如題，人奶BB差唔多9個月，係佢三個月左右就開始唔係好飲奶。
我係BB兩個幾月時候要返工，日頭99凑，夜晚我埋身喂。
5個月時因爲BB食奶不多（我人奶都算多，但BB唔係幾食），
所以開始加固，一開始就食粥，一日最少三次粥仔，
平均每次都有2/3大人碗份量，但係BB都係唔係好長肉，
又出世體重平均到後面慢慢輕，到八個月去健康院就跌出生長綫小小。
跟住去醫院住院檢查，無事又出院。
最近一個星期唔知點解，粥開始食得好少，奶奶本身都唔係食得多。
咩都試過喂佢食粥（用奶樽引佢開口，唱歌等等），
但係都係一兩啖就算。（有試過喂麵，但係都係甘）
但係佢精神同之前一樣，出世到宜家都無咩病痛，
係之前2，4個月打完預防針發燒。
最近食手仔更加頻繁，懷疑佢出牙仔。
本身已經輕磅，好擔心佢越來越輕。
請問各位有無遇到類似情況，屋企人想加奶粉俾BB，
但係作爲人奶媽媽，屋企仲有好多人奶，就希望BB繼續食人奶。
不過佢又唔係好食人奶，好迷惘，好擔心。
發表於 
？
已經嘗試緊其他嘢俾佢試，
（我都係咁對我啲長老，你話我啲野食濃/ 淡/ 硬/ 軟，好，你煮咯，你令到我女食我冇所謂。結果所有人煮完都係唔食之後冇人再夠膽講任何野）
返回列表
