吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我接受唔到我男朋友媽媽做我未來奶奶

婆媳關係今日: 4|主題: 27761

收藏本版

發帖

返回列表

跳至頁

查看: 12844 | 回覆: 33

我接受唔到我男朋友媽媽做我未來奶奶 [複製鏈接]

hkflyingfish

民房

積分: 12

1^#

發表於 20-7-24 17:44 |只看該作者 |倒序瀏覽 |打印

本帖最後由 hkflyingfish 於 20-7-24 17:49 編輯

我男朋友同我都計劃結婚，佢對我好好好錫我咩都以我行先，佢叻仔又勤力未到三十歲已經靠自己有車有樓，我屋企人都好鍾意佢，但唯一問題我就係接受唔到佢媽媽。
首先佢媽媽係新移民極藍佢同佢啲同鄉會就係嗰啲民x聯助選師奶團依家又公開撐國安法，政見唔同都算我明白好多上一輩毛主席思想都係咁，平時係屋企唔討論當無事。

但平日生活習慣真係頂唔順，佢成個垃圾婆咁屋企堆到冇路行，扔佢一個膠袋都發哂癲咁。屋企極污糟完全唔打理清潔，次次一煮煮勁多餐餐都淨餸隔夜飯餸放雪櫃但可以唔用保鮮紙經常倒晒啲汁喺雪櫃，啲污跡十年無清過又塞滿晒過期食物。成日唔着鞋行出垃圾房倒垃圾返嚟又踩上人哋張床。。

典型師奶咩都貪，貪平買好多冇用嘅嘢都算，外賣一定唔可以冇比紙巾或者少咗包茄汁，人地明明俾咗但次次都問人拎多啲好肉酸。。但又用唔晒放喺屋企草。

我男朋友三兄弟啲舊衫全部唔扔得，連舊襪都話仲着得可以俾啲表兄弟，但人哋表兄弟啲媽媽個個有錢過你咩緊名牌chanel袋邊個貪你個仔啲舊襪舊鞋。。

同佢屋企去過旅行，佢冇除鞋成個企上張飛機凳到掛住自己放嘢擋住晒後邊所有人，空姐叫佢落返黎真係好失禮。。平時乜都鍾意影俾啲親戚睇哂命，食飯佢自己掛住影相拍片唔准其他人發出聲音阻住佢拍片又要人哋一定望鏡頭配合佢。有次我整咗個生日蛋糕俾我男朋友，放咗喺佢屋企雪櫃諗住夜晚先拎出嚟俾個驚喜佢，點知佢媽媽下午自己偷偷地拎出嚟想打卡影相又論盡仲整爛咗==

佢份人又極自私，一月大家都搶緊口罩嗰陣，有次我去佢屋企第二日屋企得返我哋兩個我冇口罩出門，我已經開口問佢要一個口罩，佢話佢哋屋企都唔係得番好多口罩可以俾住張紙巾我遮住個口鼻出街==

我接受唔到佢嘅嘢實在太多不能盡錄，除咗生活習慣同文化思想差異外，其實佢平時對我幾好，可能我平時都係乖乖女形象佢唔知原來我咁唔鍾意佢，佢都好想我同佢個仔快啲結婚。

佢屋企嘅生活習慣我同我男朋友傾咗好多次，佢哋三兄弟同佢爸爸其實都成日話佢都好唔滿意佢媽媽，但佢完全聽唔入耳活係自己個世界度。雖然我男朋友係咁嘅環境下成長，但好彩佢係正常人同埋好肯聽我講，我男朋友話好快我哋結婚就可以搬走有個新屋企媽媽唔會影響到我地。

雖然知道結婚後唔會一齊住，但始終都係佢媽媽，總要相處，同埋我都唔想將來我啲小朋友會俾有機會俾佢湊，咁嘅情況嫁唔嫁得過？有咩解決方法？

0 0 0

私人傳訊

kkbaby01

大宅

積分: 3518

2^#

發表於 20-7-24 18:50 |只看該作者

你唔係一齊住其實應該ok 架，最多少啲來往。但老實講佢係唔會變，越老可能越嚴重，呢啲糸佢習慣來，無理由個新抱入門就要改變自己。

私人傳訊

Nbs

水晶宮

積分: 62484

3^#

發表於 20-7-24 19:37 |只看該作者

回覆樓主：

本帖最後由 Nbs 於 20-7-24 19:37 編輯

唔一齊住唔俾bb佢湊咪得囉，見面就出街食唔好返屋企。你老公ok 就得，佢幫你檔晒推晒，其實無嘢煩。

私人傳訊

jojocatjojo

大宅

積分: 2197

4^#

發表於 20-7-24 19:38 |只看該作者

呢到大把人同99一齊住仲煩啦！
其實唔使同住諗咁多仲乜！如果你打算婚前婚後都成日同老公數99，你嘅婚姻都唔會開心如意，無可能要求99為你改變生活習慣，相處唔到就保持距離，只要你老公唔係媽寶，有咩事由佢出手頂住，已經可以減少好多問題。

私人傳訊

晴天bb

伯爵府

積分: 17978

5^#

發表於 20-7-24 20:31 |只看該作者

hkflyingfish 發表於 20-7-24 17:44
我男朋友同我都計劃結婚，佢對我好好好錫我咩都以我行先，佢叻仔又勤力未到三十歲已經靠自己有車有樓，我屋 ...

而家你係同佢個仔拍拖,未來奶奶係咩政見又關你咩事, 你似有問題多啲囉。
如果樓主真係接受唔到你未來奶奶,我勸你趁早分手,明知山有虎偏向虎山行結局,你可以睇下其他鋪就知道啲jm們忍得幾辛苦。
你男朋友條件咁好,你父母當然係鍾意佢啦,愛屋及烏。但無奈你做唔到,盡早搵返一個同你政一樣未來奶奶,同佢個仔結婚生仔組織幸福家庭, 可能到時,你新男朋友唔需要買樓搬出去,你可以搬去男家同奶奶相處融洽

私人傳訊

washipig

大宅

積分: 4110

6^#

發表於 20-7-25 06:33 |只看該作者

回覆樓主:

同男朋友搬出去同居一年。得就結婚，唔得就分手。

婚後記得唔好同6299同住，bb 唔好比他們湊，甘樣問題唔大

私人傳訊

alicego62

公爵府

積分: 29947

7^#

發表於 20-7-25 10:35 |只看該作者

樓主唔好嫁啦，唔係甘衰女甘都要嫁呀？

私人傳訊

babyhoi

珍珠宮

積分: 33560

大廚勳章陪月勳章

8^#

發表於 20-7-25 10:44 |只看該作者

回覆樓主:

你男友呀媽係新移民，
即係你男友都係新移民啦！
港女爭氣啲唔好嫁大陸人啦！

點評

happylife28

發表於 20-8-18 07:00

私人傳訊

alicego62

公爵府

積分: 29947

9^#

發表於 20-7-25 10:52 |只看該作者

babyhoi 發表於 20-7-25 10:44
你男友呀媽係新移民，
即係你男友都係新移民啦！
港女爭氣啲唔好嫁大陸人啦！

咪係。

私人傳訊

秋天與楓葉

珍珠宮

積分: 32599

10^#

發表於 20-7-25 12:10 |只看該作者

回覆樓主：

本帖最後由秋天與楓葉於 20-7-25 17:36 編輯

講到無路行又極污糟，做咩咁屈就自己、舉步為艱都上去？
雪櫃塞滿晒過期食物同有十年污漬，你又敢放個蛋糕入去留到夜晚？

疫情期間，有人會唔着鞋行出去倒垃圾？

成個故事充滿矛盾，有好多唔合理嘅地方
不過你打咁多字算有誠意，做多啲功課先再出膠帖啦