事情過左個幾月,心情叫做平服返好多先寫…
係無乜預兆下,19週私家醫生產檢時先突然發現子宮頸口呈漏斗型開左1cm,羊水囊已經跌左d出來。即刻飛的公立急症,上房check完又check,話可能有感染但要驗到出報告先決定可吾可以做手術;跟住頭下腳上瞓床四日羊水囊都無入返去,只係比食白色細粒安胎藥,到第四晚半夜終於穿水,BB慢慢冇心跳,第二朝食藥生返死胎出來。
我吾評論醫生係咪可以再做多D,例如打安胎針或者做手術博一博,不過只想提一提孕初尾或中期的準媽媽,去產檢時記得要求做陰超睇宮頸會吾會有鬆或開始短,因為正常冇特別係吾會check的,吾好等到22週照結構。