吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 5月中於法國醫院開刀生b記

懷孕前後今日: 4|主題: 330528

收藏本版

發帖

返回列表

跳至頁

查看: 44376 | 回覆: 115

5月中於法國醫院開刀生b記

[複製鏈接]

12 3 4 5...6

mandymt

複式洋房

積分: 365

1^#

發表於 20-5-25 14:59 |只看該作者 |倒序瀏覽 |打印

20號完成開刀生b既大事。由於book左20號朝早做手術，所以喺19號晚就要辦理入院手續。當晚7點鬆去到醫院3樓產科登記入院。老公同我都簽咗啲文件，揀咗奶粉同埋姑娘問我哋有冇諗住揀邊位兒科醫生咁我哋就話冇所謂，姑娘就帶我入去房間剃毛。搞掂後姑娘就帶我同老公入所屬床位。我哋揀咗六人房，其他五張床位都有人，聽登記入院姑娘講佢哋有幾間房都裝修緊，唔怪得咁full。整理下物品都7點9，跟住有姑娘入嚟抽血，量血壓嘅姑娘就同我講話聽日6:00叫我起身同埋教我點樣着手術袍。

0 0 0

私人傳訊

mandymt

複式洋房

積分: 365

2^#

發表於 20-5-25 15:02 |只看該作者

未夠6:00我已經起咗身，梳洗完就自己換手術袍，等姐姐搬張床過嚟。大約6點9姐姐就搬咗張床過嚟。老公就喺3樓大堂度等緊，然後就落咗手術室度等。老公就先去換保護衣物。然後就推咗入去手術室到做準備工作，麻醉師開始幫我麻醉，知我緊張又同我傾偈，之後呂醫生到咗，老公就入咗嚟陪產。過大半個鐘左右，聽到BB喊聲。呂醫生好好人幫我哋影咗幾張全家福，仲send返俾我。然後聯針嘅時候，老公就要出去等候。聯針嘅時候麻醉師哥哥好溫柔咁插鼻喉麻醉藥等我聞着黎瞓覺，聯針之後就掹咗個鼻喉，呂醫生同我講完成啦。有姐姐就推咗我去等候區，呂醫生走過來問下我，真係好細心。

私人傳訊

mandymt

複式洋房

積分: 365

3^#

發表於 20-5-25 15:06 |只看該作者

上到房有姑娘幫我吊鹽水，鹽水入邊有止痛藥。因為平日探病時間係11點，姑娘見我當日朝早做完手術就話我老公可以早少少入嚟。老公大約10點9就入咗嚟陪我。麻醉藥大約係一個鐘頭後開始散。我同老公都覺得個麻醉師好好，係陪我期間老公就寫咗意見書黎讚呢位麻醉師。老公同我講入嚟之前就見咗兒科醫生。

第二日，兒科醫生同我講阿B嗰啲飲食同埋大小便狀況。之後就呂醫生巡房幫我睇吓傷口，同埋幫我加咗隻勁小小嘅止痛藥，好彩唔影響餵母乳。到咗中午時有姑娘將束腹帶擺咗喺枱面。因為之前爬文時睇過冇左束腹帶所以自己帶咗黎，點知佢又派左比我。咁梗係用咗醫院嘅先啦。

私人傳訊

AjaiB

大宅

積分: 1905

4^#

發表於 20-5-25 15:06 |只看該作者

mandymt 發表於 20-5-25 15:02
未夠6:00我已經起咗身，梳洗完就自己換手術袍，等姐姐搬張床過嚟。大約6點9姐姐就搬咗張床過嚟。老公就喺3 ...

我今個星期五都係法國醫院剖腹生BB

心情都好緊張

想問下你早上生完BB，係咪要下午老公先睇到BB?

私人傳訊

mandymt

複式洋房

積分: 365

5^#

發表於 20-5-25 15:10 |只看該作者

AjaiB 發表於 20-5-25 15:06
我今個星期五都係法國醫院剖腹生BB心情都好緊張
想問下你早上生完BB，係咪要下午老公先睇 ...

放鬆心情啊。佢每日有3個時段俾爸爸隔住玻璃睇BB，最早10點9開始至11點幾。唔使等下午架。

私人傳訊

mandymt

複式洋房

積分: 365

6^#

發表於 20-5-25 15:17 |只看該作者

第三日我嘗試落床，朝早呂醫生巡房就幫我用束腹帶箍個肚。我同姑娘報名參加晏晝嘅餵奶時間。晏晝又同老公去隔住玻璃睇阿B。

第四日出院前一日，姑娘話有朝早講座可以第二日參加關於講返出院嘅bb護理，報咗名參加。今日情況好啲可以早少少去餵阿B。

到咗出院嗰日，呂醫生好早就走過嚟幫我洗傷口，同埋換膠布。趕住搞出院手續，所以最後都冇去到聽講座，會計好快就喺10點鬆啲就攞咗張單過嚟，老公亦都可以早少少入嚟找左張單就準備出院。跟住我就拎咗張包被入去餵奶室度同姑娘講幫阿B搞出院手續。床位真係好緊張，執緊行李嘅時候就已經見到下一位入院嘅資料。終於帶阿b返屋企啦