吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我就黎比奶奶逼死啦

婆媳關係今日: 0|主題: 27759

收藏本版

發帖

返回列表

跳至頁

查看: 33385 | 回覆: 31

我就黎比奶奶逼死啦 [複製鏈接]

bearmrsyee

大宅

積分: 4174

1^#

發表於 21-6-17 23:20 |只看該作者 |倒序瀏覽 |打印

本帖最後由 bearmrsyee 於 21-6-17 23:45 編輯

當初是奶奶以相見好，同住難為由，叫我哋出去住劏房，結婚之後，一直都相安無事，一年見幾次，後來生完仔之後，我哋有地方住啦，問題就開始黎，我哋已經變得冇乜感情，仔出世之後，一直都係分房瞓，之後中咗c6計，搬得好近奶奶，只係一個站，仔出世嘅時候，奶奶每日都嚟，亦都試過同奶奶嘈過一次，之後就變咗一個禮拜來一次，或者每個禮拜去奶奶屋企食飯，仔本身係我自己湊，個仔越來越大，而家已經五歲多啲，奶奶持老賣老，有病，呢五年不斷咁為咗呢個問題，同c6鬧交，就係唔想成日見到老爺奶奶，但係c6唔解決不特止，仲繼續接受奶奶嘅邀請，去食飯，而家好似變咗例行公事甘，我真係好困擾，我已經忍咗好多年，個仔早產做訓練，去複診，頭三年半全部都係我自己搞，一直以來，奶奶係側邊成日話我精神緊張，搞到隊友都覺得我精神緊張，又話我比個仔食啲嘢唔夠營養，又話我屋企亂，三歲半之後，c6不聽我意見，請咗一個工人，目的就係想逼我出去返工，有工人同奶奶湊個仔就夠，但係最後我係冇出去做嘢，無論揀學校，做什麼訓練，總之我講親啲乜嘢，奶奶都係話我唔啱，或者沒有認真聽我解釋，就當耳邊風，學校又俾意見，呢排仲發展到，冇通知我就去接個仔放學，送到樓下，最高峰試過連續兩個禮拜，一至五風雨不改接個仔放學，原因係因為奶奶個大仔，奶奶做完手術之後想法負面，所以建議奶奶去接個仔放學，開心啲，但係佢哋從來冇問過我，可能佢哋有同c6講，我亦都有反映過，唔想奶奶接個仔放學，點知c6話奶奶有病，我冇人性，後來可能奶奶知道我有少少唔鍾意，就嚟少咗，咁其實我都去接個仔放學，奶奶喺度就拖住個仔，我就好似喺後邊做跟班，我同個仔講嘢，佢就話我個仔都聽唔明，我個仔鬧情緒，佢就話帶個仔去冒險樂園，隊友大聲鬧個仔，老爺一家齊心唔出聲，我教個仔嘅時候，奶奶又話呢樣唔啱，嗰樣唔啱，絕對雙重標準，淨係呢一個禮拜，端午節已經食咗一餐飯，由下午四點玩到夜晚十點，點知星期二奶奶突然間又接個仔放學，而家又話今個禮拜係父親節，又要見面食飯，其實每個禮拜見面我都已經覺得好辛苦，請各位俾啲意見我，救吓我，我依家好希望個仔能夠考到出面個學校，可以以此理由，c6才肯搬屋，而家個仔才K2,我真係好擔心到出面學校唔收，咁我咪要繼續喺度住多六年至少….

0 0 0

私人傳訊

mcs74

珍珠宮

積分: 33735

2^#

發表於 21-6-17 23:58 |只看該作者

其實點解隊友返去食飯你要跟埋一份？可唔可以佢自己返或者佢湊仔返，你無必要成日返掛～你都要返娘家嫁嘛～或者Me Time嫁嘛～

FTM真係好需要老公支持，其實佢唔支持，不如你真係出去工作啦，可以自己賺錢都大聲d，難得又有工人，你奶奶又肯睇住仲風雨不改……其實我好羨慕。

私人傳訊

bearmrsyee

大宅

積分: 4174

3^#

發表於 21-6-18 00:16 |只看該作者

本帖最後由 bearmrsyee 於 21-6-18 00:29 編輯

我哋嘅關係已經唔好，我好怕又中c6圈套，如果我出去做嘢，奶奶就會日日嚟霸住我個仔，等於冇咗個仔…

私人傳訊

bearmrsyee

大宅

積分: 4174

4^#

發表於 21-6-18 00:17 |只看該作者

如果我出去做嘢，只係工人湊，我覺得我會安心好多，而家我淨係想奶奶唔好再騷擾我哋，但奈何c6完全幫父母，沒有尊重過我，自己想點就想點，在父母面前亦沒有維護我

私人傳訊

bearmrsyee

大宅

積分: 4174

5^#

發表於 21-6-18 00:18 |只看該作者

同埋老爺奶奶屋企個衛生環境好差，一定要跟埋去，成間屋都係曱甴，病從口入，我一定要確保個仔食落口啲嘢要衛生

私人傳訊

bearmrsyee

大宅

積分: 4174

6^#

發表於 21-6-18 00:20 |只看該作者

我都覺得出去返工，講嘢都大聲啲，我認同你呢一點

私人傳訊

我愛Corina

瑪瑙宮

積分: 137493

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

7^#

發表於 21-6-18 05:54 |只看該作者

你諗下，將來你個仔一星期返黎食一次飯多唔多？

私人傳訊

bearmrsyee

大宅

積分: 4174

8^#

發表於 21-6-18 08:48 |只看該作者

我愛Corina 發表於 21-6-18 05:54
你諗下，將來你個仔一星期返黎食一次飯多唔多？

針吾桔肉吾知痛，你試吓長期精神虐待睇吓點？我嘅經歷你未經歷過，我亦都未詳細講點樣俾奶奶虐待，我而家淨係想諗吓有咩方法可以令到佢哋識做，少啲見面，而家咁樣見法，只係欠未住埋一齊，仔未結婚，我估佢應該仲會同我住，結咗婚係咪要問下家嫂？到時佢有佢自己嘅天地，有佢哋自己嘅世界，做奶奶都要識做，要比私人空間人哋，唔係自己冇朋友，冇節目，就諗起個孫，要人哋返嚟增加屋企嘅氣氛，冇咁悶，奶奶自己後生嗰陣，她都冇嗰個禮拜去見佢奶奶老爺啦，因為我奶奶嘅奶奶唔係老爺親生嘅阿媽，可以理直氣壯唔使見，自己做唔到嘅嘢，點解要要求人哋做到？做人唔可以咁自私，星期六同星期日，至少都要比一日family day人哋啦，佢哋可以星期六同埋星期日見完之後，第二日又走來打攪人哋，我都未詳細講我同奶奶嘅恩怨，你咁快就可以偏向我奶奶，你一定未設身處地咁樣感受過，教仔或同個仔相處嘅時候，奶奶係側邊話你嗰樣唔啱，嗰樣唔啱啦，影響夫妻感情，又或者可能你奶奶同你關係好好啦。

私人傳訊

bemybride

大宅

積分: 4333

9^#

發表於 21-6-18 09:55 |只看該作者

其實奶奶錫孫無咩問題，主要問題係你老公。如果你老公教仔係同你一致，你奶奶點會指指點點？
就算你奶奶唔黎，你心中對老公唔幫你果條刺，會消失咩

私人傳訊

秋天與楓葉

珍珠宮

積分: 32599

10^#

發表於 21-6-18 10:30 |只看該作者

仔仔讀k2，正常要有接送卡先可以接到小朋友，奶奶點樣擅自接走小朋友呀？

你同老公婚後分開住，直到仔仔出世先一齊住，你亦直認夫妻感情差
到同住都唔修補夫妻關係，繼而分房瞓，分房瞓5年，可見兩夫妻關係有幾淡薄

而且做ftm需要兩夫妻有共識，老公唔支持，你偏執意要做ftm ，兩夫妻關係只會愈來愈差

平心而論，一星期見一次好正常，唔洗同住都好過好多人，有時啲長老啲說話唔啱當佢唱歌算～
因為見男家而日嘈夜嘈，再執迷過去嘅怨恨，咁樣頭家遲早散，對仔仔成長亦唔好
你強調自己做嘅一切都係為仔好，但家庭和諧、夫妻關係好，仔仔先可以喺和諧家庭下健康、快樂咁成長

私人傳訊

HOPEFORBB

子爵府

積分: 14722

11^#

發表於 21-6-18 11:29 |只看該作者

回覆 bearmrsyee 的帖子

唔太了解你同你99的恩怨情仇，但緣起都係你C6唔處理你哋之間的予盾

從字面唔覺得你99有做啲好令人討厭o既嘢，或者因為你哋積怨甚深，所以你覺得佢係你面前出現or上去食飯都有壓力，如果你唔想去，咪淨係由c6帶你個仔去，但你都要明白你無得阻止你C6

私人傳訊

CCHINGC

子爵府

積分: 11837

12^#

發表於 21-6-18 11:50 |只看該作者

分享我地個情況，老爺奶奶住我地隔離棟樓，老公同我都要外出工作，家中有一BB一幼兒，主要由外傭照顧，但老爺奶奶星期一至六都會過來幫手湊兩位小朋友，等姐姐可以煮飯、做家務，平日晚上、星期日、公眾假期老公同我自己湊返

小朋友飲食、行為等問題，我同老公會自己溝通好，有共識，再由老公同老爺奶奶溝通，so far無大問題，至於回老爺奶奶家食飯，佢地叫到就去，通常大時大節，或者一、兩個月一次，我覺得ok，所以主要問題係需要兩夫妻溝通好，意見一致，唔一致就要想辦法有d野做取捨

私人傳訊

honeybid2

男爵府

積分: 8127

13^#

發表於 21-6-18 13:34 |只看該作者

bearmrsyee 發表於 21-6-17 23:20
當初是奶奶以相見好，同住難為由，叫我哋出去住劏房，結婚之後，一直都相安無事，一年見幾次，後來生完仔之 ...

問題唔係你99，係你嫁左個媽寶。
媽寶係唔會改的...

私人傳訊

Angela77

男爵府

積分: 8432

14^#

發表於 21-6-18 13:51 |只看該作者

mcs74 發表於 21-6-17 23:58
其實點解隊友返去食飯你要跟埋一份？可唔可以佢自己返或者佢湊仔返，你無必要成日返掛～你都要返娘家嫁嘛～ ...

我覺得係你老公唔尊重你，完全冇當你係自己人！

私人傳訊

熊熊老婆

公爵府

積分: 27681

牛年勳章

15^#

發表於 21-6-18 14:32 |只看該作者

回覆樓主:

其實有冇可能你出去做嘢,閒日奶奶上嚟幫手睇小朋友?星期六、日可以豁免返去佢屋企?只係大時大節先返去食飯?

私人傳訊

crystal媽咪

寶石宮

積分: 340290

2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 2018母親節勳章 2018父親節勳章畀面勳章環保接龍勳章 BK Milk勳章

16^#

發表於 21-6-18 21:45 |只看該作者

回覆樓主:

奶奶只係好想見孫，常出現你家
不過你老公好大問題

不要從別人的嘴裡去認識我

私人傳訊

jimmymama2013

大宅

積分: 2681

17^#

發表於 21-6-19 16:23 |只看該作者

「原因係因為奶奶個大仔，奶奶做完手術之後想法負面，所以建議奶奶去接個仔放學，開心啲」<— 其實奶奶有病，大伯和你老公應該多啲陪伴下佢，唔好張個責任交俾你同阿仔，唔好話自己要番工搵食唔得閒，奶奶可以得閒去搵下大伯同你老公食lunch, 或接佢地放工然後兩母子食埋飯先返屋企...如果我老左我希望自己個仔多啲陪我，而個孫始終唔係我生嘅，要尊重新抱教仔嘅方法....隔咗甘多年搵學校呀，教仔方法都唔同哂啦.....樓主唔好諗埋一邊，得閒帶阿仔去下圖書館，伴讀講故事，呢啲對考小學都重要架

私人傳訊

lovebobo

翡翠宮

積分: 93624

2024年龍年勳章 2023年兔年勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章畀面勳章環保接龍勳章 BK Milk勳章

18^#

發表於 21-6-20 00:23 |只看該作者

honeybid2 發表於 21-6-18 13:34
問題唔係你99，係你嫁左個媽寶。
媽寶係唔會改的...

冇錯

私人傳訊

BREADWING

珍珠宮

積分: 35654

19^#

發表於 21-6-20 13:06 |只看該作者

bearmrsyee 發表於 21-6-17 23:20
當初是奶奶以相見好，同住難為由，叫我哋出去住劏房，結婚之後，一直都相安無事，一年見幾次，後來生完仔之 ...

你要識拒絕，唔係就算第日住得遠都會繼續一星期兩星期就要見面食飯，或者同c6講，你要見就你自己見到夠，我父母都冇見咁多，加上對住你媽好大壓力，話佢知你唔想，佢做仔當然就冇所謂啦果個係佢媽，佢日日見乜壓力都冇，但問題係做新抱既有苦自己知，照顧小朋友已經吃力，仲要成日聽埋d不知所謂幫唔到既說話，所以幫你自己既就只有你自己，我當時既情況同你好似，我c6亦係好幫佢家人既，為左呢d事都吵過無數次，我最後都真係因為佢地咁有精神病，焦慮症驚恐症，亦多得有呢個疫情，所以成日用疫情為理由拒絕見面食飯，呢兩年先正常返，而家暫時隔一兩個月先會見面一次