琴晚發咗個惡夢，話自己瞓喺一條好長、好窄嘅獨木舟入面，同一條船前前後後瞓咗無數咁多唔相識嘅人，細仔就瞓喺我心口上面，當時風浪好大、好急，隻獨木舟兩面不停咁搖晃，我好驚反艇會跌咗個仔落水，所以搏命係咁攬實佢，仲教阿仔千祈唔好郁，希望盡量保持平衡，可以盡快到達彼岸，後來發覺其他瞓喺獨木舟上面嘅人，有啲人開始亂咁郁，有啲轉左，有啲轉右，有啲仲坐咗起身，搞到隻船篩嚟篩去，更加唔穩定，我好驚、好驚，心諗今次死緊，咁搞法實會齊齊跌落水，當時完全體會到，就算自己做得幾好都冇用，如果隊友唔合作都係死路一條！最後唔知過咗幾耐，隻獨木舟終於埋岸，大家都鬆咗一口氣，最搞笑嘅係，拉我哋隻船埋岸邊嘅，竟然係林文龍！
我瞓醒時，發覺每晚用嚟long 腳嘅大枕頭，竟然責咗喺個心口度！
發表於 
返回列表
