懷孕前後今日: 1|主題: 330354

收藏本版

發帖

返回列表

跳至頁

查看: 3943 | 回覆: 8

19周發現bb心跳慢, 但確定不到原因 [複製鏈接]

Bu媽

複式洋房

積分: 449

1^#

發表於 20-8-27 09:18 |只看該作者 |倒序瀏覽 |打印

星期一去政府做例行產檢，醫生照心跳慢，得70，正常應該有百幾

即刻call白車去左瑪麗，急症室醫生話見到有140，不過安全起見，話送我上婦科檢查

婦科醫生照完，話bb的確係得70幾，再送我上產科再睇

產科2位醫生照左半個鐘，話bb心臟應該係heart block(心房傳導障礙)，即係話bb上半part個心有140，但係中間傳導系統有問題，傳唔曬去下半part，所以下半part得70。

星期三再去見兒科心臟科醫生+產科醫生。好認真照左45分鐘，醫生話暫時睇圖估計有兩個可能性︰一、早搏(過早搏動)，二、心房傳導障礙。但暫時睇圖唔可以sure係邊種。

如果係情況一，問題唔大，好多人都會有呢個情況，唔需要藥物處理；如果係情況二，bb好彩就可以維持到70心跳到出世，唔好彩就有30%夭折率。

而佢話有機會要到佢出世，照心電圖先知佢係屬於邊一種。

為左避免bb係情況2，佢建議我當日開始就食高劑量類固醇。呢個做法在醫學界仲好具爭議性，因為係罕有病，得好少研究支持。有孕婦食左bb可以生存，有D就無用。而且對孕婦都會有一定副作用。對孕婦特別多，例如會亢奮、失眠、高血壓、糖尿。之後我再問藥劑師朋友，佢話都有機會早產、同bb有兔唇。

再講番假設bb出到世，如果係情況2就要裝起搏器，咁醫生講話手術唔難，但唔排除都會出現特別情況，例如發炎、腫症，甚至併發症。

聽番護士朋友comment，其實瑪麗心臟科已經係好出名，但我地都想拎個second opinion，會唔會有醫生可以睇到佢係屬於早搏定係heart block。分到呢兩個情況真係好重要，因為早搏根本唔係大問題，我既bb仲有機會健康快樂成長。但係heart block既話，佢之後就可能會好辛苦。我地都會好痛苦。

而我地初步都唔想食藥，始終太少研究，副作用好多，真係好高risk。約左下星期第二位婦產科照結構，希望佢可以轉介我去一位適合既心臟科醫生再幫我睇下。距離24周唔算長，唔算短，我真係好想搵到答案。

想問大家有無識醫生/朋友經歷過類似既情況？如果有，希望大家可以幫下我