夫婦情感今日: 4|主題: 42727

收藏本版

發帖

返回列表

跳至頁

查看: 18748 | 回覆: 65

我有問題，定老公有問題

[複製鏈接]

12 3 4

Mini429

別墅

積分: 624

1^#

發表於 21-11-23 12:04 |只看該作者 |倒序瀏覽 |打印

本帖最後由 Mini429 於 21-11-23 12:23 編輯

琴日又嘈
我唔知老公翻工地點行去地鐵站係要幾耐，對話左兩次電話，第一次以為係10幾分鐘嘅時候，第二次就50分，我就唉唉聲問佢，點解就嚟成個鐘都可以仲係同一個站，明知我要翻工，都唔可以快手快腳翻來頂我，送呀仔去補習

老公話，因為我唉唉聲，所以發我脾氣就合情合理，然後一路發住脾氣同我講，翻工地點唔近地鐵站，而且4個鐘無飲水，所以去買水飲，最後佢望翻手機通話紀錄，先知自己21分先係翻工果度走，所以時間根本係要咁耐，唔明點解我有咩脾氣好發

我就回佢，點解唔送咪呀仔先去慢慢飲飽佢，4個鐘無飲水姐，轉頭送完呀仔去補習，你成個鐘無野做，加上我係去翻工呀，我自己平時忙起上嚟，12個鐘無水無野食，都係咁過啦，又唔係日日係咁….老公回我，我得唔代表佢得

佢永遠叫我唔好諗如果，最後我收工，我諗嘅野發生左，接近800蚊一堂嘅補習，又同第間補習撞左，姐兩間補習加咪，浪費左1千蚊去重複補習，而果堆補習有4類人一路教緊

我嘅如果永遠都發生，叫我點樣可以每件事唔諗如果

呢排搬新屋，新屋要搞曬全屋嘅牆，批牆扇灰油油，我哋又時間無多，我唔明佢係度搞咩，咪咪麼麼，我兩個鐘左右起一面牆，佢成4個鐘，我眼見啲牆咩都無做過，我又發火嘈左兩句

老公成日話佢翻工新苦，所以佢翻來要休息係正常，講到我係屋企做大小姐咁…

我起身，要check 個仔工課、同佢溫書、煮比個仔食，教佢換衫著𧙕著鞋，個仔食野又慢，快就1個鐘，慢就2個鐘，我早上又得果3個鐘時間要做曬咁多野，老公仲可以話我，個仔啲工課要留翻咪比我同佢做，但明明佢收工後翻到屋企，佢都成3個鐘，只需同呀仔做功課，食飯，有時去公園玩，都可以搞唔掂，我收工翻來，個仔碗飯係好地地 …..姐我哋又要搞到好夜先翻得屋企，然後就鬧我唔同呀仔早訓覺，晚晚搞到點幾、兩點，第二朝我緊做唔切啲野，所以叫我訓少啲

我點訓少啲？佢訓，6個鐘世事不理，一教訓天光，我等得個仔訓，我得翻8個鐘，有時8個鐘都無，仲要比個仔晚晚半夜踢醒，至少起2次身，仔訓得唔好，我果晚直頭唔洗訓，我仲要無時間做自己嘢，所以要等個仔訓左先可以睇下手機

我知老公翻工攰，我比你早休息，屋啲嘢我等佢地訓曬，自己慢慢做，佢就永遠覺得我唔會攰..佢一有時間就要休息，啲野留曬比我做，唔會理我果排做到隻狗咁，比我休息一下，仲要話我無企係佢果邊諗，無諗過人地嘅好….最衰講親呢啲都係我最攰，壓力大到m又來唔到，谷到勁辛苦嘅時候，比你哋發唔發癲🙄🙄