懷孕前後 今日: 2 | 主題: 330398

積分: 448

1^#

發表於 22-5-13 12:30 |只看該作者 |倒序瀏覽 |打印

4月份T21 positive後等左一個月去抽胎水最後結果都係唐氏positive
今日見完醫生下星期做引產

想問下曾經有過唔愉快經歷既jm們引產係如何架
醫生同上網解釋就係塞藥等子宮頸收縮再排出bb
但醫生話有d媽媽2,3個鍾就有反應有d要塞幾次等好耐咁
所以我都好擔心亦都好驚……

仲想問下有d咩需要帶去住院呢
姑娘只話牙膏牙刷漱口杯同衛生巾
我怕帶漏所以想請教一下
同埋依家住院冇得探病真係好驚覺得自己好孤單

然後坐小月子有冇jm們能分享一下
因為自己36歲人唔識煲湯又冇經驗要食d乜去進補
雖然仲有奶奶同住但佢要返工都唔會幫到我
不過都有可能會回娘家跟嫲嫲坐月起碼有飯食下

…………
btw 想建議一下準媽媽們真係要去做下驗血檢查
因為我個bb頸皮唔算厚 1.5mm(11wks) &1.6mm(13wks)
而且由8wks開始已經腳撐撐 11wks時仲轉黎轉去 16wks已經有胎動仲好活潑呢同網上講既唐氏bb特徵都有d分別
不過我冇花錢去照結構前幾日17wks 政府姑娘幫我照話其實都有鼻不過剛好bb趴係度角度睇唔清楚有冇鼻骨但一切生長進度都理想

今日再問醫生醫生話真係每個bb都唔同有d可能輕微到你睇唔到或者其實外表所有野都同正常人無誤只係內在你留意唔到

我覺得好彩既係我發現得早仲可以有選擇如果唔係生左bb出黎真係有可能害左佢…

其實呢一刻真係好傷心好難過我諗有d姐妹都經歷過
我好希望第日可以再有機會生到個健康寶寶

0 0 0

私人傳訊

hearsay14

積分: 3362

2^#

發表於 22-5-13 13:14 |只看該作者

本帖最後由 hearsay14 於 22-5-13 13:17 編輯

chanpimui 發表於 22-5-13 12:30
4月份T21 positive後等左一個月去抽胎水最後結果都係唐氏positive
今日見完醫生下星期做引產

必帶：
牙膏牙刷杯（漱口）保溫杯（飲用）
衛生巾即棄內褲拖鞋梳
充電尿袋（手機用）孕婦維他命（如需要）
純水濕紙巾（我拿來洗臉用）面紙
一般外科口罩（替換用）

如需要可帶：
lotion （醫院空氣好乾燥）
毛巾沐浴露洗頭水（醫院有淋浴間和風筒，如想洗澡可自備）

如果週數少，子宮頸開2～3度應該就能入產房了，大概大半天時間（個人猜測）

月子餐也有坐小月用的套餐
可自行查詢

我個人也推薦惡露結束後想再嘗試懷孕的話，
找中醫調理

私人傳訊

siufamama

別墅

積分: 735

3^#

發表於 22-5-13 14:41 |只看該作者

回覆樓主:

你喺邊間醫院引產？

引產過程都辛苦～先塞藥跟住要等宮頸開過程都會痛你可以request打下止痛針其實同生仔無異
塞藥都唔係一塞引產成功
可能要兩三日一日不可以塞得太密

入院最好帶埋即棄坐廁墊 S鈎鈎因為廁所成日無鈎俾你掛嘢沖洗瓶垃圾袋
m巾

坐小月可以訂月子餐有小月餐的

加油～挨得過的

私人傳訊

Wonderwomam

積分: 1597

4^#

發表於 22-5-13 17:38 |只看該作者

chanpimui 發表於 22-5-13 12:30
4月份T21 positive後等左一個月去抽胎水最後結果都係唐氏positive
今日見完醫生下星期做引產

你是否18至19weeks做流產？若果是，應該不用入產房，一切在病床搞掂。
醫生會幾個鐘頭幫你塞藥，看個人反應，等胎自己排出。依稀記得塞了四次藥都不成功便要先停一停，等多少少時間再繼續。期間一定要瞓床。
出院後，建議你自己搵私家醫生照一照，看清未。我便是原來還沒有清晒所有組織，惡露一直不停，結果私家醫生給藥我自己在家再排，若不成功，便入院刮宮。幸好自己清了！這是我八、九年前的經歷，不知有沒有改。
這是一個傷痛和疲累的過程，樓主請加油，一齊會過去的，明天會更好！

私人傳訊

yi0282

積分: 1535

5^#

發表於 22-5-13 18:02 |只看該作者

chanpimui 發表於 22-5-13 12:30
4月份T21 positive後等左一個月去抽胎水最後結果都係唐氏positive
今日見完醫生下星期做引產

早兩年連續兩年我係屯門醫生引產，第一次21週第二次17週！21週塞藥到零晨3點先生到出黎，17週晚上9點就生！
第一次仲未有疫情，零晨3點係張病床度穿水之後生出黎，仲要比姑娘鬧唔好嘈隔離！
第二次疫情，晚上九點開始大量出血，然後姑娘推左入醫生房，醫生接住出黎！
雖然疫情無得探病，但可以叫屋企人拎野食，然後我老公就係病房門口陪左我一陣先走！
疫情期間，唔知係咪病房小左人，疫情果年病房d姑娘好好人，好關心你！
雖然點都難過，唯有比時間慢慢沖淡！加油！

私人傳訊

Yin807

積分: 4040

6^#

發表於 22-5-13 23:37 |只看該作者

chanpimui 發表於 22-5-13 12:30
4月份T21 positive後等左一個月去抽胎水最後結果都係唐氏positive
今日見完醫生下星期做引產

我都經歷過呢種傷痛，你要加油啊，坐好月。
我之前訂過懷月有營小月餐，同丸丸茶作炒米茶。之後keep 住中醫調理，得閒飲下雞精補下身，bb 好快會執齊野番黎。

記得無論發生咩事，內心都要強大，做媽媽要堅強，保持正念。開頭係好難過，我果時都靠睇好多正能量野慢慢渡過，加油

私人傳訊

christy0329

積分: 260

7^#

發表於 22-5-14 09:32 |只看該作者

我去年都經歷過，T21報告發現bb染色體有問題，政府抽完胎水都係有問題，20week度入院做引產。
其實真係無咩需要帶，最緊要拖鞋，暖水壺裝炒米茶，同多1個暖水壺裝洗手用既薑水，仲有M巾。
我朝早8點幾入院，檢查左一陣好似9點幾就塞藥。第1次塞藥好似M痛咁，第2，3，4次就開始好痛，陣痛feel。我本身好怕痛，我痛到嗌足咁多個鐘，好彩隔離床位個啲無投訴我，但堅痛。食止痛藥無用，最尾好似係打止痛針有用，打完昏睡左個幾鐘。同埋，塞藥會有副作用，會肚痾，發燒。。。最尾我用左10個鐘先排左個胎出黎。第2日醫院檢查完無咩事都會要你出院，再約期返黎睇下排清組織未。
我出院前已經訂左小月餐，沖涼洗手用既薑包。2個星期度我去左私家度睇，有組織未清，醫生俾多次藥我睇下排唔排到。都係排唔出，我無等政府期，我去左私家醫院度吸宮拎返舊組織出黎。
雖然成個過程係好痛苦，好痛，有時會埋怨點解我要經歷呢啲野，但加油啊，過左之後諗返起其實都係無咩既，會過去架。加油。

私人傳訊

chucking

積分: 396

8^#

發表於 22-5-14 09:50 |只看該作者

chanpimui 發表於 22-5-13 12:30
4月份T21 positive後等左一個月去抽胎水最後結果都係唐氏positive
今日見完醫生下星期做引產

近期經歷咗，全程係張病床搞定，一切都係靠自己。一日可以塞5次藥，5次為一個療程，每隔3個鐘頭塞一次，有人可能塞2-3次就有反應，但因人而異，因為每個人反應唔同。如果塞咗5次都仲未搞定，要停一停，明天先繼續再塞一個療程。醫生話基本上啲人一個療程都搞掂，好少人需要塞第二個療程。BB引產咗出嚟後如果你接受到其實可以去睇佢，係你未出院之前都隨時可以去睇；BB你亦都可以申請攞返將佢安葬。雖然一切都好傷心無奈無能為力，但要加油啊。

私人傳訊

積分: 448

9^#

發表於 22-5-14 16:32 |只看該作者

hearsay14 發表於 22-5-13 13:14
必帶：
牙膏牙刷杯（漱口）保溫杯（飲用）
衛生巾即棄內褲拖鞋梳

謝謝回覆呀我初初諗住冇得沖涼咁我都係帶定支沖涼液先頭就可能未必洗喇因為我頭髮厚平時屋企吹頭都吹成3個字可能出院後先會洗吧

保溫杯你提醒左我呀我都完全忘記左要飲暖水呢樣野唔該晒呀

私人傳訊

積分: 448

10^#

發表於 22-5-14 16:35 |只看該作者

siufamama 發表於 22-5-13 14:41
你喺邊間醫院引產？

引產過程都辛苦～先塞藥跟住要等宮頸開過程都會痛你可以request打下止痛針其實同 ...

我係屯門醫院呀暫時去產檢過同抽胎水印象對唔錯係第一次健康檢查產科門診部個醫生感覺差少少啫

尋日醫生都大致上同我講過下個過程諗起都怕怕佢都有同我講過話至少都要住3日2夜我都有定準備…

S勾 remarked! 好實用既資訊上次檢查去廁所冇勾孭住個袋好論盡

私人傳訊

積分: 448

11^#

發表於 22-5-14 16:38 |只看該作者

Wonderwomam 發表於 22-5-13 17:38
你是否18至19weeks做流產？若果是，應該不用入產房，一切在病床搞掂。
醫生會幾個鐘頭幫你塞藥，看個人反 ...

對呀我下週入院18wks幾接近19週希望唔會太辛苦啦
我見樓下都有JM們建議之後要去私家照因為我見有人分享過話淨返少少胎盤唔清結果暈左要入院輸血都幾危險

不過尋日醫生話排完BB會再照超聲波睇到清乾淨左先會放我出院唔知係唔係真係跟得咁足呢

私人傳訊

積分: 448

12^#

發表於 22-5-14 16:42 |只看該作者

yi0282 發表於 22-5-13 18:02
早兩年連續兩年我係屯門醫生引產，第一次21週第二次17週！21週塞藥到零晨3點先生到出黎，17週晚上9點就生 ...

雖然我冇去過其他醫院但我自己覺得屯門醫院d姑娘都幾好人

聽到你咁講我平時黎m自己係屋企都痛到典床典蓆我都怕會嘈親人睇黎要忍一忍先得 (不過平時我聽住音樂可以放鬆心情可能都要用呢招

聽到你話2次既經驗我自己個心都痛一痛
好彩你都順利撐過去喇希望我都可以謝謝鼓勵!

私人傳訊

積分: 448

13^#

發表於 22-5-14 17:08 |只看該作者

Yin807 發表於 22-5-13 23:37
我都經歷過呢種傷痛，你要加油啊，坐好月。
我之前訂過懷月有營小月餐，同丸丸茶作炒米茶。之後keep 住中 ...

我都研究下d小月子餐先仲有幾日時間

我都明白呀所以自己忍唔住既時候都會喊出黎喊完就同bb講叫佢第時以一個健康既身體再返返黎
你講得啱正能量真係好需要我都會盡力架喇謝謝你

私人傳訊