吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 無病呻吟⋯⋯呻吓

自由講場今日: 149|主題: 1341271

收藏本版

發帖

返回列表

跳至頁

查看: 1797 | 回覆: 14

無病呻吟⋯⋯呻吓 [複製鏈接]

Panda366

男爵府

積分: 7507

1^#

發表於 20-12-4 17:20 |只看該作者 |倒序瀏覽 |打印

本帖最後由 Panda366 於 20-12-4 17:21 編輯

純粹呻吓發下嘮騷，請大家多多包函，我都明白其實自己處景比好多人都要好。BB10個月大，我仲放緊假，所以平時主要係我湊佢，婆婆幫手煮飯，爸爸放工番黎同weekend都會幫下手。因為BB大左成日周圍爬周圍搞野，所以睇小眼都唔得，精神壓力好大。有時扭計唔肯食粥或食奶，會整到成身成地都係。加上BB大個左重左，換片又郁黎郁去，抱佢又係郁黎郁去，搞到對手腕同膊頭好痛，人又忟。日日都希望爸爸快d放工可以接力等我抖下氣。我明白呢d係BB成長嘅必經過程，我應該開心佢正常成長同珍惜可以日日對住佢嘅時候，到時返工就冇得咁日對夜對喇。不過最近大仔（前妻生）病左入院，爸爸要去陪哥哥，同佢媽咪輪住一人陪48小時。因為哥哥可能中covid,結果未出所以唔敢比爸爸返屋企，怕如果係covid會傳染比BB。變相我呢兩個星期得我自己湊BB，有時一諗起個心會好慌好傍惶。我要堅強d，兩個星期好快過，哥哥呢個時候更需要爸爸（平時哥哥好乖好生性，成日話BB細個需要Daddy多d，但其實佢都好想Daddy陪佢）。希望哥哥快d好番，covid 快d完

0 0 0

私人傳訊

Locherry1215

伯爵府

積分: 19911

2^#

發表於 20-12-4 17:41 |只看該作者

明白你。10個月真係好活潑的時間，又會有主見，但揀食同唔食，什麼厭奶加固體重好多問題，又疫情困係家，放唔到電咁。
大人24小時睇bb真係無得訓。
大仔細個就係咁，1:1，食飯，沖涼，陪訓都bb行先，要佢訓左先做到以上的事，好夜食野（一個人食），攪到個時個人好瘦好瘦。捱到1歲，老公唔體諒好少幫手，差點離婚。
你老公肯幫手已好多了。哥哥病左好都慘，大人陪入院都好苦。你湊一個，老公又返工又陪哥入院，辛苦x2。
希望樓主加油，各做本份，互相體諒。

私人傳訊

careycarey

男爵府

積分: 9675

3^#

發表於 20-12-4 17:43 |只看該作者

回覆樓主:

想呻就呻吓啦，呻完再努力！你好好吖，睇到大仔乖嘅地方，又明白你先生嘅處境，但攰真係會好磨滅意志，每日bb瞓了，你都記得要爭取時間休息，加油

私人傳訊

mcs74

珍珠宮

積分: 33608

4^#

發表於 20-12-4 17:48 |只看該作者

明白你，不過你有老公幫下手真係好好，仲有婆婆幫手煮飯。

果陣時都明白bb有好奇心，將所有危險物品放好其他野由得佢亂巢。呢段時間我基本上日日主力研究bb餐單，自己就餐餐食公仔麵。

好彩呢段時間bb都仲叫訓幾覺，每次趁佢訓左我就執返好間屋比佢起身繼續巢，同埋拖地，一日到黑都係拖地，因為要比佢成屋爬

私人傳訊

Panda366

男爵府

積分: 7507

5^#

發表於 20-12-4 17:50 |只看該作者

Locherry1215 發表於 20-12-4 17:41
明白你。10個月真係好活潑的時間，又會有主見，但揀食同唔食，什麼厭奶加固體重好多問題，又疫情困係家，放 ...

多謝你，一句加油means a lot!! 有時d家事又唔想同朋友友呻，個心唔開心又唔知同邊個講，又唔想長老擔心。我知其實我面對嘅係小問題同好快會過，所以都唔想煩到人。

私人傳訊

Myluckybaby

侯爵府

積分: 22113

6^#

發表於 20-12-4 17:54 |只看該作者

Panda366 發表於 20-12-4 17:20
純粹呻吓發下嘮騷，請大家多多包函，我都明白其實自己處景比好多人都要好。BB10個月大，我仲放緊假，所以平 ...

本帖最後由 Myluckybaby 於 20-12-4 17:56 編輯

樓主明白你一個人照顧BB的辛勞，我們都是如此走過來的。買張網床，必要時放BB落網床玩，咁會安全d你又放心d，BB瞓咗你就把握機會休息，其他野慢慢來。
你係個好媽媽好妻子，你會體諒先生，諒解繼子，有壓力有心事就上來呻吧，講出黎人會開心d，加油！

私人傳訊

Panda366

男爵府

積分: 7507

7^#

發表於 20-12-4 18:07 |只看該作者

Myluckybaby 發表於 20-12-4 17:54
本帖最後由 Myluckybaby 於 20-12-4 17:56 編輯

樓主明白你一個人照顧BB的辛勞，我們都是如此走過來的 ...

多謝你，其實我就係唔好，明白呢個情況個個都辛苦同冇人想，但係都仲要唔開心。其實我有小小黑我老公面，同唔係好彩佢，但係我唔係嬲佢。個仔病到要留醫，做爸爸點可以唔理。我就係嬲自己咁大個人都唔成熟，咁都要唔開心，同你地呻完，好d喇，兩個星期好快過。

私人傳訊

小菜豆

公爵府

積分: 26715

2025勳章 2025勳章蛇年勳章 2024年龍年勳章

8^#

發表於 20-12-4 18:15 |只看該作者

樓主加油。。
BB時期照顧係消耗大人多啲
不過小朋友好快大時間好快過，
挨過咗2歲就越大越好湊。
教養另計。

私人傳訊

mln

水晶宮

積分: 50356

9^#

發表於 20-12-4 18:33 |只看該作者

回覆樓主:

樓主你好明白事理，雖然係辛苦啲，但這種情況不會很長，每個階段都係幾個月又會有改變，加油吧

私人傳訊

kcpak

水晶宮

積分: 55896

10^#

發表於 20-12-4 19:16 |只看該作者

Panda366 發表於 20-12-4 17:20
純粹呻吓發下嘮騷，請大家多多包函，我都明白其實自己處景比好多人都要好。BB10個月大，我仲放緊假，所以平 ...

明白既⋯上黎呻下係好事，發洩出來

婆婆真係好好，幫手煮飯已經幫左好大嘅忙

有人話,人一生要找到四個人1) 自己2) 深愛你的人3) 你最深愛的人4) 共你過一生的人在你出世一刻,我一次過找到這四個人

私人傳訊

邱悠月

侯爵府

積分: 22188

11^#

發表於 20-12-4 19:22 |只看該作者

回覆樓主:

放鬆啲，十個月bb好好玩，照顧好安全同健康，其他順其自然

私人傳訊

lovececing

侯爵府

積分: 22315

12^#

發表於 20-12-4 19:35 |只看該作者

明白，我都經歷過，有時唔係想老公返黎幫咩手，但老公返左黎屋企，個人心情都輕鬆d,起碼叫老公望一望，去個廁所都安落d呀，老公唔係身邊，無論身體上定心靈上都會累，祝哥哥早日康復，一家人都無事，平平安安

我沒有很多朋友, 但有你們就足夠~~~我沒有很多錢,但我所擁有的東西已經比別人多~~~我沒有很多老公, 但有一個把我寵壞就已經足夠

私人傳訊

牛牛牛牛

伯爵府

積分: 16487

父親節2025勳章 2024年龍年勳章 2023年兔年勳章 2021可愛聖誕B勳章減齡達人勳章牛年勳章畀面勳章叻叻勳章睛靈勳章陪月勳章 BK猜猜猜慶中秋冬日勳章 KMALL特別版勳章 BB防敏心得分享勳章笑得好勳章

13^#

發表於 20-12-4 19:36 |只看該作者

有咩就上嚟呻吓啦，明天會更好

私人傳訊

Panda366

男爵府

積分: 7507

14^#

發表於 20-12-4 19:47 |只看該作者

lovececing 發表於 20-12-4 19:35
明白，我都經歷過，有時唔係想老公返黎幫咩手，但老公返左黎屋企，個人心情都輕鬆d,起碼叫老公望一望，去個 ...

就係咁嘅意思！其實BB好痴我，食飯飮奶訓覺都只肯跟我。但爸爸喺度，起碼我可以慢慢冲個涼relax下，或者有人幫洗下奶樽。婆婆身體麻麻唔可以抱B，但爸爸唔喺度婆婆都可以睇一陣，然後我用十分鐘時間冲涼洗頭加吹頭咁囉，所以一諗到2個星期都係咁就覺得好大壓力。唉，尋晚哥哥喊着打黎話好辛苦，好唔舒服,我都覺得好難過好心痛