大家好, 開呢個Post 係為左記錄一下整個不孕治療的經歷，我都係睇左好多網上資料, 認識左好多同路, 先得到咁多有用的資料,
所以我都想將自己的經歷同大家分享，而且會寫得比較詳細。我還未成功,所以會持續不斷更新,直到成功有左
我32歲, 結婚大約4-5年, 一直沒有避孕, 我同老公都好鍾意小朋友，所以決定試下搵有關資料。本來是打算去台灣找王醫師，但無奈因為疫情，無得坐飛機，所以就轉為係香港睇醫生。睇公立醫院的生育科，首先你要去私家診所拿一張醫生的轉介信，不一定要婦科醫生，只要你同診所醫生講你試左幾耐都無BB，佢就會寫俾你。然後，你用政府的apps (HA go) 交轉介信, 醫院姑娘就會打俾你,同你講要帶齊轉介信,結婚證書,身份證等文件去醫院約期，準備見第一次生育科醫生。由交預約紙，到見第一次醫生，大約一個半月。
2020.09.01 ＆2020.09.24
本來做IVF係碼麗醫院先有，但因為做檢查係東區醫院排期最快，所以呢日係去東區醫院見醫生，開頭佢會同你詳細講解流程，然後幫你做檢查，包括：度高磅重，驗尿，血壓，抽血，抹片檢查，超聲波，子宮組織抽驗。然後排期約做X-ray輸卵管檢查 (檢查輸卵管通唔通)，呢個要特別提，因為我覺得好痛，可能係醫生手勢唔好，佢插支管加顯影劑，之後有小量血其實係正常，但我係足足流左一星期血，我仲驚到去睇急症，幸好最後都無事。
2020.10.20
到左返東區醫院睇報告時間，結果係意料之外，所有指數及一切都好正常，包括我老公的精子都完全無問題，所以醫生將我地定為不明原因。然後開始詳細講解，因為我地無身體無問題，輸卵管係通，精子數量正常，所以我地係要先做左三次宮腔內人工授精(IUI)，先可以去排試管嬰兒（IVF），IUI成功率低，而過程都幾折騰，我會係下一篇再分享。
希望上面的資料，對大家JM係有用。
發表於 
返回列表
