少年成長今日: 0|主題: 16013

收藏本版

發帖

返回列表

跳至頁

查看: 26329 | 回覆: 1

各有各玩 [複製鏈接]

csir3290

子爵府

積分: 12010

1^#

發表於 22-1-16 11:03 |只看該作者 |倒序瀏覽 |打印

喺主題樂園除咗好多放唔低架車嘅家長之外，又一種好常見嘅家長經常出現，就係過度放縱自己仔女嘅家長。呢種家長唔係乜都唔理，只不過係入咗主題樂園之後就放任佢哋嘅仔女，大人有大人自己玩自己傾，細路就自己做自己嘢或者玩。大家都知道入咗樂園之後用最多嘅時間唔係玩而係排隊，但係好多家長就係喺排隊嘅時候完全唔理自己嘅仔女，任得佢哋爬嚟爬去，任得佢哋喺度自己玩，甚至騷擾到其他人都唔理。但係就係正正因為主題樂園需要用咁多時間去排隊，所以就係一個好好嘅地方去訓練啲小朋友守規矩同埋自律。如果細路仔冇耐性去排隊，家長就要諗下點樣去訓練佢哋，同埋同佢哋傾等佢哋知道排隊嘅重要。但係好多家長一係就自己大人有大人自己傾，一係就因為嫌排隊太無聊自己都揸住部手機喺度玩，細路仔有手機嘅就當然又係揸住部手機不停玩遊戲，冇手機嘅就喺度爬嚟爬去，玩到騷擾咗人都唔知。又或者排到悶扭計喊或者大叫乜都有。但係佢哋啲家長就好似麻木咗咁，完全唔理甚至無視咁樣騷擾到人哋，遇到有被騷擾嘅人出聲，有啲家長仲要話細路仔係咁仲要叫人就吓佢添。其實呢啲家長可能唔知道，喺排隊嘅時間入面其實最睇到嘅就係個細路仔有冇家教，好多時遇到啲咁嘅小朋友，周圍嘅人都會用鄙視嘅眼神望一望呢啲家長，心入面可能都係鬧緊呢啲家長冇家教。

所以其實家長真係要諗下究竟佢細路仔幾多歲先適合開始去呢啲主題樂園，而且要諗下好好地利用主題樂園作為教導細路仔嘅地方。好多家長都以為主題樂園只係遊樂場，只係細路仔玩嘅地方，但係你只當佢係遊樂場冇問題，請你唔好騷擾到其他人，遊樂場亦都有遊樂場嘅規矩，正正就係細路仔玩嘅時候就睇到個細路仔有冇家教。而且遊樂場亦都係小朋友學習社交同社會規範的地方，家長唔可以輕視！