吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 求助：工人姐姐唔單只借咗我哋錢，仲借咗財仔好多錢 ...

論盡家傭今日: 0|主題: 134036

收藏本版

發帖

返回列表

跳至頁

查看: 6153 | 回覆: 6

求助：工人姐姐唔單只借咗我哋錢，仲借咗財仔好多錢 [複製鏈接]

LaSeine

洋房

積分: 43

1^#

發表於 20-10-27 15:45 |只看該作者 |倒序瀏覽 |打印

我哋工人姐姐，已經係第三年，做嘢都ok。之前有過兩三次因為家人病（唔知係真定假，無追問）問我哋借錢，每月從佢人工度扣翻，都相安無事。
今年五月份，工人姐姐預支五千工資，話個仔嘅女朋友意外小產。
八月又哭哭啼啼問我哋借兩萬，話佢個仔用佢間屋去銀行抵押，貸款做生意，疫情無錢還，銀行要收佢間屋。我哋見佢可憐，只好借俾佢，令佢每月還兩千三（工人姐姐每個月人工➕膳食津貼有6300）。

呢兩個月佢成日魂不守舍，我覺得好古怪。上個禮拜終於俾我係屋企信箱見到財仔寄來的追數信⋯⋯
震驚之餘同佢坐低傾咗兩個幾鐘，佢原來係出面借咗好多錢⋯⋯香港又借、菲律賓又借，成七八個債主，加加埋埋近十萬港幣（其中欠我哋兩萬，一間香港財務公司四萬五）。
每個月人工根本唔夠還款⋯⋯

我上週同工人姐姐一起上嗰間四萬五嘅財務公司，想話叫佢哋降低每個月嗰還款額，起碼佢可以還的起。
今日再打過去問，對方話佢哋老闆唔同意，工人姐姐要依合約每個月還佢哋三千九⋯⋯

佢今日問我，可唔可以再借佢萬五元，佢拎去還咗啲細數（佢話其中一間要脅今日佢唔還錢就會po佢相上facebook⋯⋯），建議話我哋每個月扣起佢五千，扣足七個月後，佢再去還嗰間四萬五的財務公司。
即係話，佢打算呢七個月會避住嗰間財務公司⋯⋯

我真係唔知點算。已經唔識得點嫐⋯⋯好顯然，嫐都唔會解決問題。

財務公司真係會由佢七個月不還錢，淨係打電話同寄信？我好驚哋財仔會追上來我哋屋苑
係咪應該炒佢？我哋個兩萬蚊，就當係買教訓⋯⋯
我係FTM，唔係一定要有工人姐姐嘅。

請各位姊妹教下我應該點做…… 🙏

0 0 0

私人傳訊

BaolawBB

男爵府

積分: 6416

2^#

發表於 20-10-27 16:31 |只看該作者

LaSeine 發表於 20-10-27 15:45
我哋工人姐姐，已經係第三年，做嘢都ok。之前有過兩三次因為家人病（唔知係真定假，無追問）問我哋借錢，每 ...

你理得太多

佢街數係點，你唔需要理，祇叫佢每月出糧還返比你就夠.

佢明知自己欠你錢，仲不斷向出面借，佢自己要負責任，你今日心軟再借，唔洗幾耐佢又會再問你，無謂自尋煩惱。

私人傳訊

細姐姐

子爵府

積分: 14429

3^#

發表於 20-10-27 16:56 |只看該作者

LaSeine 發表於 20-10-27 15:45
我哋工人姐姐，已經係第三年，做嘢都ok。之前有過兩三次因為家人病（唔知係真定假，無追問）問我哋借錢，每 ...

唔好再借，
唔使炒，拖佢做多一，两個月，抵你d 債，叫佢自己辭職，買機票送佢走
工人走咗，通知財仔，俾埋入境處通知copy 財仔，就唔會揾你
你炒佢都得，代通知金，抵销欠你債項，唔使俾錢佢

私人傳訊

LaSeine

洋房

積分: 43

4^#

發表於 20-10-27 18:17 |只看該作者

回覆 BaolawBB 的帖子

唉，係啊，我就係心軟，所以佢借完一次又一次。佢話佢啲friends 個個都借財仔錢，教佢唔好接追數佬電話就ok。我話，妳都傻嘅，妳哋以為啲錢係天跌落來嘎。
佢今日仲話佢啲friends 建議佢問我借多啲俾佢一次過還晒啲細數先。我同佢講不如妳叫個啲出橋俾妳嘅好朋友借錢俾妳！佢哋依家係教緊妳abuse my kindness。