少年成長今日: 0|主題: 16017

收藏本版

發帖

返回列表

跳至頁

查看: 4378 | 回覆: 1

小習慣大作用 [複製鏈接]

csir3290

子爵府

積分: 12040

1^#

發表於 20-11-1 10:37 |只看該作者 |倒序瀏覽 |打印

早兩日喺公司嘅茶水間同個同事傾開，佢喺度呻呢輪公司經常都要OT所以經常遲走，返到屋企仲要教對仔做功課。個同事對仔都係讀緊幼稚園，但係佢就話對仔每晚都要等到佢返屋企先至教佢哋做功課所以晚晚都搞到好鬼攰。佢問我對仔女細個嗰陣時點，我話我同我老婆喺對仔女好細個嘅時候就開始就已經訓練佢哋有自己做功課嘅習慣。我同事話要訓練佢哋好難問我哋點樣可以做到。我同佢講話呢個其實真係習慣嘅問題只要自細開始培養，佢哋果就會覺得嗰樣嘢係好自然。我話其實喺我對仔女好細個嘅時候差唔多開始K1之前就已經間中開始同佢哋做啲練習等佢哋習慣要做功課，而且仲要開始習慣一定要做完曬啲嘢先至開始玩，到佢哋開學我同老婆都試過攞大假陪佢哋開學嗰段時間，其實最重要係培養佢哋開始放學返到屋企嘅時間會做功課先。其實呢個係習慣嘅問題，嗰陣時我同老婆都係要對仔女一放咗學，食啲嘢休息完之後就即刻開始做功課，根本唔會開電視或者玩先。到佢哋適應咗呢個生活規律就自然成為習慣。就算我同老婆番咗工唔喺屋企，佢哋放咗學返到嚟都係會先做功課然之後先至玩。不過當然要做到都要交帶工人姐姐一定唔可以開電視，同埋要提醒佢哋做功課。慢慢生活習慣就係咁培養出嚟，久而久之佢哋就已經習慣曬放學返嚟做好曬功課疊好晒之後等我同老婆返屋企先至幫佢哋檢查。

我同我同事講，我話雖然開頭同佢哋養成好習慣嘅時候係需要用一啲嘅時間，但係當佢哋養成咗呢套習慣之後到佢哋一路大嘅時候其實反而係慳番好多時間。所以我同我同事講襯佢對仔都仲係幼稚園好開始幫佢培養呢一種做功課同溫習嘅習慣。到而家我對仔女除咗自己做功課之外連温默書都係自己搞掂，佢哋自己會用手機錄起曬默書嘅範圍做完功課就自己默，最多等我同老婆返嚟先至幫佢哋改。

自細就已經灌輸畀佢哋一個觀念就係做完曬嘢先至玩就會玩得開心啲同埋唔需要玩玩下就要停，所以我對仔女已經慣曬呢種生活模式，做功課同溫默書都唔使我哋太過擔心。但係呢啲習慣唔係自己無端端就會養成，系需要父母用時間同埋有規律咁幫佢哋培養。開頭可能需要用多咗父母嘅時間，但係到佢哋一路長大喺學習上面其實就係需要呢一種自律，所以我都同同事講唔好怕嘥時間，開始要慢慢培養對仔喺學習上面嘅習慣，如果唔係只會去咗個惡性循環就係當佢啲仔嘅功課越嚟越多，每一晚越嚟越多時間要用喺教佢對仔做功課上面，自己又攰又會越嚟越忟憎，磨擦就自然越嚟越多，到時對仔就只會越嚟越怕做功課同埋溫習，慢慢為咗功課上面嘅爭拗只會越嚟越多唔想跌入邊有惡性循環裏面，就要注意點樣由細個開始培養佢哋自己做功課同埋温習嘅習慣。