3歲或以上今日: 0|主題: 8798

收藏本版

發帖

返回列表

跳至頁

查看: 13647 | 回覆: 4

後悔去睇匯x兒科醫務中心 [複製鏈接]

hoyuwong

複式洋房

積分: 324

1^#

發表於 23-7-19 13:00 |只看該作者 |倒序瀏覽 |打印

我生平第一次出post ，平時我有咩吞咗佢。。。
我小朋友持續發燒，低燒高燒差唔多2個月，睇咗家庭醫生2次1次仁安，但都係甘情況，只燒無病徵，但成日話胃上面好痛，於是乎就睇下有冇咩專科醫生可以再睇下和安排入醫院檢查下，無原因下發燒2個月，作為家長我會緊張係正常。

係網上話匯x兒科醫務中心 -陳欣x醫生非常之細心,
於是我再帶小朋友去睇依位醫生，
我第一次見醫生，佢好有職業笑容，但態度，同表現係覺得我依位家係個大驚小怪嘅媽咪，覺得我誇小朋友病情有誇大覺得我小事化大😒😒⋯⋯
但我都無理過，因為我真係想問一問專科醫生點解小朋友會甘，醫生都有講沒有任何病徵但有發燒嘅小朋友係要check 下。

到我話我才入醫院check check，因除了發燒，佢成日話胃上面好痛，差不多每日痛一次，燒得高會痛5-6次，見小朋友係痛到面青青果只。。。

點知陳欣x話小朋友太瘦所有個胸骨拮佢，所以會痛😳😳😳我無讀過醫學，都知道冇可能發生嘅事啦！
竟然係一個專業嘅醫生把口講出嚟。。。

好，我諗住算啦，我第一次睇佢，佢可能唔係甘了解小朋友同覺得家長誇大。。。。

我地7月13號星期四排病床，星期五姑娘話我知排緊30幾個，係唔係照排，我話照排，小朋友仲有燒同劍突位置成日痛，要check下有冇咩事。。。

星期六我自己打去問佢話排緊第4個。
星期日放假
星期一打風
星期二我早上打去問，姑娘叫我等一等，依家打去醫院問問，轉頭再覆我，我一等就下午，結果我又忍唔到自己打去問順便同佢講之前排第四個，又係話叫我等一等，轉頭回覆我，今次等咗1個小時多啲，結果話我知排緊第四個。

星期三我早上又打去問，結果又係叫我等一等，我又再等，於是乎我又等到中午，又係自已忍唔住打去問佢又話叫我等一等轉頭回覆我，結果1小時就話我知排緊第7個另一醫院排緊第16個….

差唔多每次都係自已打去問醫務中心排床位情況，我都好疑惑，床位情況唔係姑娘自己會話俾病人家屬聽嘅咩，每日都要個家長三吹四請先問到結果…..

我今日忍唔到，問咗姑娘點解要我每早打來，黃昏先至會知道排床位結果，到底係有幾敷衍我。

超級後悔去帶小朋友去匯x兒科醫務中心

第一次post 好長篇，但絕對真實！