少年成長今日: 0|主題: 16010

收藏本版

發帖

返回列表

跳至頁

查看: 5133 | 回覆: 3

生仔要考牌 [複製鏈接]

csir3290

子爵府

積分: 11978

1^#

發表於 20-10-25 10:37 |只看該作者 |倒序瀏覽 |打印

早兩日同同事行去食晏晝，行過附近個商場見到個大約四五歲嘅細路自己企咗喺個商場外面四圍望，我同同事都以為佢走失咗，點知原來望真啲係個細路嘅父母都企咗喺商場外面食煙，個細路就要企咗喺度等佢哋嘅父母食完支煙先至走，對父母應該係剛剛接完個細路放學，因為個細路仲著住校服個書包喺個阿爸背脊度。我同個同事望到都不約而同咁話有冇搞錯，食少支煙同埋食遲一陣係咪會死呢？父母都係咁，第時個細路大啲會唔會都一齊食煙呀。另外，搞到個細路啲校服同埋書包都係煙味，返到學校啲同學聞到老師聞到咁又點呢。我同事仲講話生仔真係要考牌，不過可惜好多真係識生唔識教。

除咗呢件事件之外我哋都講其實都見過好多次喺街度望到啲細路就知道父母冇教佢，好似冇公德心又或者嘈喧巴閉，再唔係就係冇規冇矩又冇禮貌，其實呢啲真係父母係最大責任。但係最慘有啲父母就真係以為生咗出嚟，有得佢食有得佢住就已經冇問題，有啲就以為錫曬自己個細路樣樣以佢為重，全世界就要繞住個細路為中心，就已經盡咗父母嘅責任。有啲仲要厚面皮到人哋出聲提醒都仲要覺得係人哋有問題。所以我同事就覺得生仔需要考牌，我就覺得生仔係需要用心去計劃同埋安排，尤其是係教育方面，唔係最終受害嘅其實係個細路自己，嗰啲父母最終都會自食惡果。