我同c6仔女自己一家搞緊移民，其中有樣頭疼嘢係細佬養隻狗。細佬唔會移民，但係佢根本唔識養狗，養咗三年一次都未帶過佢落街行，冇同佢刷牙，一日剩係俾一餐佢食，話隻狗係鍾意痴住人，唔理佢就得，所以佢放工放假冇街去嘅話剩係哩入自己房，返工出街就同隻狗Hi同Bye。隻狗唯有日又瞓夜又瞓，我同佢講狗要出去行放電，佢就話屋企夠地方俾佢行唔駛出去。
我有時返娘家唔忍心隻狗咁陰公，所以帶佢出去，其實我自己冇養過狗。喺街有啲狗主見到佢都話佢瘦，又教我要俾佢曬多啲太陽等佢毛色好啲。我又問養狗嘅朋友，所以我更加肯定到細佬唔識養狗。
最煩嘅係，佢自己覺得有俾夠嘢佢食，有事帶佢睇醫生，有絶育打防疫針，返到屋企都有同佢玩5分鐘波已經好足夠同埋好錫隻狗。
我覺得隻狗狗好慘，所以想帶埋佢移民，但係睇嚟細佬一定唔肯。大家有冇咩意見可以俾我參考吓?
發表於 
返回列表
