c.vieri 發表於 21-1-13 01:25 
睇左一集，之後就跳咗船
見章子怡同楊佑寧眉來眼去有d頂唔順
第一集「捱過」後，後面就唔會覺得有太大違和，楊祐寧個角色越後越覺得佢冇用，同埋真係同楊個氣質唔夾，反而周一圍越後越自然，越後越好睇，佢演得內歛，冷淡但唔冷漠，而家見到豫章王有自卑感（因為出身寒門）但唔自輕（佢知自己身份同責任係保護國土），佢愛王儇但又唔敢太明顯表達，因為佢知王儇同三皇子青梅竹馬，感情深厚，娶到王儇佢既開心又唔開心，呢般婚姻注定唔可能純粹，就算王儇成為豫章王妃，但三皇子唔可能從王儇心裡面消失，三皇子係王儇成長中一直存在，蕭綦只可以慢慢感動佢，兩人之間嘅鴻溝唔可能一夜之間填平，始終兩人成長嘅背景相差太遠，幸好係王儇唔係一般士族女子，佢成長中被寵被愛，亦被教養好多大道理，佢同謝宛如就好唔同，所以王儇可以理解到蕭綦心中抱負，謝宛如就唔得，陰差陽錯嘅婚配反而成為彼此嘅佳配。
呢套有D似之前如懿傳，都係因為演員演角色年輕時有違和感，令到好多觀眾棄劇，但去到後面就完全唔會再有問題，因為角色成長後，外表已經唔係最大看點，如果撇開外表的話，睇章子怡同周迅都演得到少女神態，試問係咪個個少女時代都係靚女天仙，一樣有唔靚唔身裁正嘅少女，佢地一樣有少女情懷同心思，我反而唔係太在乎演員樣係點，我更睇重演技同故事劇情，好似錦繡南歌，李沁又靚又演得，其他劇中角色都不乏顏值好又演得好嘅，但劇情爛到我睇唔落去。
花旗太太生活在花旗國，留意時差，你問我未必即時答到。
發表於 
有d頂唔順
返回列表
