吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 愛與信任

少年成長今日: 0|主題: 16109

收藏本版

發帖

返回列表

跳至頁

查看: 14989 | 回覆: 2

愛與信任 [複製鏈接]

csir3290

子爵府

積分: 12562

1^#

發表於 21-10-10 10:46 |只看該作者 |倒序瀏覽 |打印

有冇聽過有一啲嘅父母同仔女溝通，明明佢係好錫啲仔女，樣樣都好關心，但係到頭來換嚟嘅就係仔女覺得父母唔信任佢哋，而唔同佢哋講嘢呢？其實父母唔係唔關心仔女，亦都唔係唔同佢哋溝通但係偏偏就覺得仔女好似唔領情咁，嚴重啲嘅就係啲仔女仲覺得父母煩覺得父母唔信佢哋見唔同佢哋傾。

呢一種溝通障礙好可能就係出於父母對仔女嘅過份關心，樣樣都替仔女擔心，驚佢容易犯錯容易蝕底。就好似我上次講「唔錯得」同一個理由。家長要明白有陣時仔女同佢哋傾偈唔係想聽到佢哋嘅批判，而係希望得到父母嘅支持。父母把口就成日話係信任自己嘅仔女亦都覺得佢哋能夠做到，但係就擔心佢哋會容易行錯就叫佢哋唔好咁做，仔女一日未決定，最重要係未跟父母嘅做法，父母就一路擔心一路依依哦哦，到頭來仔女可能用一句「唔好咁煩啦你！咁樣即係唔信我啦！」就終止曬所有嘅溝通，久而久之亦都唔再想同父母傾計。因為同佢哋講親乜嘢都好，佢哋把口就話信任但係其實就係想佢哋跟父母嘅諗法去做。

呢啲情況其實我哋自己做後生嘅時候都經歷過，我哋嘅父母唔係唔錫我哋，唔係唔緊張我哋，但係就硬係擔心我哋會做錯嘢，所以總係驚我哋呢樣驚我哋嗰樣，到頭來都係要跟佢哋嘅決定去做。有陣時其實我哋已經係諗清楚咗，我哋同父母傾其實係希望父母支持我哋嘅諗法，或者畀多啲意見可能我哋遺漏咗嘅睇法做參考，到最終我哋決定嘅時候都係希望父母支持我哋嘅決定。當我哋真係按自己決定去做嘅時候，如果結果未必咁理想嘅時候，我哋想聽到嘅唔係落井下石嘅說話，好似話「一早已經話咗你啦！」呢啲說話，反而係希望聽到父母嘅支持同埋安慰。但係中國人嘅父母有陣時就係過份擔心過份緊張，但青少年人需要嘅係父母嘅支持而唔係只係緊張。呢一種思想嘅落差正正喺細路仔進入青春期嘅時候就變得越嚟越大。

其實父母肯定係愛錫自己嘅仔女，但係有陣時表達嘅方法往往就造成呢一啲溝通嘅障礙，反叛期其實未必係真係反叛，可能佢哋只不過係想攞多啲嘅支持同埋認同，但係喺父母身上偏偏就搵唔到。所以對仔女嘅信任同埋支持其實亦都係令大家都平安過渡反叛期一個好重要嘅因素。

0 0 0

私人傳訊

maymay220hk

水晶宮

積分: 51598

馬年勳章 2024年龍年勳章好媽媽勳章醒目開學勳章畀面勳章

2^#

發表於 21-10-11 10:49 |只看該作者

csir3290 發表於 21-10-10 10:46
有冇聽過有一啲嘅父母同仔女溝通，明明佢係好錫啲仔女，樣樣都好關心，但係到頭來換嚟嘅就係仔女覺得父母唔 ...

青春期是學習成長過程
父母不是放手任佢行
而系用尊重丶分析解釋佢知
點行點做、對對錯錯中都會有得着
讓孩子學習丶為自己所選擇去負責任

點評

csir3290 :donutgood: 發表於 21-10-11 19:17

私人傳訊

goodsnooky

珍珠宮

積分: 45782

2025勳章蛇年勳章

3^#

發表於 21-10-11 14:13 |只看該作者

csir3290 發表於 21-10-10 10:46
有冇聽過有一啲嘅父母同仔女溝通，明明佢係好錫啲仔女，樣樣都好關心，但係到頭來換嚟嘅就係仔女覺得父母唔 ...

本帖最後由 goodsnooky 於 21-10-11 14:14 編輯

講得好好，我有時都會不知不覺中做咗怪獸家長，好似最近我開post擔心大仔佢將來有機會去prize giving 點樣上台攞住學校送咁多枝消毒液，呢度家長有鬧，但我就同佢同學嘅爸爸媽媽一齊癲，聯署去信學校。

大仔就嬲左我幾日，佢話已經十七歲喇，呢啲嘢叫我唔好煩，話我好心做壞事，影響佢喺學校student leader 嘅形象。過分關心係自己嘅問題，所以我放手俾佢安排，搞錯咗佢可以經一事，長一智。