夫婦情感 今日: 0|主題: 42703

我同老婆結婚三年多，結婚果時我想明媒正娶，所以同銀行借左十幾萬卡數搞左場婚禮，雖然唔係好隆重，但我都希望佢同佢家人明白我對佢係真心真意，亦係負責任既人，結果用左一年時間清還所有卡數。老實講，果段時間真係好痛苦，每月還款再扣除開支又冇積蓄，個仔又準備出世，每月都係勉強夠用。

結果一年後死慳死底終於還清所有債務。仔仔出左世之後基本上大部份家務我都處理好，初時仔仔每晚起身喂奶工作都係我負責，好辛苦，每日我都只係訓幾個鐘，希望老婆可以休息多啲，為佢爭取多啲時間。後來，仔仔開始喊得好厲害，好彩我屋企人識湊，大家輪流搞掂左。基本上呢段時間都好少叫佢做家務。上年我甩左P牌買左架車，希望接送佢地出入，可惜架車太舊，有幾個位置都開始有問題，於是我好好彩冇點蝕錢賣左出去，過左半個月我再買左架車，唔知係咪人行緊衰運買野都衰，架車初初冇事，行左兩個禮拜又開始壞，今次就真係蝕左少少錢賣左。我唔死心，因為我覺得有架車始終都係方便過每次出門都坐的士，坐交通工具冇問題，但係將時間用係等待上我覺得好浪費。於是我再用賣車剩底既錢再買左架車，結果半年就咁換左3架車。呢架車其實冇咩問題，只係坐得唔舒服，好震好’登’，我想最後一次換架貴少少好少少既車，希望佢地真真正正坐得舒服啲。其實佢本來已經好唔中意我買車，每次換車佢都嘈我，但我出發點真係希望將時間留番係有用地方，同埋佢地可以坐得舒服，於曷我一直都有睇車，但係我知道我應承左佢第三架車係最後一架，以後都唔會再買。我一直都只係睇車而冇去買，就係因為呢個承諾。結果睇左兩個月，有幾曰我好唔開心，佢以為我係因為想換車唔俾我換而唔開心，其實唔係，我唔開心係因為另一啲家事。但係佢果日見我唔開心，於是同左我去睇車，睇到最後，其實我都唔係太想買果架車，因為我感覺果架車都係有少少唔舒服，不過佢坐過話冇問題，咁睇得車，我咪以為佢批准我買，於是我咪落訂，因為之前屋企親戚有事借左我張卡碌左30幾萬，我張卡暫時冇limit，於是借佢張卡落訂落左2萬，跟住等上會。過左幾日，車行打電話俾我話要擔保人，於是我咪問老婆做我擔保人，但係佢唔肯，我本身冇乜朋友冇乜親戚，所以除左佢根本搵唔到擔保人，但佢竟然唔肯，果刻我好憤怒，我覺得，所有事我都肯負責任揹起曬，點解偏偏係呢個重要關頭你唔肯?我只係希望可以做個擔保出車，我唔係還唔到款，點解咁都唔肯?於是係憤怒既情況下叫佢番屋企休息下。我冇鬧佢，只係唔明點解兩公婆係有困難既時候唔可以支持下?結果佢反而嬲我，而家佢留係佢屋企唔肯番離。我好心痛，點解我負起曬所有責任，結果會換來咁既對待?我好唔明白係唔係我對佢付出唔夠多?雖然佢唔番來我身邊，但我依然愛佢每一天，更加期望佢有朝一日會回心轉意。