Baby Kingdom - 親子王國 香港 討論區 › 首頁 › 少年成長› 1 歲 b 鐘意打人？

少年成長

收藏本版
發帖
返回列表
跳至頁
1 歲 b 鐘意打人？ [複製鏈接]

首頁
1

尾頁
   0
cat20


大宅

積分: 1045


1#
發表於 09-6-4 00:41 |只看該作者
我囡囡好鐘意用手打/ 拍人塊面，有時又會拍枱，我好後悔，因為我估可能佢係模仿我嫁！因為有時佢曳曳或者做一d危險動作時，我叫唔聽喝唔停既時候，我就會打佢手板仔一下！同佢講︰曳曳，打打！

久而久之，我地一話親佢曳曳，佢就會大聲口up up一輪bb話（學我鬧佢咁），然後做出舉手打人呢個動作，打我或者老公塊面幾下，有時如果無人響佢身旁，佢就會扮我，大聲鬧張枱幾聲，然後打張枱幾下！

我開始醒覺，同自己講唔好再打打佢手板，唔想佢有樣學樣，但每次見到佢做d出人意表既危險動作（舉高腳想琴茶几、雙手捉住餐枱雙腳離地fing下fing下之類）時，我會即刻喝停佢，佢唔停我就拖佢去另一邊用其他玩具分散佢注意！但佢好快玩完果樣玩具佢又會再犯，當重覆好幾次之後，我又會好想打打佢手板，好讓佢印象深刻d，唔好再犯！

你地會唔會咁嫁？你地又會點處理呢d問題呢？我又可以點將bb糾正過來，唔好再打人呢？


好煩呀！！！

教小朋友呢門高深既學問，真係令我投晒降喇！我囡囡性格比較頑劣，嚴厲d治下佢咩，又有反效果，寛鬆d咩又怕會縱壞佢！各位媽咪有咩心得呢？請指教！
私人傳訊

kolezs


複式洋房

積分: 293


2#
發表於 09-6-4 02:07 |只看該作者
我都有你一樣的經驗. 因為老人家會咁做(教). 整親會話打打o個樣物件.

我囡囡而家2歲, 1歲又係咁, 我發覺我喝唔停既時候,
佢就會用手打/ 拍人塊面. 由那時開始, 每次囡囡曳或者做一d危險動作時, 我就會首先抱起佢, 離開現在少少, 一路抱緊佢(捉住佢隻手, 如果佢想用手打/ 拍人塊面)一跟同佢講, 咁樣做你唔啱(有危險), 一直同佢講,
講到佢點頭知道錯 (或者say sorry (大d)), 先放返佢落地......

幾次之後, 你就會發覺佢每次曳或者做一d危險動作時,就會唔記得用手打/ 拍人塊面.

當然, 你屋企所有人都要行動一致. 你捉得佢隻手幾次, 佢就唔會再條件反射做出打人o既動作.

最重要係, 你要由現在開始唔可以再打佢手板仔一下.
(試想一下, 如果佢第二時返學, 同學仔曳或者做一d危險動作時, 佢又去用手打個同學仔/ 拍人塊面, 到時你會點呀? ) (在佢而言, 這個動作(條件反射)是對的, 因為媽咪都係咁對佢o既)

我贊成適當o既體罰對小朋友學習是好的 (但不是打), 有時佢真係好曳, 我會捉佢背靠門口, 罰站, 想一想自己有什麼不對地的地方. 1分鐘之後(不要太耐, 因為小朋友的耐性有限, 如果太耐會有反效果,佢會討厭或者作對, 更加曳的) 再引導佢講出自己錯了什麼, 正確應該點做. (當然,你囡囡而家太細去做呢樣野, 大d,你可能考慮一下這個做法)

以上只是我的愚見, 希望可以幫到你啦!

原帖由 cat20 於 09-6-4 12:41 AM 發表

我囡囡好鐘意用手打/ 拍人塊面，有時又會拍枱，我好後悔，因為我估可能佢係模仿我嫁！因為有時佢曳曳或者做一d危險動作時，我叫唔聽喝唔停既時候，我就會打佢手板仔一下！同佢講︰曳曳，打打！

久而久之，我地一話親佢曳曳，佢就會大聲口up ...
私人傳訊

cat20


大宅

積分: 1045


3#
發表於 09-6-4 11:05 |只看該作者
kolezs你講得好好呀！只係我囡囡太細，講道理佢根本唔明，莫講話要講到佢點頭知錯啦！？

但我而家都會用捉住佢隻手唔比佢郁or打既動作，然後好嚴肅咁同佢講︰no呀！唔可以嫁！唔知咁又做得岩岩？因為實行左三四日，囡囡一唔開心或者我喝停佢做某d動作既時候，佢依然會條件反射做出打人/拍枱既動作！

我睇書都知可以用罰企冷靜/反省呢個方法，而且我都有偷步試過，但無用，可能真係太細啦，佢完全唔知我做梗乜講梗乜？叫佢企響度！同佢傾計，話你咁樣唔岩呀！唔可以嫁！都未講完佢就係咁嗌或者想跑，我對手捉住佢，佢已經成個身瞓晒落我度咁濟想跑喇！真係吹脹！
私人傳訊

hoitak


民房

積分: 2


4#
發表於 09-6-8 23:43 |只看該作者
BB仔係吾知道咩叫打人嫁,其實係佢好想接觸人, 只係吾知自己用左幾多力去同人接觸啫, 你這個問題不大, 因為我仔仔小時候都係一樣,經常大把大把咁打抱住佢既人, 因為BB仔係好想同人接觸既, 特別係你抱住佢同佢玩既時候, 有時真係會比佢打親嫁, 我試過比佢打倒我要入醫院添, 因為打中隻眼, 後來我就教佢模人, 我每次比佢打既時候, 都會好溫柔咁同佢講, 你咁樣係打人丫, 吾係模人丫, 打人係吾啱嫁, 你要模我或者想同我玩係要細細力丫, 吾好打我丫,吾係爸爸吾鐘意你嫁, 跟住我會用手輕輕咁模下佢塊面珠仔, 話佢知, 呢D先叫做模, 就係咁樣, 我仔仔不出兩星期,佢就介甩左打人既習慣啦

其實,1-2歲既小朋友, 係要教埋佢點同人地接觸同玩既

私人傳訊

冬前


大宅

積分: 1193


5#
發表於 09-6-10 20:25 |只看該作者
私人傳訊

angie127


大宅

積分: 3538


6#
發表於 09-6-11 06:52 |只看該作者
原帖由 cat20 於 09-6-4 00:41 發表
我囡囡好鐘意用手打/ 拍人塊面，有時又會拍枱，我好後悔，因為我估可能佢係模仿我嫁！因為有時佢曳曳或者做一d危險動作時，我叫唔聽喝唔停既時候，我就會打佢手板仔一下！同佢講︰曳曳，打打！

久而久之，我地一話親佢曳曳，佢就會大聲口up ...



我同c6由出世到而家從來打過個仔,最多鬧佢~
―歳倒,我媽由香港飛過嚟英國哩度住左４個月至走,我仔―跌倒,我媽就打下整到我仔果地方,我個仔之後就超鍾意攞ｄ長形玩具周圍打,到以家都係~我媽―見佢曳又打下手仔,我仔就成日打人面,仲要大大力,果時我鬧佢,佢就笑仲繼續打人面~而家２３個月大,毎次佢打我,我都會好嬲感話”你睇我同爸爸從來無打過你,因為打人係唔0岩”佢就會好驚感底頭同攬住我或爸爸,如果一陣佢再打,我好悪鬧佢,佢就喊同講sorry~
佢毎次都係玩得興奮就打人面,不過比細個小左好多
　

[ 本帖最後由 angie127 於 09-6-11 07:01 編輯 ]
私人傳訊

pyjess


侯爵府

積分: 24036


7#
發表於 09-6-14 03:07 |只看該作者
佢o個日第一次打人, 你要話俾佢聽佢唔o岩以及個原因, 唔好長篇大論, 一句起, 兩句止
再打人, 你要佢time out, 去冷靜區罰坐, 總之要佢冷靜回想自己o既錯, 你個女一歲, 罰佢一分鐘, 兩歲兩分鐘, 如此類推
佢走就帶佢番冷靜區, 直至佢乖乖地罰完晒為止
時間一到, 就去叫佢講對唔住同埋錯咩
認左錯要抱下佢, o易下佢
之後就參與番你地之前o既活動

我唸你試過但唔成功o既原因唔係因為佢太細, 而係要堅持; 同埋罰佢其實係要佢冷靜, 佢明唔明係其次, 最重要係令佢知道, 你唔鐘意佢打人...

原帖由 cat20 於 09-6-4 11:05 發表
kolezs你講得好好呀！只係我囡囡太細，講道理佢根本唔明，莫講話要講到佢點頭知錯啦！？

但我而家都會用捉住佢隻手唔比佢郁or打既動作，然後好嚴肅咁同佢講︰no呀！唔可以嫁！唔知咁又做得岩岩？因為實行左三四日，囡囡一唔開心或者我喝停 ...
如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見