少年成長今日: 0|主題: 16013

收藏本版

發帖

返回列表

跳至頁

查看: 4906 | 回覆: 0

個人學習概欖 [複製鏈接]

csir3290

子爵府

積分: 12012

1^#

發表於 20-11-22 11:18 |只看該作者 |倒序瀏覽 |打印

阿女今年六年級而家開始進入搵學校嘅高峰時間，申請好多學校都需要阿女交佢嘅個人學習同成就檔案。我同老婆都覺得阿女咁大個搵學校應該係佢自己有份參與，唔應該再係好似細個咁，乜嘢都係我同老婆幫佢搞。所以今年佢搵學校要交嘅個人學習同成就檔案我哋都覺得應該由佢自己做。首先想搵乜嘢學校阿女首先要自己鍾意，當然我哋都會有一定嘅意見畀佢啦，但係既然係佢自己鍾意嘅學校自己想入去，就自自然然應該由佢自己去學習承擔呢個責任，去盡力令到自己能夠入到佢心儀嘅學校。我哋最唔想見到嘅就係乜嘢都好似係我同老婆幫佢安排好曬而佢冇參與冇投入，到頭來如果入到間學校係我哋鍾意佢唔鍾意佢會返過嚟埋怨我哋，所以既然係佢自己想考嘅學校就由佢自己盡力去嘗試。我哋同阿女睇過好多學校嘅資料之後，我哋畀咗啲意見佢，最後阿女揀咗兩三間佢自己覺得好想入嘅學校，而佢亦都知道呢啲學校嘅收生條件同程度適合自己。正正係由佢自發想入嘅學校所以佢嘅主動性非常之高，我同老婆見到佢好主動咁樣為自己預備佢嘅個人學習同成就檔案，好整齊咁執好曬啲證書，自己影印自己編排，老婆只係教佢點樣寫自薦信佢就自己去學，自己去寫一封自薦信，整份個人檔案我同老婆都冇乜點幫過佢，絕大部分都係佢自己做自己攪，好多時我哋都只係畀意見，點樣做法就由佢自己決定。望住佢自己好努力咁樣嘗試，其實到最後啲學校收唔收佢其實佢都已經盡咗力，可能唔收佢會令佢失望但係佢都盡過力。

作為家長見到自己嘅仔女咁主動承擔其實結果係點都已經未必重要，重要嘅係見到佢嘅成長。好多時家長都以為幫仔女安排好曬就係為佢最好，但係呢一啲嘅安排仔女自己有冇參與佢哋又係咪覺得最好呢？但係當一個細路仔搵到佢自己覺得重要嘅嘢，其實佢就會主動投入盡力去做，因為佢覺得嗰樣嘢係佢自己有份自己安排嘅。我都以為自己嘅仔女仲細佢哋未必可以做得好好或者安排得好好，但係如果我哋冇畀機會佢哋嘅嘗試佢哋又點會做到呢！好似阿女搵學校咁，其實佢先至係最重要嘅一個持份者，其實對佢最重要就更加應該由佢自己去參與其中，為自己爭取為自己努力。可能佢未必會做得最好但係我哋嘅責任就係畀意見提醒佢，但係到最後點樣做都應該有佢自己決定。經過今次經驗，睇嚟阿女又比以前再長大咗了。