吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 失胎後分享（超長文）

懷孕前後今日: 16|主題: 330361

收藏本版

發帖

返回列表

跳至頁

查看: 22688 | 回覆: 30

失胎後分享（超長文） [複製鏈接]

Yin807

大宅

積分: 4038

1^#

發表於 22-5-31 11:18 |只看該作者 |倒序瀏覽 |打印

事發到而家已經一星期多d，心情有時難免有起跌，慶幸有信仰上嘅支持令自己能夠釋懷同度過難過既日子，藉此好想再分享下我最近得到既安慰比有需要既人。（前文可以睇番我舊post)

其實我每日都會不時睇番同阿b 既合照，前兩晩心情又有d 低落，畢竟大家既感情超過左23 週，我真係好唔捨得佢。明明仲有幾個月就可以出世，點解不幸既事會一年內再次發生起我身上，其實我已經消化左好多，但有時又控制唔到，睇野未必咁透。

之後我老公安慰我，話雖然呢件事係不幸但都係無憾。當晚其實我無預計自己生到，因為塞左四次藥準備第五次嘅時候其實冇穿水冇見紅只係不停肚痾又發燒。

0 0 0

私人傳訊

Yin807

大宅

積分: 4038

2^#

發表於 22-5-31 11:19 |只看該作者

我有冇問過醫生生得未，醫生都答我唔到，好似無諗過預我老公黎，但之前溝通過係可以陪產既，好彩最終都有叫老公黎到。

我都無諗過佢15分鐘就入到黎產房，入到黎果下立即穿水，見證住bb出世，個樣仲要紅卜卜好安祥。其實阿b 已經好叻，佢心臟偏大可能一直都唔舒服，但佢好叻咁挨落，我老公話可能佢有同天父禱告，唔想好似我對上一次咁無聲無色咁走，一星期前比左個預告我等我地有心理準備消化下。早一日照超聲波仲聽到佢強而有力既心跳聲，第二晚先俏俏離開，我都知你唔想爸爸媽媽唔開心，但你已經好努力了。

私人傳訊

Yin807

大宅

積分: 4038

3^#

發表於 22-5-31 11:20 |只看該作者

到星期六下午咁啱有個網上彌撒係為人工及自然流產胎兒而開，都係天主既奇妙安排，其中有段禱文好深刻。

領經：我主，孩子死了？
我主．為什麼？我膽敢問個究竟嗎？他不會聽到風的耳語或看見父母面容的美麗。他不會看到你創造的美麗或日出的火焰。我主，為什麼？

主禮：『我的孩子，為何你在問
「為什麼」？好的…我會告訴你原因。
你看，孩子正活着。他聽到的不
是風聲，而是天使在我寶座前的讚頌之聲。他看到的並非轉瞬即逝的美麗，而是我的面容—永恆的美麗。

他受創造而只活了片刻，因此那
印在他臉上的父母肖象，能在我
面前成為他們自身的代禱者。

私人傳訊

Yin807

大宅

積分: 4038

4^#

發表於 22-5-31 11:20 |只看該作者

他知道世人不得而知的天堂秘密，他笑時帶著純潔無罪的人獨有的喜樂。我的路徑並非常人的路徑，我為我的國度而創造，那國度裏每一個受造物都有他的位置。是其他人所不能取代的。他是為了我的喜悅及他父母的好處而受
創造。他從末經歷痛苦或罪惡
他從末感受饑餓或疼痛。我把靈
魂吹進一粒種子裏．使它生長
並喚起它。』

領經：我主 ,為我曾質疑了你的
智慧，美善和愛，我在你面前謙
抑自己。我有如糊塗人般說話，請寬恕我我承認你那駕御生死的無上權威
這短促而天折了的生命，卻能享
受如斯悠長的永恆生命，我為此而感謝你。

私人傳訊

Yin807

大宅

積分: 4038

5^#

發表於 22-5-31 11:21 |只看該作者

睇到呢度完全係我既心聲，我就係果個糊塗人，曾經都有怪過個天點解挨過一關又一關但最後又收番，自問唔算係一個好虔誠嘅教友，我未猜得透。我只係睇到現世眼前既事，無感謝過天父比我既孩子進入天國呢片褔地，果刻段文字比我一個好美麗既畫面，感覺內心有種安慰。

到夜晚約左神父傾關於天使花園既事，佢話我地既bb都係天上面既小聖人，小天使，生命雖然好短暫，但可以提早進入天上既樂園得到永恆既生命，果度無痛苦，眼淚同悲傷。佢地在天上都會祝褔我地為我地祈求。

有一句好深刻，佢話佢地既出世唔係為我地帶黎痛苦，只要我地盡咗力就夠。

私人傳訊

Yin807

大宅

積分: 4038

6^#

發表於 22-5-31 11:22 |只看該作者

所以我地要好好生活，唔好再沉醉起痛苦入面。其實佢地有天父爸爸照顧，係好幸福開心既事，相信有一日我地一定會再見。

又有一個分享係講一個媽媽本身有一個有問題既bb, 佢唔想佢受痛苦，將來被歧視，忍痛打算引產同時內心又好自責。就係佢手術前一日，bb 選擇自己離開左。我又諗起我阿b,雖然佢好細個，但都會感受到痛苦。可能係佢自己忍痛選擇離開，唔想我哋日後更加唔開心，選擇左另一條路，所以我唔應該只諗怪責個天，因為阿b 都有自己選擇既權利。

人既生命話唔埋，出街都可能一個花盤跌落黎就byebye, 唔係老人家優先。

私人傳訊

Yin807

大宅

積分: 4038

7^#

發表於 22-5-31 11:22 |只看該作者

神父話生命係天主所創造，我地只係托管者，至於幾時會接番走佢，天父既計劃無人會知道，所以只要我地盡左力保護佢就夠。起廣華留院既日子我又遇到好有愛既天主教醫生，又有基督教既助產士連日黎探我，每一個安排每一句說話我都會好好記低。

我記得我講過點解有d 人可以一take 過咁幸運，佢話每個人都有每個人既難處，佢遇到好多case , 疫情下有小朋友都有好多焦慮。

有時我會諗好多原因，點解係我呢，點解經歷完引產個胎盤黏得咁實，又係要做手術？係咪因為我食左d 咩藥？佢話過去左既就唔好再諗原因，因為改變唔到，要活在當下。

私人傳訊

Yin807

大宅

積分: 4038

8^#

發表於 22-5-31 11:23 |只看該作者

佢分享聖經有一句金句：不要為明天憂慮，因為明天自有明天的憂慮。一天的難處一天當就夠了。

佢話唔捨得一定有，我地唔需要去忘記，傷心可以喊，神會擦乾我地既眼淚。我話我會振作，佢話唔需要強迫自己，時間會慢慢治癒我地。

尋日又因為天使花園既事令自己又有d down，因為阿b 大太但裝佢既盒尺寸上有限制，我個心有d唔舒服，因為佢走都仲要屈起一個咁細既盒子入面，機緣巧合我又打左去天主教婚委會搵一個社工傾訴。

佢話除左可以為兩個bb 改中文名，同時記得改個英文聖名，咁果個聖人都會看顧佢地。第一個BB, 佢有問我姓別，其實太細我無可能知道。

私人傳訊

Yin807

大宅

積分: 4038

9^#

發表於 22-5-31 11:24 |只看該作者

佢話可以嘗試同天主祈禱感應下，我話點感應？不過我話我本身覺得佢係女仔黎，佢話咁就得嫁喇。佢話我哋可以每晚瞓之前同佢地兩個一齊祈禱，有個時間同佢地連結，佢哋在天上都會為我哋祈禱。

其實當時週數細無為第一個bb 安葬，自己諗番都覺得對佢有d 唔公平，生命係由結合一刻已成為人，佢地唔係醫療廢物。神父有話今次可以連同佢既一張相片，同妹妹一齊安葬，我知我地做得唔好 , 我相信你知道爸爸媽媽係愛你，雖然我好懶但我每晚會堅持為你地唸一串玫瑰經。

曾經每晚都祈禱希望今次有一個健康既bb, 之後我老公都諗番咁既諗法係咪錯，

私人傳訊

Yin807

大宅

積分: 4038

10^#

發表於 22-5-31 11:25 |只看該作者

因為天上面可能都有未必健康既bb 排緊隊，如果唔健康係咪就代表佢地無生存既權利，係咪我地只係願意接納好既野。我自己都睇過好多case, 有問題既bb 好似多數出生起一d 有愛既家庭，可能天主睇到呢一點派佢地去呢d 家庭。

社工話祈禱係可以祈求，天主唔係咁霸道，不過可以加番句：無論如何我都會承行你既旨意。佢亦有一個case, 本身生左個唐bb, 之後發現原來唔係真係咁難湊，之後再生多一個，話如果佢有問題都願意接納佢，結果佢又生左一個正常既bb, 我都好佩服呢份勇氣同大愛。

其實都感恩靠住信仰呢段時間又比我搵到好多既愛，同埋你地每一句既鼓勵說話我起醫院既日子都有睇番。

私人傳訊

Yin807

大宅

積分: 4038

11^#

發表於 22-5-31 11:25 |只看該作者

本身由手術果刻其實個天好似灰色咁冧落嚟，諗緊係咪個天都唔比機會我再試。但之後睇番阿b 既相，果份勇氣又出番黎，不過一切都等之後覆診同埋死因報告再決定，等上天既安排。

感恩我曾經感受過胎動既感覺，感受到生命真係好奇妙，比我學會珍惜生命，如果比我重新選擇我都係無悔。雖然好似失去好多，但同時得到好多，記住一句：個天唔會比你既能力超過你既負擔。苦難係一個磨練，雖然過程好痛，但我相信時間能夠治愈一切，成就自己成為更強大既人。無論你有無信仰，希望都比到你一點點既啓發，鼓勵，珍惜生命。

共勉之

私人傳訊

la_source

琥珀宮

積分: 196191

2024年龍年勳章 2023年兔年勳章虎到金來勳章減齡達人勳章認識瑞士牛牛第三回認識瑞士牛牛第二回認識瑞士牛牛第一回畀面勳章環保接龍勳章 BK Milk勳章 15週年勳章

12^#

發表於 22-5-31 12:37 |只看該作者

私人傳訊

YYChannn

男爵府

積分: 8409

2024年龍年勳章

13^#

發表於 22-5-31 12:47 |只看該作者

加油

私人傳訊

Keephope

大宅

積分: 1582

14^#

發表於 22-6-5 23:31 |只看該作者

上年年尾18週半突然陣痛流產
公立醫院話無原因。。。
加油

私人傳訊

aaqqcat

別墅

積分: 974

15^#

發表於 22-6-5 23:38 |只看該作者

睇完好想比個大大嘅擁抱您，您同老公同BB都好叻，小天使會搵番您地，安慰既說話唔多講，只想支持您給您滿滿祝福！加油呀！

私人傳訊

Yin807

大宅

積分: 4038

16^#

發表於 22-6-5 23:55 |只看該作者

Keephope 發表於 22-6-5 23:31
上年年尾18週半突然陣痛流產
公立醫院話無原因。。。
加油

政府有無拎胎盤化驗同埋抽血？

私人傳訊

Keephope

大宅

積分: 1582

17^#

發表於 22-6-6 00:02 |只看該作者

本帖最後由 Keephope 於 22-6-6 00:03 編輯

回覆 Yin807 的帖子

有呀，但都係話搵唔到原因，
現在想再試下但有恐懼。
嗰晚好突然，陣痛去急症室仲有心跳，
因為我第二次去急症，
幫我檢查嗰嗰聽完心跳仲問你唔去婦產科留院都唔死心㗎啦，
上到去訓係床上愈來愈痛，
Bb就出左黎。