人湊小朋友

搬出去經濟上已經好吃力了，實在冇能力請工人(emoji)

私人傳訊

helloyvonne2017

積分: 1396

7^#

發表於 20-4-18 07:42 |只看該作者

本帖最後由 helloyvonne2017 於 20-4-18 11:02 編輯

我見你而家懷孕初期已經有抑鬱症狀，其實都幾難繼續喺男友屋企渡過整個孕期。我建議你哋搵自己家人傾吓，一方面你又問吓自己家人將來可唔可以幫忙湊BB，另一方面男友都應該開心見誠問佢家人。因為要幫忙湊B唔代表你哋一定要一齊住，或者你倆口子租個附近嘅單位又可唔可以呢？都要聽吓兩邊家人意見，千忻唔好覺得你兩個要做好晒所有決定，咁樣好辛苦㗎！

私人傳訊

rainbowflower

積分: 2400

8^#

發表於 20-4-18 11:33 |只看該作者

回覆樓主：

本帖最後由 rainbowflower 於 20-4-18 11:42 編輯

你要取捨寄人籬下就手頭上充裕d

搬出去住你個人係會開心d 但搬出去住唔係咁簡單你都要諗清楚搬左出去住你大住個肚老公返工全屋既家務都要你一個人做哂同埋無人煮埋飯比你食你要諗自己煮定日日返去呢個你唔鐘意既屋企度食加上租金水電媒全部你自己攪仲要衡量一下你既budget租到邊度孕期反應嚴唔嚴重嘔唔嘔承唔承受到呢d壓力

搬出去住經濟已經好吃力但起碼仲頂到長遠有左bb仲有產檢費用 Nifty pro各樣既開支都唔細當然bb係一條生命黎點都唔鼓勵你有唔要佢既諗法只係撇除你開唔開心呢個因素你都要長遠諗諗你地負唔負擔到同埋有無諗過可以點增加收入等等 bb出左世開支會更加大

私人傳訊

fantabb

別墅

積分: 966

9^#

發表於 20-4-18 13:13 |只看該作者

www12345 發表於 20-4-18 01:48
我自己都有同好多朋友及家人討論過呢個問題，大部份人叫我睇開啲調節自己的心情，但有時可能我呢一刻冇事， ...

其實無論你地搬唔搬走都會有壓力，只不過係張個壓力來源改變左姐
唔搬你又會繼續覺得一齊住辛苦，生左之後婆媳關係必定會更加矛盾
搬走嘅話你哋目前既經濟狀況仲未可以請多個工人幫手，你一腳踢會好辛苦，除非你可以唔使返工做ftm，但做ftm一啲都唔容易，要食得鹹魚抵得渴

我嘅睇法係，而家你未來奶奶對你已有微言，相信日子耐左只會越睇你越唔順眼，搬走有番的距離可能係好事。至於湊BB方面你可以叫你老公同佢商量下，要解釋得清楚比佢知你地搬走係因為有BB之後空間不足，如果一齊住佢都肯湊嘅話應該搬走咗都肯幫手湊既，當然如果你做到ftm唔需要佢幫手就最好啦

私人傳訊

giiisbb

別墅

積分: 745

10^#

發表於 20-4-18 13:52 |只看該作者

www12345 發表於 20-4-18 01:34
我同男朋友一齊幾年，一直都好穩定幸福，我地計劃今年尾結婚，所以我係今年頭搬左去佢屋企一齊同居，同佢 ...

我同老公比較細呢個年齡同經濟絕對唔係一個適合生bb嘅時候但有左都決定生無後悔過結婚後留係娘家到住但屋企有個極無知極無防疫意識嘅老人家日日剩係話我唔識湊女我媽仲當左佢係佢個女咁成日半夜撩bb玩無一個人尊重過我湊女方式我有抑鬱有自殘過所以生完到依家幾個月老公都日日係到陪住我你要同老公搵共識搬出去就要努力搵錢無能力只可以忍/可唔可以搬返娘家記住做左媽媽內心要夠強大

私人傳訊

smiletkl

積分: 2957

11^#

發表於 20-4-18 14:00 |只看該作者

其實搬唔搬都有好多問題，如果搬，開支會好大，屋租、水電煤、家庭用品、家用，日常家務煮飯邊個做呢，你一個人應付到嗎？產檢、孕婦同bb用品加加埋埋都唔少錢，要計埋呢啲開支，將來湊bb，如果做ftm，先生一個人的收入唔夠，返工的話，無論請工人定俾奶奶湊，你都要俾錢㗎，如果你唔俾錢奶奶湊，一定仲多說話聽。如果唔搬，就會繼續唔夠休息，孕婦玻璃心，聽到半句說話都會唔開心，將來湊b亦會意見不合有衝突。講真，無論邊個選擇壓力都好大，你哋都會多左問題，如果唔要bb，你哋接受到嗎？仲會結婚嗎？依家唯一可以改變的是你自己，改變自己生活習慣，欣賞奶奶願意照顧你一家

私人傳訊

bst01178