吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 孫錫鴻醫生/72小時光速開刀記(二)/第1胎產後未能排尿, ...

懷孕前後今日: 4|主題: 330363

收藏本版

發帖

返回列表

跳至頁

查看: 14461 | 回覆: 19

孫錫鴻醫生/72小時光速開刀記(二)/第1胎產後未能排尿, 第2胎. [複製鏈接]

naomi523

大宅

積分: 1235

1^#

發表於 21-6-15 22:52 |只看該作者 |倒序瀏覽 |打印

本帖最後由 naomi523 於 21-6-15 23:04 編輯

地獄與天堂之比，證明我沒有選錯醫生

現在生完寶寶六星期，身體復原得不錯，和第一胎比較，真係地獄與天堂之比，證明我沒有選錯醫生。
好多謝孫醫生細心照顧，他真係好細心，我不得不寫出來。

我總結左七點給大家參考
第一窩心觀察媽咪的心理需要
第二開刀零痛之體驗
第三開刀後七十二小時出院
第四走出過去的陰霾，焦慮抑鬱的惡性循環
第五 Think out of the box
第六用藥一流
第七用心診症

0 0 0

私人傳訊

naomi523

大宅

積分: 1235

2^#

發表於 21-6-15 22:53 |只看該作者

本帖最後由 naomi523 於 21-6-15 23:05 編輯

回覆 naomi523 的帖子

第一窩心觀察媽咪的心理需要
我自己是完美主義者，有時不禁有情緒困擾，晚上會失眠。我的家庭醫生很細心，每次我有情緒困擾失眠，他會開一些收鼻水藥，抗敏感藥，使我有睡意，幫助我訓覺。（有次是學生自殺，有次是爸爸骨癌離世，我都失眠，訓唔到，使我無精力處理家事工事，情緒變得更壞，進入抑鬱嘅惡性循環。）當我瞓得好，情緒慢慢就調整過嚟。但上年我嘅家庭醫生移民離開咗香港，冇相熟醫生可以開藥物俾我。

生BB前最後一次見孫醫生，我好想叫佢開定藥比我，等我喺醫院可以好好瞓覺💤。但我最後打消左呢個念頭，邊有醫生會係病人未有臨床症狀嘅時候，預先批呢啲藥比個病人呢？！簡直問黎都多餘！第一日瞓唔到，再問醫生攞藥，第二晚醫生有機會會開藥吧。窩心的事，生完寶寶的第一天，護士姐姐拿左一粒藥俾我，佢話：「呢粒收鼻水藥係孫醫生開俾你的，等你訓覺冧d」。那刻，我感到孫醫生好似Tempo男。心諗：「咁忙的醫生，都有時間處理咁細微的小事。」完全無搵錯醫生。

我食左藥，很累很累，加上生完bb,好累好累😔，老公話，我竟然有zzzzz。雖然我食左藥，但每十分鐘就俾自己zzzzz嘈醒，個人高度緊張。感恩孫醫生開左訓覺藥,否則成晚眼光光，心慌慌，一分鐘都訓唔到。點解心慌呢？因為第一胎生仔選擇左錯的地獄醫院，生完第四日突然未能排尿，我由早上開始小便無力，到中午無法排尿，下午二時向當值護士陳紫薇求助，個護士死堅持要我飲四杯水，成升水，結果我好快痛到死左，感到膀胱同尿道好似就快裂開，痛過生仔100,000倍，下晝四點已經痛到不停標冷汗，個人痛到冇辦法坐，控制唔到不停叫，都6:00叫我再食尿道炎的藥，我膀胱有多於一升水排唔到，仲要飲水吞藥丸。（最後第二天化驗結果話，我的尿更本就無菌，仲逼我用水吞藥）去到七點終於緊急幫我放尿，當時尿道已經受咗傷，因為我見到尿袋既去了充滿血絲。呢種痛痛過生BB ，冷汗令到我全身濕晒。隔咗兩日，個護士趁我屋企人行開左，入咗我房，喺我床邊大喊，話對唔住自己判斷錯咗，自己冇諗過會搞到我咁，佢係床邊握住我手大喊，請我原諒佢。當時我都想原諒呢個護士，但係後來我申請醫療記錄，見到個護士date back 寫返當日的事，完全不是事實，十分過份。當時，我住私家房，毫無證人。只有我、老公同護士係房。事後，我尿道很痛，每次排入尿袋的尿都有血絲，留院兩至三星期，而且，我用住尿喉都要自己去洗手間用清洗樽清洗下體，尿道好痛，自己清洗下體後再印乾，每個觸碰到好痛。最最最痛，很快上了奶，寶寶先出院回家。但是，唔坐直又泵唔到奶，稍為坐直，排尿喉出口會頂住尿道，上面是石頭胸痛，下面是尿道痛，就算我努力忍住，身體最誠實，痛到標晒冷汗，醫院床又對住冷氣口，吹吹風，又打噴嚏，開刀傷口每次打噴嚏也劇痛。一個月坐月，四分三日子都咁過，身體差左好耐，求心理陰影面積範圍😣。

到第二胎，用尿喉的第一晚，孫醫生明白我一定好驚，一早係我無要求的情況下預備左訓覺藥給我，使我感到好窩心。

私人傳訊

naomi523

大宅

積分: 1235

3^#

發表於 21-6-15 22:54 |只看該作者

本帖最後由 naomi523 於 21-6-15 23:06 編輯

回覆 naomi523 的帖子

第二開刀零痛之體驗

第二天，醫生特別交帶左由有資深經驗的護士幫手拆尿喉，傷口竟然完全唔痛，老公未到，我已落左床，仲處理左N件事。醫生手勢的確好好，pain management excellent, 我完全無痛過。開刀後72小時回家後，我連止痛藥都無食。身體舒服，大大提升了我處理負面情緒的能力，當過去未能排尿的恐怖回憶來襲擊我嘅時候，我較能冷靜處理。

私人傳訊

naomi523

大宅

積分: 1235

4^#

發表於 21-6-15 22:55 |只看該作者

本帖最後由 naomi523 於 21-6-15 23:07 編輯

回覆 naomi523 的帖子

第三開刀後第四晚, 再次無法排尿

第三日早上我餵完奶見到，我發現鄰床的媽咪選擇左我上胎的醫生接生。omg 世界真細小小小，唔係上次嘅醫生唔好，但係我完全唔想喺醫院勾起上次嘅回憶，救命🆘。孫醫生一到，我同孫醫生講：「我訓唔到，我想出院。」當時是我開刀後七十二小時，孫醫生諗左十秒，話：「其他人唔得，只係你得」。我立刻打電話叫家人來接我，去接寶寶時，護士話你開刀只有七十二小時，你得唔得ga? 我好堅決回覆：「得」。之後，我就返左屋企了。

當晚，我終於訓到死豬咁。但半夜我起身想泵奶時，...........死啦！我又排唔到尿，鳴鳴，我好驚。大喊左出來，老公立即攬住安慰我。我喊左十幾分鐘，決定冷靜下來，停止飲水，慢慢再試。我記得孫醫生話：心理與生理會互相影響。孫醫生叫我選擇服務佳的港怡醫院，安排有經驗護士除尿喉，安排訓覺藥，excellent pain management，冒險俾我七十二小時出院，都係全力幫我提升心理質素。當我無法控制未能排尿的生理因素時，我可以做的是，於危機中盡力保持心理質
素，希望放鬆後慢慢排尿。我抹乾眼淚後，就開始試唔同的方法，包括沉暖水，聽音樂，餵寶實，使用不同排尿姿勢。不停循環地試，好不容易，才小小地逐次把小便排出。感動到想喊，我唔想好次上胎咁坐唔到月，身體差幾年，今次最後一次坐月，希望身體可以好起來。如果，我在冷冰冰的醫院，無法排尿，我不知道🤷♀️可以如果放鬆再試排尿。老公一個擁抱，聽一首詩歌，係家中洗手間試，望下抱下餵下寶寶，已好大幫助。孫醫生了解我的心理需要，讓我提早回家。唔係個個醫生都願意俾病人提早出院的，出事醫生要負責任ga，醫生都有風險。臨出院前，醫生再親自幫我換新敷料，佢再三吩咐我，返到屋企，咪好周圍行，多訓床休息。佢都信任我係個聽話的媽咪，我就成功出左院了。除左看出他細心，也見到他果斷，不墨守成規，think out of the box，以人為本的一面。

私人傳訊

naomi523

大宅

積分: 1235

5^#

發表於 21-6-15 22:55 |只看該作者

本帖最後由 naomi523 於 21-6-15 23:08 編輯

回覆 naomi523 的帖子

第四排唔到尿惡夢再臨孫醫生幫我頂住使我不困在過去的陰霾走出焦慮抑鬱的惡性循環

之後，我擔心第二晚半夜，又會遇到排尿問題，我whatsapp問孫醫生，疫情下，我可以去邊間私家醫院。孫醫生九秒九回覆我，仲打左兩次俾我，只係我miss左call。我未見過醫生上心過病人，佢吩咐我，現在如何處理排尿，再叫我唔好擔心，話有事先算。如果，老公講：「有事先算」佢一定係逃避問題。但我對孫醫生好有信心，我知如果有事，佢一定會幫我拆掂。就算半夜，我urgent 打俾佢，佢一直會救我。我決定停止「諗後著」，咩都唔好理，只需要好好休息，無謂被憂慮困住，其他事交俾孫醫生頂住。結果，每日都去到排尿。仁心仁術，以心為先。我體會到醫生的仁心細心，窩心使我安心。絕對無選錯醫生。

私人傳訊

naomi523

大宅

積分: 1235

6^#

發表於 21-6-15 22:56 |只看該作者

本帖最後由 naomi523 於 21-6-15 23:10 編輯

回覆 naomi523 的帖子

第五 Think out of the box

產後六星期，我本來想去相熟女家庭醫生到做柏氏抹片。由於，想親自多謝孫醫生，我去左卓越做婦科檢查。

相信好多媽咪面對生產，賀爾蒙轉變，難免會有緊張焦慮的情緒，焦慮住住是因為擔心未能應付將來未知的事。我起初不禁想，今晚再無法排尿點算好，去邊間私家放尿呢？像我一個喜歡計劃的媽媽，要停止不諗地後備方案，很困難。而我最後能成功放下憂慮，因我經歷過，孫醫生一定「拆得掂」。覆診時，我問孫醫生：「我知你一定已為我度左後備對策，可否話我知你的方案。」。孫醫生話，萬一唔好彩，我又排唔到尿，無論咩時間都好，佢會親自係佢私人診所幫我放尿，疫情下連醫院門診都不想我去。如果，有經歷過緊急放尿的人，才會明白，一放時，周圍都會污糟晒，而且，一向多數係護士做，邊有醫生願意咁蝕底，係自己診所到做呢？

按著病人心理需要，七十二小時俾我出院，係診所放尿。呢d都證明左，孫醫生不會墨守成規 think out of the box。

私人傳訊

naomi523

大宅

積分: 1235

7^#

發表於 21-6-15 22:57 |只看該作者

本帖最後由 naomi523 於 21-6-15 23:12 編輯

回覆 naomi523 的帖子

第六用藥一流

生第一胎後，我因貧血，要食鐵丸。鐵丸嘅副作用是便秘，便秘使我患上痔瘡，每次大便後都大量出血。相信部份開刀嘅媽咪，生完BB後都會有便秘嘅困擾。我真心佩服孫醫生真係極度聰明。滿咗36週後嘅產檢，孫醫生未定產後藥我，有一款係開刀後4-5日，出院後在家開始食的抗生素。抗生素的副作用就係輕瀉，自然可以解決產後初期便秘的問題。

私人傳訊

naomi523

大宅

積分: 1235

8^#

發表於 21-6-15 22:57 |只看該作者

回覆 naomi523 的帖子
本帖最後由 naomi523 於 21-6-17 20:14 編輯

[reply]回覆 naomi523 的帖子[/reply]

七用心診症有人話孫醫生睇症第好快，俾左成千蚊診金，得十幾分鐘。我想講有一次診症，我個問題好棘手，孫醫生返左成個鐘解釋俾我聽。

由於我工作好忙，我成日三更半夜先得閒用電話，問診所護士問題，諗住第二日早上護士返工覆。但係有幾次半夜九秒九有回覆，後來，我先知道原來一直半夜係孫醫生親自覆我。

我從好多細微嘅地方，見到孫醫生好細心好盡責，對佢慢慢建立左信心。基本上我每次覆診都唔會問問題，因為，有問題的話，孫醫生一定會話我知，幫我處理。我每次覆診，有效率而斷症準，夠爽快，立刻可以返工。