自由講場 今日: 2489 | 主題: 1354350

積分: 3273

1^#

發表於 21-3-2 19:12 |只看該作者 |倒序瀏覽 |打印

如果你的父母可以從新選擇是否移民，你會希望在香港定外國成長？

想請問外國公立中、小學歧視問題嚴重嗎？

想了解外國成長經歷對孩子的影響，謝謝所有回復

0 0 0

私人傳訊

我愛Corina

瑪瑙宮

積分: 138069

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

2^#

發表於 21-3-2 19:19 |只看該作者

外國好廣泛，我住西歐，仔女中小學都無歧視，學校連bully 都少，呢樣我好滿意。
呢邊讀書一定比香港輕鬆，但生活真係無香港咁多姿多彩。無話放學去行街買衫，無話考完試去唱K...

私人傳訊

阿豬媽@C

積分: 6621

3^#

發表於 21-3-2 19:55 |只看該作者

本帖最後由阿豬媽@C 於 21-3-2 21:07 編輯

回覆 Thumbsup 的帖子

好細個去咗外國, 住咗20年以上. 有得再揀，我都會揀係外國長大.
我覺得華人係任何一個外國國家，都有機會受到歧視，尤其是嗰啲係公眾場所大大聲講中文，冇乜禮貌的人。另外仲有啲，明明移咗民外國，又要唔學當地的語言，唔尊重當地的文化，唔嘗試融入當地的社會，嗰啲其實都好討厭 (情況就好似，現在內地的新移民在香港嘅公園大跳大媽舞咁，唔做嘢呃政府福利等).

外國讀書好輕鬆，尤其是係香港讀過小學嗰啲，去到外國簡直覺得超級容易簡單，非常有自信。公立學校亦唔會死逼你讀書，考得唔好唔會打去你屋企，冇勸退。可以依着自己的程度去學習。想努力由得，唔鍾意讀書都得，遲啲發力又得。

一般放學之後都會練樂器，睇吓電視，去吓圖書館，同香港冇乜分別。大學時期有時仲會返下part time, 同朋友飲吓嘢，去朋友屋企打邊爐，打麻雀，BBQ咁其實都幾好玩㗎. 放假仲可以去下day trip (唔使下下搭飛機), Hiking 嘅時候唔會好似去咗旺角咁，真正享受自然環境真正放鬆。

喺我長大嘅國家，入大學都唔算好難，有好多方法。大學畢業出嚟搵工都唔難，藍領都可以賺好多錢，政府亦有好多讀書的資助，只要肯努力就得啦。啲大公司都唔會太介意你係咪一啲所謂嘅名牌中學或小學出嚟, 以能力取勝。香港嘅企業，多多少少都會睇你嘅出身.

最重要的是，我喺外國的時候，同好多唔同國籍嘅朋友一齊，尤其是認識到好多中國來的新移民，佢哋真係好叻，好努力。我覺得係外國長大，世界觀會比較好d, 對任何事及任何人包容度都會高啲.

另外，外國嘅屋一般都比香港的大，街道大，商場大，生活空間大，整體生活壓力細。Work life balance, 星期六通常都唔會返工，少啲OT (會有，但一定唔會好似香港咁多).

唱K 嘅地方都有，中餐廳都有。其實真係好睇你去邊一個國家，有啲地方周圍都係唐人，都可以過好 ‘香港’ 的生活。

喺外國生活及長大，自己同屋企人一定入融入社會。唔好成日都將自己呢埋係一個唐人或香港人的圈子裏，習慣咗外國嘅生活，就會覺得好舒適好恬靜。

私人傳訊

Irene1121

積分: 6495

4^#

發表於 21-3-2 20:08 |只看該作者

阿豬媽@C 發表於 21-3-2 19:55
回覆 Thumbsup 的帖子

好細個去咗外國, 住咗20年以上. 有得再揀，我都會揀係外國長大.

好認同你嘅說話

人有善念，天必佑之，福祿隨之，眾神衛之，眾邪遠之，眾人成之

私人傳訊

阿豬媽@C

積分: 6621

5^#

發表於 21-3-2 20:18 |只看該作者

本帖最後由阿豬媽@C 於 21-3-2 20:29 編輯

Btw, 無意冒犯2樓，但我哋嗰邊, 商場大約6pm 閂門，商場出邊嘅餐廳開晚市的話仲會開到好夜. 有個別幾間同埋餐廳仲會開宵夜，大約3:00am 閂門.

自己細個讀書嘅時候，未入大學之前，放咗學都會去學校附近嘅商場行下，食少少野，再去圖書館做功課或直接回家。3點零鐘放學，食得野來到五點幾, 返到屋企大約六點幾。通常之後就唔會出去啦.

除非要去超級市場買嘢，或者去餐廳食嘢啦. 超級市場有都會開到深夜12:00, 最早收嘅都9-10 pm.

每個星期仲有一日商場會收晏啲，收9pm. 嗰日所有舖頭都會開至9pm.

講真，放工或返學後，一個禮拜會有幾多日去行街? 除咗加拿大可以請工人之外，大部份外國生活嘅人都會自己做家務，放工之後，做家務都做唔切，其實一個星期放工之後，仲會出去幾多日？

另外，係我長大嘅國家，托兒服務非常完善，小朋友大約兩個月大就可以比佢哋去，雙識返工嘅父母，仲有subsidy. 分分鐘平過香港嘅N 班. 開放時間大約係7am - 7pm, 小學基本冇功課，放學後會有校內托管服務，超級平，對在職嘅父母真係非常之貼心.

另外我記得我大學嘅時候唐人街有大約十間八間中國人開嘅K埸，全部開到大約5am.. 我大學一年級嘅時候，幾乎每個禮拜五/ 六都會一大班人去唱k. 唱完會去食宵夜。大時大節仲好難book 到房添！所以放學嘅生活都可以好多姿多彩㗎.

PS. 喺外國由托兒所，幼稚園至小學，中學，大學畢業後搵工都有第一身的經驗。
我啲小朋友係外國住過一段時間，成日都話掛住外國，成日都叫我返去...

希望可以幫到你.

私人傳訊

eledak

積分: 9546

6^#

發表於 21-3-2 20:24 |只看該作者

回覆樓主:

我十幾歲移民，住左十年。。
我中意外國生活，壓力同比較冇咁大。。比都係自己d親朋戚友中國人自己比。。

私人傳訊

積分: 3273

7^#

發表於 21-3-2 20:26 |只看該作者

阿豬媽@C 發表於 21-3-2 20:18
Btw, 無意冒犯2樓，但我哋嗰邊, 商場大約6pm 閂門，商場出邊嘅餐廳開晚市的話仲會開到好夜. 有個別幾間同 ...

多謝妳詳細的分享！

私人傳訊

積分: 3273

8^#

發表於 21-3-2 20:34 |只看該作者

eledak 發表於 21-3-2 20:24
我十幾歲移民，住左十年。。
我中意外國生活，壓力同比較冇咁大。。比都係自己d親朋戚友中國人自己比。。
...

十幾歲正值青春期，會唔會覺得爸媽唔明白你係學校要適應新環境同新朋友，唔開心？是否一樣沒有同學歧視？

我希望多了解小朋友心態感受同可能面對的困難提供支持

私人傳訊

eledak

積分: 9546

9^#

發表於 21-3-2 20:44 |只看該作者

Thumbsup 發表於 21-3-2 20:34
十幾歲正值青春期，會唔會覺得爸媽唔明白你係學校要適應新環境同新朋友，唔開心？是否一樣沒有同學歧視？
...

我果個年代d年輕人好硬淨。
冇諗過爸爸媽媽點安排,條路踏上左衹有行,點行就自己掌握.
我果陣差不多18喇,大個女。衹知道人地幾百萬放洋讀書，我唔使$有呢個機會。
頭兩年要住滿才可享公民學費。我就用2年時間打工，學下書本以外嘅知識同經驗。
我目標要考當地最好的公立大學,冇補習冇支援,靠自己咬緊牙關努力,結果都成功左。

我唔知而家同我果代係咪已經不可混爲一談。bully我當年冇遇過，或有都當自己時運高見唔到。。幾時都係心理質素最重要。。
如果小朋友細，咁就要父母具備良好嘅心理質素，先可順利適應新環境。。(當然，經濟質素都好緊要。但我當年極差經濟質素，所以毋須考慮)

私人傳訊

BGCOME08

珍珠宮

積分: 33044

10^#

發表於 21-3-2 20:45 |只看該作者

回覆樓主:

外國長大。簡單一句，俾我再選，我絕對唔會跟我父母返香港住。我遲D都回返外國生活，大6都ok，但一定唔會响香港。

私人傳訊

積分: 3273

11^#

發表於 21-3-2 20:53 |只看該作者

eledak 發表於 21-3-2 20:44
我果個年代d年輕人好硬淨。
冇諗過爸爸媽媽點安排,條路踏上左衹有行,點行就自己掌握.
我果陣差不多18喇,大 ...

欣賞妳的堅持同努力，多謝妳的分享!

私人傳訊

積分: 3273

12^#

發表於 21-3-2 20:55 |只看該作者

BGCOME08 發表於 21-3-2 20:45
外國長大。簡單一句，俾我再選，我絕對唔會跟我父母返香港住。我遲D都回返外國生活，大6都ok，但一定唔會响 ...

係咪因為生活好像被工作填滿

私人傳訊

excellent2016

禁止訪問

積分: 2828

13^#

發表於 21-3-2 20:58 |只看該作者

提示: 作者被禁止或刪除內容自動屏蔽

私人傳訊

BGCOME08

珍珠宮

積分: 33044

14^#

發表於 21-3-2 21:00 |只看該作者

excellent2016 發表於 21-3-2 20:58
返外國好
大陸、香港一擔擔都係中國人

本帖最後由 BGCOME08 於 21-3-2 21:08 編輯

錯，大6比香港好。一個地方好唔好，唔關中唔中國人事囉。

私人傳訊

excellent2016

禁止訪問

積分: 2828

15^#

發表於 21-3-2 21:08 |只看該作者

提示: 作者被禁止或刪除內容自動屏蔽

私人傳訊

BGCOME08

珍珠宮

積分: 33044

16^#

發表於 21-3-2 21:14 |只看該作者

excellent2016 發表於 21-3-2 21:08
可唔可以舉小小例子..好喺邊？！

好喺邊，唔係我講就算。你自己有機會慢慢感受。如果你係唔鐘意大6嘅人，講一萬個好俾你聽，你都係唔鐘意。正如有D人唔like外國一樣，乜都話外國差。所以有乜好講。

私人傳訊

kurocat

侯爵府

積分: 24660

17^#

發表於 21-3-2 21:23 |只看該作者

阿豬媽@C 發表於 21-3-2 20:18
Btw, 無意冒犯2樓，但我哋嗰邊, 商場大約6pm 閂門，商場出邊嘅餐廳開晚市的話仲會開到好夜. 有個別幾間同 ...

本帖最後由 kurocat 於 21-3-2 21:24 編輯

謝謝分享
可以講係邊個國家？
今時今日仲保持到呢個風氣嗎？

私人傳訊

阿豬媽@C