自由講場今日: 1013|主題: 1355011

收藏本版

發帖

返回列表

跳至頁

查看: 4655 | 回覆: 3

Smile 矯視訴苦+疑問 [複製鏈接]

Bruh666

民房

積分: 29

1^#

發表於 21-3-21 19:57 |只看該作者 |倒序瀏覽 |打印

［長文慎入］本人19歲男本身左右眼有600幾度近視
因為唔想再戴con咁麻煩所以早排終於的起心肝去做smile矯視
咁我自己做之前都查過唔少資料知道手術都有好多風險同副作用所以就諗住要做就搵個最好既醫生做最後揀左個好出名既醫生做
去到做眼檢個陣佢就不停咁強調自己資歷有幾勁咁都唔緊要我問佢關於手術詳情既時候佢就不斷用原理複雜去避開問題就連要做幾多度都唔肯講清楚到我真係好嚴肅咁問佢先好含糊咁略略提一提比我個感覺就好似係刻意隱瞞一D野咁樣
到後來做完手術之後起初我以為自己視力係完全恢復 0近視/遠視
點知過左一兩日我發現自己睇近野個陣有D唔清楚心諗瀨野係咪手術失敗定係已經開始有副作用個心勁亂咁我梗係復診個陣問醫生啦到我質問佢點解做完睇近野會唔清既時候
佢就係咁話：「咁你依家睇遠野係咪好清？冇晒近視就得啦」不停咁想引導我覺得冇問題一個醫生講野點解可以咁不負責任？到後來係我不斷追問之後佢先肯同我講話因為手術後過3-6個月會生番角膜皮影響屈光率又話為左預防之後近視加深所以刻意同我過度矯視附加左50度遠視... 但重點係佢由我開始諮詢到做手術由頭到尾提都冇提過呢樣野，到臨做個陣先以「通知」既形式去同我講話要加50度遠視，完全冇討論空間/時間比我考慮？？？正常一個醫生而且仲要資歷咁勁唔係應該事先同病人講清楚同商量所有野既咩？我之後再問佢如果3-6個月後都冇回復正常咁點算佢就同我講話有D人可能1年有D人可能3年都未定架咁佢講晒啦首先我唔知佢係咪手術失敗又唔想影響自己聲譽而馬後炮作出黎安撫我第二假如年幾兩年之後真係恢復正常我點知係咪真係因為生番角膜皮而造成定係因為自己既生活習慣/其他因素？第三 smile手術話反彈率極低咁其實係咪代表個50度遠視根本就唔可能消失？
佢之後仲話如果真係唔適應可以再做手術矯正但我自己知道再做一次手術就唔係smile 而係激光對隻眼會好傷而且風險會幾何級數咁增大....
更何況本來可以避免呢個情況出現但依家夾硬就要我承受視力造成既痛苦假如之後再做手術就仲要承擔我本來唔需要有既風險....
我做個手術揀個最勁既醫生就係為左想自己視力正常可以一勞永逸斷尾依家搞到咁同我想要既結果真係完全相反.... 依家過左成個幾兩個禮拜都仲未見有佢口中所講既好轉跡象做野同睇書都好辛苦睇野好似有層霧咁到夜晚個陣仲嚴重搞到個心情好down 都唔知之後對眼會點....依家都唔知自己係咪應該做多D會近視既野去抵消番個遠視...我真係唔想再做額外既手術承擔D不必要既風險...
我之後上網查過都係得好少人有好似我咁既情況都唔知個醫生係咪靠害遇著個淨係識拎自己個名銜打飛機既醫生真係好心up...

呢到會唔會有人有同我一樣/相似既情況可以分享一下經驗？
如果有同路人的話你地之後係點樣解決遠視同夜視既問題？
你地有冇真係3-6個月內冇左遠視&夜視問題？
同埋有冇人知養和醫院會唔會都有咁樣幫病人刻意過矯防近視既情況？
求求各位巴打絲打解答🥵

0 0 0

私人傳訊

米巴太太

男爵府

積分: 8291

2^#

發表於 21-3-21 21:11 |只看該作者

我剛响養和做lasik, 樣樣野都白紙黑字寫明清楚同簽名

私人傳訊

namnamnamlolo

珍珠宮

積分: 44263

3^#

發表於 21-3-21 21:31 |只看該作者

回覆樓主：

本帖最後由 namnamnamlolo 於 21-3-21 21:33 編輯

其實個個醫生都會刻意留多d遠視for後生既客人架
同埋如果你真係無三十幾歲既話
遲下睇近野一定會無問題！
個個眼科醫生都係咁架啦
乜都同個客講咪浪費佢時間囉

其實好多時度數改變咗
你睇近個調節需要時間去適應

你一係出去驗下係咪真係50度遠視
如果係跟本唔洗擔心

私人傳訊

wcandtt

水晶宮

積分: 73011

4^#

發表於 21-3-21 22:41 |只看該作者

你先做左兩星期，唔好心急，慢慢會好㗎。

我做左3個月，初初頭2日完全睇唔到電話，之後就反反覆覆，有層薄霧咁，曾經都有懷疑是否手術失敗，但視光師和醫生有解釋清楚個progress會點，慢慢會轉好。我而家眼完全唔洗戴眼鏡了，感覺好好！

不過你好勇，19歲去做smiles, 我唔會鼓勵我d 仔女19歲去做只眼，感覺未生定，而醫生留50度遠視亦都合理的。

祝早日康復