吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 對住老公同小朋友好累

夫婦情感今日: 20|主題: 42727

收藏本版

發帖

返回列表

跳至頁

查看: 15029 | 回覆: 20

對住老公同小朋友好累 [複製鏈接]

winnieasato

複式洋房

積分: 149

1^#

發表於 21-11-10 18:10 |只看該作者 |倒序瀏覽 |打印

本帖最後由 winnieasato 於 21-11-10 18:14 編輯

自己本身返工，爸爸Home Office返工，囝囝兩嵗，有姐姐幫手照顧小朋友。
平時小朋友由爸爸湊返學放學，所以會黏爸爸多D.
有時放工好累返到屋企都無人理，囝囝見到我返黎無反應，都唔會叫媽媽。
反而姐姐放假返黎囝囝會講“姐姐返屋企”
照顧囝囝時成日講唔要媽媽，
有時覺得放工即刻返屋企睇囝，囝囝都唔錫自己好傷心，爸爸覺得放工睇囝理所當然，都唔會有關心幾句。搞到唔想返屋企對住佢地，喊都要襯沖涼用廁所先喊……
有時好羨慕朋友有個好細心好錫自己的老公，再睇返旁邊的人都會有點唉……
唯有同自己講，爸爸唔理自己都無計，只希望囝囝大左唔好討厭自己

0 0 0

私人傳訊

KILW

子爵府

積分: 10665

2^#

發表於 21-11-10 18:47 |只看該作者

見到媽媽唔打招呼、話唔鍾意媽媽要教返啱，係基本禮貌，老公既然覺得陪仔咁理所當然，教好個仔都應該係佢想嘅事，要口吻一致地做。
仲有睇樓主寫，只見到你話攰同唔開心，其實你放工會同小朋友做咩？小朋友好簡單，想玩新奇有趣嘅，你放多d心思同佢玩，引佢注意，貴精不貴多。我家長老一星期見個孫2個鐘，都好受小朋友歡迎，唔係一句唔痴你，你要返工就放棄。

私人傳訊

mcs74

珍珠宮

積分: 33777

3^#

發表於 21-11-10 21:03 |只看該作者

回覆樓主：

本帖最後由 mcs74 於 21-11-10 21:05 編輯

小朋友無同理心的，你唔會想一個兩歲小朋友關心你掛？問你返工辛唔辛苦掛？
你返工一天無見孩子無陪伴孩子，丈夫自然理所當然認為你要陪孩子啦！不能一邊因為覺得返工辛苦唔想陪，一邊又呻孩子唔癡唔愛自己。
我係家庭主婦，丈夫放工之後負責洗碗，同兩個小朋友沖涼，陪大果個刷牙洗面講故事同玩。放工7點到家，一直忙碌到九點半。

私人傳訊

wph256380

大宅

積分: 1378

4^#

發表於 21-11-10 22:44 |只看該作者

如題，好似教育方面有d問題，兩公婆之間係關係都好似唔係幾好，個人認為處理小朋友問題之前先要處理好兩公婆既問題，處理好左，小朋友方面會好容易搞番好

私人傳訊

mimi987

公爵府

積分: 26534

5^#

發表於 21-11-11 09:14 |只看該作者

winnieasato 發表於 21-11-10 18:10
自己本身返工，爸爸Home Office返工，囝囝兩嵗，有姐姐幫手照顧小朋友。
平時小朋友由爸爸湊返學放學，所 ...

唔好傷心，小朋友仲細，大少少會明你工作辛苦，而家多d陪伴同教佢要尊重媽咪

私人傳訊

Heman2001

男爵府

積分: 7140

6^#

發表於 21-11-11 09:51 |只看該作者

winnieasato 發表於 21-11-10 18:10
自己本身返工，爸爸Home Office返工，囝囝兩嵗，有姐姐幫手照顧小朋友。
平時小朋友由爸爸湊返學放學，所 ...

兩歲小朋友，親近一啲日見夜見既人好正常呀，妳唔需要將煩惱放得太大既

親子關係係互動的，就算妳送件玩具俾佢但唔陪佢玩，小朋友都係唔會理妳，所以點攰都好，返到屋企沖個涼叉下電，然後去陪佢傾下玩下，會有改善的，2歲仔仔好易處理

私人傳訊

yantung2010

侯爵府

積分: 24929

7^#

發表於 21-11-11 10:10 |只看該作者

之前有女谷友個老公怪佢唔教仔錫個爸爸，佢就講左句：愛唔係教出黎的。細路仔只會睇同邊個熟邊個好玩，就係咁簡單。你點對佢佢點回應你。你搵一日買d零食，返去好開心好興奮咁問阿仔估下買左咩俾佢。睇下有無效果。

私人傳訊

irisf

子爵府

積分: 10041

8^#

發表於 21-11-11 10:17 |只看該作者

香港雙職婦女是這樣辛苦的了！工時長工作忙，回家後吃完晚飯洗完澡，小朋友又要早瞓，隨時連見面的時間也不多，更莫說玩呀！
不要奢望丈夫工人會教導(應說訓練才貼切，因不是教一次半次便識）小朋友，香港男人不要你反過來服待他已算好，工人那會花那么多耐性時間訓練你的小朋友，又不是她自己的小朋友，如有老人家幫忙教導，會較好

私人傳訊

GCRH

別墅

積分: 585

9^#

發表於 21-11-11 10:26 |只看該作者

小朋友仲細，好快便知道媽媽的重要性及對他的好，不要灰心啊!　 Weekend 唔駛返工得閒時, 或者可以安排一些簡單的親子活動, 如跟囝囝去公園玩, 有助建立感情，加油！

私人傳訊

irisf

子爵府

積分: 10041

10^#

發表於 21-11-11 10:27 |只看該作者

經驗之談，小朋友不要說大多幾年便會懂事便會變好，這是誤解，如果是這樣，赤柱監獄便不會爆啦！小朋友應由小小年紀一張白紙便訓練他們，就如收拾玩具，何時收拾如何收拾？要不斷練習，才可達到你的要求，不是教一次半次便做到你的要求。否則到他們大了，他們便養成不會收拾東西的不良習慣，屆時改也改不了，尤其有工人的家庭，因工人在你回家前已幫少主收拾好，你看不到小朋友隨處丟東西的畫面了，到你有一天看到這畫面時，想改也改不了，只有勞氣兩個字。

私人傳訊

anjaco

大宅

積分: 2787

11^#

發表於 21-11-11 10:37 |只看該作者

winnieasato 發表於 21-11-10 18:10
自己本身返工，爸爸Home Office返工，囝囝兩嵗，有姐姐幫手照顧小朋友。
平時小朋友由爸爸湊返學放學，所 ...

你老公真係好好，又要做野，又要睇仔，分分鐘累過你，你有無關心過佢先？至於你仔仔唔黏你，其實有好多方法可以補救，睇你肯唔肯用心下苦工。我老公晚晚8點幾9點先翻，成日唔係屋企，不過我仔都仲係好中意同佢玩。首先你要知道個仔中意D乜唔中意D乜，投其所好。

私人傳訊

cpycpyhelen

男爵府

積分: 7079

12^#

發表於 21-11-11 11:48 |只看該作者

winnieasato 發表於 21-11-10 18:10
自己本身返工，爸爸Home Office返工，囝囝兩嵗，有姐姐幫手照顧小朋友。
平時小朋友由爸爸湊返學放學，所 ...

本帖最後由 cpycpyhelen 於 21-11-11 11:48 編輯

小朋友既世間好單純，邊個湊佢同陪佢多啲佢地痴邊個都正常，你做媽媽就算返工幾攰都好，放工放假都應該抽時間去陪個仔玩多啲，佢先會痴下你，你老公既想法都好正常，佢已經全日都對住仔仔，佢都需要啲私人時間，你放正接手都好應該

私人傳訊

folloni

男爵府

積分: 8227

13^#

發表於 21-11-11 11:55 |只看該作者

winnieasato 發表於 21-11-10 18:10
自己本身返工，爸爸Home Office返工，囝囝兩嵗，有姐姐幫手照顧小朋友。
平時小朋友由爸爸湊返學放學，所 ...

小朋友2歲, 睡前講故事已經好吸引小朋友的, 加油!

私人傳訊

uckukuku

男爵府

積分: 9071

14^#

發表於 21-11-11 15:32 |只看該作者

回覆樓主：

本帖最後由 uckukuku 於 21-11-11 15:34 編輯

親子時間係重質不重量，返到屋企ready好先去陪小朋友，試下全心全意同佢一齊玩佢想玩嗰樣嘢，或者只係執下書包，傾下返學做咗啲乜，由短短10分鐘開始…唔好計住點解我返工咁辛苦佢見到我都唔熱情，小朋友無呢啲時間長短忙乜嘅觀念，只知道呢個人見到我嗰陣開心，同佢玩/互動是否enjoy，有開心回憶自然想黐住呢個人，因為想重複開心的活動

私人傳訊

20150618bb

珊瑚宮

積分: 108225

2024年龍年勳章虎到金來勳章牛年勳章 2018復活節勳章開心吸收勳章

15^#

發表於 21-11-12 12:45 |只看該作者

winnieasato 發表於 21-11-10 18:10
自己本身返工，爸爸Home Office返工，囝囝兩嵗，有姐姐幫手照顧小朋友。
平時小朋友由爸爸湊返學放學，所 ...

可能你自己放棄先會有呢個情形

私人傳訊

0o小蘭o0

大宅

積分: 1057

16^#

發表於 21-12-8 18:42 |只看該作者

回覆 winnieasato 的帖子

我自己都系日頭返工，放工翻來吃飯完，就要直接搞個1.5歲的仔。一般我都要9點左右到家，急急腳沖涼吃飯完，10點左右，就要同個仔傾計唱歌換片搞訓覺，半夜會起身幫佢蓋被搽cream開奶。我老公都要返工，回家時間早我半個鐘左右，佢都有嘗試系我食飯期間同個仔玩，但個仔唔多肯癡佢，很癡我。我甘樣做確實系辛苦D，但我覺得親子的時間，系應該要每日有，因我怕自己將來想湊個仔時，個仔已經唔比我湊。見到你呻的內容，其實已經將工作的壓力帶回家，所以先至要身邊人體諒你，唔好將工作上的壓力，帶回家，甘樣其實對佢地來講，都無辜。我老公同奶奶都唔會慰問我，甚至我奶奶仲成日發我脾氣，話我成日搞到禁遲先至放工，唔識體諒佢湊孫辛苦。甚至會講“生仔那個唔偉大，湊仔那個先至偉大。。。”呢類好hurt的說話。。。又如何？呢個始終系生你老公的母親，老公會幫口兩句已經很好，無謂令佢難做，始終自己的角色仲系人地新抱。。。
我講呢D，想表達的系以下：
1. 無論工作幾辛苦，你系工作上的角色幾重要都好，回家後，你就系一位母親，一位妻子。系你表達的pos度，我只系見到你話小朋友點樣唔癡你，老公點樣唔體諒你，但見唔到你到底回家後，為佢地付出過D咩，或者你到底點樣珍惜同佢地相處的時光。
2. 身邊人的體諒，不是必然的，唔好覺得人地一定要甘。就好似你體諒唔到你老公home office的辛苦一樣，每份工作，梗有辛苦的地方。不要覺得自己的工作一定辛苦過人地，你不是對方，永遠不會體會到個感受。
3. 小朋友的成長，只有呢個階段，過左呢段時間，你就算想湊佢，佢都唔會比你湊，更加唔好講癡唔癡你。個人認為，你應該比多D心機系小朋友度。你禁大個人，唔通要個小朋友體諒你咩。
4. 建議你同你老公傾下個時間分佈，好似我甘，我同我老公有講過，9點至10點比時間我沖涼同吃飯，講清楚你的request，唔好要人地估你心中的諗法，人地始終系人地，幾親近都好，都唔會完全知道你想點。

我本人系某個跨國企業的分公司的department head，所以回家都要接電話同傾公事，份糧有部分要拎黎供樓，所以壓力也不少。同你一樣，家裡有請姐姐，不同的系，我家仲有個中度老人癡呆的阿媽要照顧，同埋，有個差不多見親我就會鬧我的奶奶湊小朋友，佢一個禮拜湊2-3日。而我就系禁耐以來，10點後一定系我湊，另加所有星期六日同假期。

無論幾辛苦都好，我都覺得呢D親子時間系需要再珍惜多D，多D留意佢鐘意的野，多D同佢親近。小朋友系一面鏡子，佢甘樣對你時，可能你都要搵身邊的人問返，其實你係咪有地方做得唔夠好？始終，旁觀者清。

點評

cathngai

發表於 21-12-8 23:41

私人傳訊

秋天與楓葉

珍珠宮

積分: 32599

17^#

發表於 21-12-8 20:51 |只看該作者

普遍在職媽媽每日返到屋企要湊仔+家務，忙到甩轆，邊得閒諗返到屋企有無人理
親子時間唔止係陪玩，照顧小朋友都係親子時間，有請工人姐姐，媽媽都可以親力親為
小朋友最直接，邊個有用心陪伴同照顧佢，佢就親邊個，所以你應該諗吓自己有咩需要改善，唔係怪兩歲仔點解唔多理你
夫妻關係亦然，你想老公關心你，咁你先去關心老公