少年成長今日: 0|主題: 16013

收藏本版

發帖

返回列表

跳至頁

查看: 15836 | 回覆: 2

幾時放暑假 [複製鏈接]

csir3290

子爵府

積分: 12010

1^#

發表於 22-8-7 10:44 |只看該作者 |倒序瀏覽 |打印

呢輪天氣非常之熱，返咗公司之後都唔想再離開。因為喺街度實在好容易出到成身汗，食晏晝嘅時候行出街啲太陽曬落個身度都感覺到熱辣辣。朝早送阿仔返學雖然只係行一段好短的路，但係都感覺到真係實在好熱。其實往時呢啲時間都應該放曬暑假，但係今年年中無厘頭放咗個特別假期之後就搞到全港學校啲暑假都遲曬，我阿仔阿女要返到8月11號先至開始放暑假，其實實際上只係得番三個禮拜嘅假期。

咁熱返學辛苦不特止，阿仔阿女都仲要上體育堂，佢哋話老師都已經盡量畀啲陰啲嘅地方佢哋上堂，但係其實我都戥佢哋辛苦。最慘已經唔係上體育堂，其實佢哋兩個七月尾嘅時候已經考曬試，但係而家都仲要佢哋返緊學除咗對卷之外，其實就話要進行啲試後活動，但係我覺得學校只不過係因為政府宣佈咗八月中先至放暑假，所以夾硬要做啲活動出嚟等啲學生日日返去都有啲嘢做咁，但係其實學生辛苦不特止，啲老師都仲要用好多心機準備好多活動，但係真係邊有咁多活動進行吖！我仔話有陣時變咗係老師喺度補課教書，我仔話老師話要教定六年班啲嘢，但係最慘係佢哋日日都要帶住個書包，繼續孭住好重嘅書返學，因為半日嘅返學時間入面除咗有一兩次活動之外，其實都係班主任對住佢哋，畀佢哋捉下棋咁。我個仔嗰日放學返嚟話佢玩咗四堂棋。阿女中學就好啲返下又放下假，返下又放下斷斷續續，但係都係要等到8月11號先至放暑假。

我有陣時真係唔明咁熱而且每日都仲有咁多確診個案，學校又考曬試啦！美其名就話係時候活動吓，但係我覺得只係喺度捱住時間滿足政府8月中先放暑假呢個要求，點解唔畀啲學校自行決定考完試就畀啲學生放假呢？而家個情況係學生又辛苦老師又辛苦，本來大家都可以休息下，但係而家就日日焗住要繼續返學。我明白學習重要，但係其實而家好多學校根本就係進行緊啲所謂試後活動，起碼我個仔同個女學校都係，我相信去到8月都真係冇幾多間學校未考曬試。所以我有陣時真係唔明上面諗政策嘅人究竟點樣諗，佢哋有冇落去了解下究竟啲學生，喺而家呢啲時間係真係點樣上緊堂呢？我明白學校要準備活動都好辛苦，正正就係咁，其實有冇必要繼續消磨大家嘅時間呢？其實比大家休息一下，等啲學生可以有時間做下自己鍾意嘅嘢，去學下自己鍾意學嘅嘢咪仲好！諗政策嘅人永遠坐喺寫字樓涼緊冷氣淨係覺得叫啲細路返學就好容易，總之細路仔返咗學校，學校有活動畀佢哋就叫做達到要求，但係究竟咁樣嘅返學有冇作用呢！係咪真係放咗幾長嘅特別假期就要還返幾長嘅暑假出嚟呢！我淨係見到我對仔女7月尾已經考完試，阿仔就要繼續日日返去進行啲所謂試後活動，阿女就返下放下，但係返去又係進行啲所謂試後活動直至到8月中先至有得真真正正放暑假，咁係咪就係已經達到教育嘅作用呢！諗政策我唔識，但係望住我對仔女咁樣日日返係咪真係有用呢！辛苦學生辛苦家長又辛苦學校，其實提早啲宣佈畀啲學校有個彈性，考完試就畀啲學生放暑假，其實我覺得對啲學生又好對學校又好連對防疫工作都有幫助，係咪真係咁難做到呢！

0 0 0

私人傳訊

ChingChong

洋房

積分: 60

2^#

發表於 22-8-11 22:58 |只看該作者

csir3290 發表於 22-8-7 10:44
呢輪天氣非常之熱，返咗公司之後都唔想再離開。因為喺街度實在好容易出到成身汗，食晏晝嘅時候行出街啲太陽 ...

認同

覺得中小學生係今年好辛苦
將一堆原本用兩個學期嘅時間教嘅野
迫到變成兩個月嘅時間之內教曬

點評

csir3290

發表於 22-8-12 22:20

私人傳訊

ChingChong

洋房

積分: 60

3^#

發表於 22-8-11 22:58 |只看該作者

ChingChong 發表於 22-8-11 22:58
認同
覺得中小學生係今年好辛苦
將一堆原本用兩個學期嘅時間教嘅野

我自己就咁因為提早暑假3月至4月尾
佢5月中考試 6月頭對曬卷 7月13又考過
真係忙到就死咁

跟住同樓主一樣8月10日先放暑假同有試後活動講真試後活動根本就多餘浪費時間比學生一個月左右的時間快啲回血仲好啦以前起碼7月中左右放暑假有兩個月左右大補血學期中間都有啲地方補血依家？食蕉啦以為放多左假其實放假係為左學生考完試，學期結束比佢地休息玩唔係將一堆假放完先將放假前的學業量迫到5至7月。考完又唔即刻放暑假搞到得返3個禮拜都冇又開學低能