求推薦前先share下自己經驗:
6w發現懷孕，初期兩次都係聖保祿睇產科，由於非備孕情況下懷孕所以之前一直都有飲酒習慣。懷孕後開始做research先識驚，所以第二次產檢時我問莫醫生關於FASD既問題。俾我感覺佢唔係好敢答，只係直接refer去中環林醫生(聽聞係結構權威)到照早斯結構。 而第二次去既時候照超聲波都求其左，淨係print左一張影住BB背影+一張我粒纖維瘤嘅相=.= 所以foul.
10w可以做T21既時候，我選擇左婦健做敏兒安T21。原因係無論邊間做都係送番同一個Lab，所以性價比上，佢哋仲包一次醫生問診同照ultrasound。係無太多期望下到診所，老實講比想像中好。Midwife照ultrasound照得好細心，開左血管流動方向同3D俾我地睇，雖然BB得細細隻，但第一次知道原來可以睇得咁清楚。見王醫生時，我都有問FASD既機率。(見網上對佢評價係講嘢好細聲同有鄉音) 佢拎左本醫書出嚟同我哋解釋胚胎頭幾週係全零狀態，都仲係細胞分裂緊，叫我唔使擔心咁多。當然我知咁唔代表一定會無事，但起碼佢肯解釋同安慰。之後仲主動問我有冇去公立醫院度掛症，show左張list俾我睇公立醫院可以有咩產檢做到，有咩做唔到可以考慮私家，我先知原來可以咁玩，果日成個感覺都好好。最大問題，只係九龍區掛症既醫生。
10-15w，基本上都係忙於游走東區醫院做驗血，毒血篩查，見醫生等等。
13w去林醫生到照早期結構。佢的確係好快手好熟手，只係整體感覺係高冷同機械式。(例如佢話: 暫時睇正常，你仲有冇咩問題？暫時睇唔出，但宜家睇唔準，你仲有冇其他問題？) 而且好貴添。所以pass.
慶幸暫時所有test都正常，而問題黎啦:
由於我住係港島，公立醫院都係掛東區醫院，所以做完一輪research後想係港怡醫院剖腹產(都係聽人講話兩間醫院距離唔好太遠，萬一有事起上嚟方便去到)。我個medical cover只有6萬，當然知道完全唔夠。
所以希望搵到個性格比高啲既醫生推薦啦，起碼唔好咁冷冰冰，手勢唔錯，同埋唔好因為我住既房型收費係以倍增。
有冇sis係港怡剖腹產，住半私家房係可以10萬左右全部搞掂哂？
發表於 
返回列表
