吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 係未我真係唔識教佢呢, 我真係辛苦.

少年成長今日: 0|主題: 16038

收藏本版

發帖

返回列表

跳至頁

查看: 2962 | 回覆: 15

係未我真係唔識教佢呢, 我真係辛苦. [複製鏈接]

well_being

男爵府

積分: 6643

1^#

發表於 09-4-29 11:12 |只看該作者 |倒序瀏覽 |打印

我個仔小一, 已經返咗一段時間, 但佢仍然都唔會緊張自己功課, 默書, 測驗同考試. 每天放學返到屋企(因為我是在職媽媽, 都是嫲嫲湊)淨係睇電視, 睇完之後先肯捨得去做功課, 但係佢做功課真係嚇死人, 1)d字核突都根本唔知佢寫咩, 做完等於冇做, 初初我都會擦咗叫佢再寫過, 後來我冇擦由得佢交番比老師, 叫佢再改正, 但佢覺得冇問題, 每日都係咁. 2)成日都唔寫手冊, 好在學校有得上網睇功課, 如果唔係就每日都會欠交. 3) 成日呃嫲嫲話做哂功課, 叫嫲嫲帶佢落功園玩 (但佢其實係未做哂, 因為嫲嫲唔係好識字, 佢又冇抄手冊. 所以嫲嫲唔知佢做哂未, 後來發覺佢講大話, 同佢解釋唔可以咁, 但又係咁冇改到.) 4)每次叫佢溫黙書, 同佢溫既時候, 叫佢錯咗的生字就10次, 抄唔夠3次又話好累, 又話眼訓, 永遠多藉口. 我試過強硬對佢, 都係無效. 黙書成續更加好似滑梯咁一直落. 考試同測驗一樣, 次次都係唔睇清楚題目求其做. 叫寫滿張卷就得, 到派咗返嚟改正嗰時見佢又識做. 係未我真係唔識教佢呢, 我真係辛苦.

0 0 0

私人傳訊

Kan-kan

複式洋房

積分: 155

2^#

發表於 09-4-29 12:14 |只看該作者

原帖由 well_being 於 09-4-29 11:12 發表
我個仔小一, 已經返咗一段時間, 但佢仍然都唔會緊張自己功課, 默書, 測驗同考試. 每天放學返到屋企(因為我是在職媽媽, 都是嫲嫲湊)淨係睇電視, 睇完之後先肯捨得去做功課, 但係佢做功課真係嚇死人, 1)d字核突都根本 ...

試下同佢班主任講下，再要求轉介去社工跟進。你今年做咗學童保健未呀！如未，做個時記得將情況話比姑娘，姑娘可以幫你轉介到有關醫生，唔怕佢懶,最怕係佢有讀、寫障礙，早d CHECK 下好d

私人傳訊

kecachlo

禁止發言

積分: 384

3^#

發表於 09-4-29 13:41 |只看該作者

唔...我好明白你呀!!

提示: 作者被禁止或刪除內容自動屏蔽

私人傳訊

well_being

男爵府

積分: 6643

4^#

發表於 09-4-29 14:54 |只看該作者

我試過軟同硬既方法, 但對佢嚟講完全係冇效用. 我同老公傾過, 依家唯有比佢去補習社, 希望對佢會有用. 老師嗰方面亦有同佢傾過, 老師都同我提出比佢去補習社.

[ 本帖最後由 well_being 於 09-4-29 14:55 編輯 ]

私人傳訊

袁師奶

民房

積分: 12

5^#

發表於 09-4-29 22:09 |只看該作者

你好, 我都是在職媽咪, 我個女上年九月讀小一, 起初亦是十分慘, 佢晚晚做到九,十時, 又幾乎睡着來做功課, 我主觀地認為她是懶, 大家的關係不好了, 我去睇醫生, 月經很遲, 其實佢很辛苦, 適應期其實要半年, 我最后將她安排去功課輔導, 效果不錯, 我們關係好似以前一樣好, 我無咁緊張, 佢會溫埋書及默書才回家.

私人傳訊

浚林

複式洋房

積分: 237

6^#

發表於 09-4-30 12:16 |只看該作者

我個囝又係上年9月入小一，又係激心到......唔識形容（樓主你會明白）。仲越黎越大話、駁咀、冇禮貌......

明明第二日測驗，今日返黎唔溫書又唔做功課，仲走去睇電視。婆婆靜雞雞打俾我報串，我打返去好聲好氣咁同佢講︰「我都明你想睇tv，不過你可唔可以做咗功課同溫咗書先ar？」，佢話好，過多一陣，婆婆打黎話佢仲睇緊，咁我叫佢熄電視啦，佢即刻係電話大叫&喊，話以後唔聽我電話，跟手cut埋線。真係...... 慶到我.....

鬧、氹、講道理，mug都試過，全部冇用，大家關係越黎越差，完全當你冇到

我已經教到唔識教，開始懷疑係唔係我地自已有問題，教到佢咁。成日同老公自我反省，係唔係方式唔啱，結果都係咁.......

之前原本好抗拒送去補習社，依家放棄了，5月開始放學就去補習社，希望有幫助啦。

私人傳訊

浚林

複式洋房

積分: 237

7^#

發表於 09-4-30 12:27 |只看該作者

有mami話p.2會好d，希望啦！如果唔係ger話，照咁樣落去，以後唔知會變成點？真係唔敢諗！

同埋有位mami教話降低對佢ger期望，等佢冇咁大壓力。呢樣其實我都試緊，總之不斷係度反省、檢討、改變策略，求其中一樣都好ar！

大家一齊努力！

私人傳訊

hailey姐

洋房

積分: 74

8^#

發表於 09-4-30 12:39 |只看該作者

原帖由 Kan-kan 於 09-4-29 12:14 發表

試下同佢班主任講下，再要求轉介去社工跟進。你今年做咗學童保健未呀！如未，做個時記得將情況話比姑娘，姑娘可以幫你轉介到有關醫生，唔怕佢懶,最怕係佢有讀、寫障礙，早d CHECK 下好d ...

無人天生識教仔女，唔識咪學囉，你都好吖，有心去想辦法解決問題，想學做個好媽咪，總好過有啲人一生都唔學，淨係每日怨天怨地咁．．．．　唉．．．．．

邊有做媽咪唔辛苦ｏ架，你媽咪辛苦你唔知啫，唔好記住辛苦嘅時候，小朋友令你開心嘅時候呢，你忘記咗？？？？？

我同意 KAN-KAN 講法，先要確定小朋友有無先天性問題先，其實你個仔都幾似我個仔．．．．．．　哈哈哈．．．唔好太緊張．．．．

我個寶貝係過度活躍兒童兼有注意力不足，有幾年真係好難教ｏ架！你都好吖，最少你個仔未試過交 "白卷" 吖！我個仔唔係唔識，佢答我嘅理由係 "啲答案我都識咯，仲寫嚟做乜，浪費時間喎"，死未！

不過，到真係叫佢做又唔一定做啱晒，因為佢又真係會求其答，又會答漏喎，但係如果我面對面問佢，佢又會答啱晒喎，死未？！

曾經我個仔唔寫係非常之正常嘅表現，醫生都話係注意力不足就咁嘅，真係無辦法，唯有叫佢個先生幫手搵個同學仔同佢對手冊＆簽名啦，我覺得總唔可以唔理佢，總要令佢習慣寫手冊，係咪？（而家無人 check 都好少寫漏）

至於做功課，唉，我就為咗個小朋友而放棄咗打工，自己做吓小生意咯，小朋友有幾年就一直係咁跟身，自己學吓點教佢，而家佢九歲，情況好咗非常之多，至少呢啲問題差唔多無晒，不過，回想小一嘅情形都仲係有少少驚，個班主任老遠見到我都會 send 個超唔友善嘅眼神，一講起我個仔就開始歇斯底里咁投訴，我真係覺得嗰個班主任好無愛心囉，anyway 佢唔合作我咪轉校囉，新學校嘅班主任超合作，仲同我聯手教佢，佢即刻乖咗好多，學期中仲攞咗個進步獎ｏ添！（我幫佢轉咗間有宗教背景嘅學校）

所以話，唔好咁緊張，俾啲耐性去教佢，如果你個仔好似我個仔咁都唔算大問題，不過，你真係要明白一樣嘢，其實佢都係控制唔到自己，或者可以講：佢唔識點控制自己啫，俾小小時間等佢成長＆學習控制自己，切忌做任何傷害大家感情嘅嘢，醫生話 "哦" 同 "鬧"　係唔會教好小朋友嘅，我 100% 同意佢講法，因為無人鍾意會俾人鬧，遇著個反叛性強少少嘅，仲會同你唱雙簧，咁點算？

check 清楚先啦，記住 relax．．．．．．

係人都望子成龍，但係如果佢唔能夠成龍，你一樣都會愛佢ｏ架，係咪？我只有一個希望：我個仔成為一個心地好＆快樂嘅人，你呢？你希望佢點呢？

[ 本帖最後由 hailey姐於 09-4-30 12:59 編輯 ]

私人傳訊

hellolal

複式洋房

積分: 449

9^#

發表於 09-4-30 13:28 |只看該作者

我個女初頭上小一都係咁，我初時以為低班的功課好易應付，所以諗住自己教。但係效果很差，因為我自己都係全職媽咪，當時最早返去都已經七點幾，食完飯都八點幾。咁小朋友第二朝又要早起身，所以我自己就會有無形的壓力，成日叫佢快啲，有時教極佢都唔明時仲死.......整整吓佢辛苦/唔開心時我又恕氣，壓力又大..........后來我送佢去補習社，返去只係跟係啲基本嘢，或者在考試前自己再同佢温吓，咁樣可以知道佢有咩唔識或者弱點係邊，可以叫補習社多啲留意或給予幫助。之后我同佢的關係無咁緊張，佢又可以完成到自己的功課，我自己又輕鬆好多......

私人傳訊

MoMo208

別墅

積分: 668

10^#

發表於 09-4-30 13:45 |只看該作者

其實教小朋友真係好大壓力, 又唔想成日罵令到大家關係變差, 但太NICE小朋友又會作反, 唯有多D同佢傾, 瞭解下佢點解會咁, 再想辦法對症下藥

你仔仔既行為, 可以係好多原因, 可能係佢無法在學習上取得成功感, 或佢能力同你期望有出入, 或佢已習慣被罰, 不當一回事, 所以你或爸爸要同佢多D傾下, 在平心靜氣下大家取一個共識, 佢做到就一定要用語言讚佢, 等佢有成功感, 如佢有需要, 可以同佢JOIN補習班

私人傳訊

傻媽媽2007

複式洋房

積分: 386

11^#

發表於 09-4-30 14:23 |只看該作者

回覆 # 的文章

樓主, 唔好灰心, 慢慢教啦..
1) 你可以試下, 唔好一次過擦晒佢, 先擦5個... 叫佢自己揀....睇下佢有咩反應...重有, 唔好要求佢知道自己有咩問題, 始終系小朋友, 慢慢比佢知道自己有進步, 咁佢先有動力.....
2) 我個仔已經5年級, 一樣有呢個問題(不過唔多) , 學校可以上綱, 咁已經解決咗你既問題, 唔好同個仔去計較, 佢一年級做唔好呢樣嘢, 對佢既將來無影響架. 唔好咁執著, 佢系你個仔, 系唔系應該包容下佢啦.
3) 同嫲嫲講,平日無論做晒功課未都唔可以落街玩同睇電視, 呢個一定要改, 不過唔好一次一刀切, 要慢慢黎, 教嫲嫲唔好提要落街玩, 話有嘢做, 唔得閒, 如果知道系你唔比, 佢實嬲你.. 4) 默書就試下唔好叫佢自己溫, 小學生有幾多個識自己溫書丫. 佢地望住本書個時真系識架, 不過唔望就唔記得, 呢點連佢自己都唔知.... 我會同個仔一齊炒啲字, 有時鬥怏, 有時鬥靚....比少少樂趣同時間, 咁佢一定有進步, 記住, 你比幾多時間佢, 就有幾多收成.... 我個仔成日計數啲 6 呀..0呀... 寫到自己都睇唔番系咩... 我罰佢炒最細格既格仔簿....不過我同佢一齊炒, 效果非常之好.... 你又不妨試下...

私人傳訊

well_being

男爵府

積分: 6643

12^#

發表於 09-4-30 17:07 |只看該作者

不過有時見到佢做功課真係好嬲, 寫一版生字, 可以寫成個鐘, D字更加不在話, 我都同佢班主任傾過, 話佢D字寫得真係好核突, 老師都叫我唔好塗佢, 同佢講如果你再係寫得咁核突, 老師會係小休嗰時留你再寫過, 但佢聽完之後當冇事發生咁繼續. 真係比佢激死. 成日又同佢講話如果小測同考試唔合格會留班, 佢答番我留班未留班囉. 又成日攞個最低分同佢比, 同我講亞邊個重低分過我呀, 係到係亞邊個留班先啦, 幾時輪到我呀. 真係搞到我血都吐埋出嚟.

[ 本帖最後由 well_being 於 09-4-30 17:10 編輯 ]

私人傳訊

QKQKQK

複式洋房

積分: 252

13^#

發表於 09-5-2 15:29 |只看該作者

如果試過硬功都唔得, 不如當你個女做得好或有進步時, 讚她多些, 仲要具體地等她知道有什麼做得好, 強化正面行為, keep住做. 但當她懶或做得不好時, 都要指正她哪裡做得不好.

私人傳訊

甲蟲媽媽

禁止訪問

積分: 911

14^#

發表於 09-5-6 13:11 |只看該作者

提示: 作者被禁止或刪除內容自動屏蔽

私人傳訊

SIUBO117

大宅

積分: 1050

15^#

發表於 09-5-23 16:04 |只看該作者

囝囝都是P1, 脾氣差. 叫佢咁就偏要那. 叫佢做功課, 說"不". 同佢默書, argue多過默書. 你說什麼佢都覺得錯或當聽唔倒(除了同佢玩就開心長). 中文, 英文老師都投訴字唔整齊.
我返到屋企晚飯後已8時多. 要趕功課喂食飯, 我已無時間改和擦佢的功課. 日日10時多才睡. 不過我會慢慢來, 我依家盡控制EQ. 因為囝囝不受硬. 試多一些方法, 可能過了這個階段會好一點呢, 始終都係P1姐.

[ 本帖最後由 SIUBO117 於 09-5-23 16:19 編輯 ]