吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 建議大家婚姻相處唔係太和諧既話就考慮婚姻輔導 ...

夫婦情感今日: 28|主題: 42471

收藏本版

回覆發帖

返回列表

跳至頁

查看: 26170 | 回覆: 25

建議大家婚姻相處唔係太和諧既話就考慮婚姻輔導 [複製鏈接]

hihi123ah

複式洋房

積分: 474

1^#

發表於 23-5-30 00:24 |只看該作者 |倒序瀏覽 |打印

大家有感情問題都會上來問意見，講下，但似乎呢度唔多人去婚姻輔導，所以想提倡一下。
婚姻輔導當中有個專業既社工/輔導員/臨床心理學家去梳理一下大家既感情，相處模式，價值觀，原生家庭，理想家庭模式，生活方式，找出衝突後面雙方真正被漠視既情感需求(被尊重，被感激，被愛，被重視)，以及雙方如何更充滿愛地滿足大家既情感需求，調和大家既相處模式，係可能可以幫助大家相處和諧一D，令大家重新感受到兩個人當初點解選擇一生一世。

唔一定要嚴重先去輔導，可能生活有d唔夾/好似無左開心既感覺/有d大家收埋左唔講，表面好似無事但大家銀住銀住都可以去輔導一下，就當同個有專業眼光既朋友傾下家庭事，攞下額外意見咁。如果另一方唔想去，可以自己一個去住先，都有機會幫到手...

希望大家趁感情未去到一發不可收拾就去婚姻輔導，可能感情生活上就少d遺憾同傷痛...

咁當然得唔得就唔一定，都要看對方是否配合，輔導員是否同你們夾等等，但至少俾自己個機會試試. 有個小秘訣就係看看個website既真實個案/用家反映看下係咪啱自己，同埋上佢地個youtube(如有)，看看佢地既真實case既video，睇下入面講既野自己有無共鳴，亦可以打過去中心同佢地初步傾下看下是否啱自己
呢d係係google search到既婚前/婚姻輔導:

https://www.hkpcc.hk/v2/zh-hk/psychological-classroom/page-pre-marital-counselling.php
香港心理輔導中心

https://family.caritas.org.hk/cht/service04_marriage04
香港明愛家庭服務

https://fwcyyc.ywca.org.hk/services/hunyinfudao
女青 - 又一村家庭健康促進中心

最後俾大家看看呢段video，希望大家有踏出求助既勇氣
https://www.youtube.com/watch?v=cGcGPSDK4bU
https://www.youtube.com/watch?v=tyKUlEhRSvg
https://www.youtube.com/watch?v=-2qwMLfTZW8

0 0 0

私人傳訊回覆引用

hihi123ah

複式洋房

積分: 474

2^#

發表於 23-5-30 01:10 |只看該作者

女青 - 又一村家庭健康促進中心
就咁睇上面既片好似唔錯，大家可以諗諗。

私人傳訊回覆引用

gilgilgilgil

侯爵府

積分: 24151

3^#

發表於 23-5-30 03:57 |只看該作者

回覆樓主:

謝分享

私人傳訊回覆引用

john1977

別墅

積分: 556

4^#

發表於 23-5-30 11:29 |只看該作者

謝謝分享
1般人好少做婚前輔導，就進入婚姻，拍拖時行街食飯去旅行，好少真正處理衝突，未好好學習相處

婚姻輔導機構仲有公教婚姻輔導會，基督教服務處，香港沙維雅人文發展中心，伯特利輔導中心等等

覺得未需要去輔導，可以試下先參加呢啲機構的短期課堂，學下2性相處，都係社工搞，覺得有需要可以再同社工傾

私人傳訊回覆引用

Amypolo

大宅

積分: 1821

5^#

發表於 23-5-30 13:18 |只看該作者

我見好多人… 連家庭財務… 家務分工，其實都無辦法理性溝通到。就算帶唔到另一半一齊見輔導，都可以單獨去見，將專業人仕建議帶返屋企。

私人傳訊回覆引用

Huuu

侯爵府

積分: 22510

6^#

發表於 23-5-30 15:40 |只看該作者

回覆樓主:

謝分享

不過自身經歷，
上過香港婚輔最top幾位之一的堂，的確喺有經驗之談。

但人會變，人會自私。當搵到新歡咩道德／道理／承諾都喺掉埋一邊。

婚姻出問題之前，先處理資產＆搵定離婚律師，實際過雙方灘晒出黎，最後準備好一切先搵婚輔。

Be positive, Stay stronger，Work harder, Learn Wiser, keep fighter, much smarter

私人傳訊回覆引用

hihi123ah

複式洋房

積分: 474

7^#

發表於 23-5-30 20:59 |只看該作者

我自己覺得，古時就有D智者/長老/族長之類既人係村落果度，d人有咩家庭/伴侶問題就去搵佢地傾下陪下，當然唔一定得但最少會有個有經驗既人幫下手，所謂"家有一老如有一寶"。
咁而家村落變大城市，呢d角色就少/無左，結果好多家庭/伴侶有問題就未必有人可幫手解決(當然好多都係自行解決左既，唔一定要外人幫手)。咁我就覺得其實以前智者既諮詢既角色就落左係而家既社工/輔導員/臨床心理學家果度，但就唔係個個有問題既人都識/想相應地找呢d人幫手，所以就提倡一下伴侶結婚前/拍拖有問題而自己解決唔到就主動搵呢D人幫手。

私人傳訊回覆引用

hihi123ah

複式洋房

積分: 474

8^#

發表於 23-5-30 22:57 |只看該作者

希望大家如果同伴侶傾搵婚前/婚姻輔導既話，就唔好純粹話因為問題係對方所以就要去，唔好透過叫對方去婚前/婚姻輔導傳遞指責既訊息俾對方: 問題係你度呀，責任係你度呀，所以我地要對方去婚前/婚姻輔導去解決你造成既問題呀。要小心會唔會有意無意傳遞出呢個訊息。
婚前/婚姻輔導本身唔係重點，重點係透過婚前/婚姻輔導傳遞出來既係: 唔緊要，我地風雨同路。關係有問題我地可以一起做好D，我地係互相合作配合既伙伴，有咩問題我會一直陪住你，唔會指責/高高在上；希望你亦睇到我既困難/局限，同埋我既誠意而願意幫我，陪我，支持我。如果你唔同意你有咩問題，都無問題，問題可能係我度，我需要你作為伴侶既幫忙，陪我去婚前/婚姻輔導。

咁呢個對大家既要求可能嚴格D，亦都辛苦大家。

私人傳訊回覆引用

hihi123ah

複式洋房

積分: 474

9^#

發表於 23-5-30 23:17 |只看該作者

Huuu 發表於 23-5-30 15:40
謝分享

不過自身經歷，

你話道德／道理／承諾都喺掉埋一邊，當中其實係無感情，快樂呢兩個字。可能感情唔需要佢掉埋一邊，本身已經無左。可能因為感情/快樂無哂，所以就有新歡。正如你當初選擇同佢係一起，第一起因係因為同呢個人一生係一件快樂既事，而唔係因為道德／道理／承諾。相信佢都係一樣。你會在一開始既時候同一個無感情既人純粹因為某D道德／道理／承諾而在一起嗎?道德／道理／承諾令人正確，但其本身未必令人感到歡樂。

咁講唔係話有第三者正確/可以原諒，有第三者既傷害係很大的，亦係不可原諒既錯。要令一段感情可以長久，除左道德/約束之外，更重要既係搵番當初係一起果時既快樂，滋養番個感情，呢D野係生活既壓力，磨擦當中逐漸被封閉了，可能係相處模式/價值觀不同，經濟壓力，身體病患，童年創傷，婆媳磨擦....加加埋埋所引起。咁呢個時候就需要一D專業輔導員.臨床心理學家以中立角度幫我地梳理番段感情，搵番大家既盲點，治療番D傷口，講番心底自己可能都無留意到既感受，由惡性循環走番出來...從而希望你地再望番對方既時候會覺得: 呢個人幾好喎，同佢生活都好開心喎。

私人傳訊回覆引用

Huuu

侯爵府

積分: 22510

10^#

發表於 23-5-31 00:01 |只看該作者

hihi123ah 發表於 23-5-30 23:17
你話道德／道理／承諾都喺掉埋一邊，當中其實係無感情，快樂呢兩個字。可能感情唔需要佢掉埋一邊，本身已 ...

你以上寫嘅

好多婚姻輔導／教會人士已經講過無數次，所以我好清楚喺唔必定work

好現實喺，對方唔同另一半一齊修補關係，另願出外尋歡想人生可以重新黎過

Be positive, Stay stronger，Work harder, Learn Wiser, keep fighter, much smarter

私人傳訊回覆引用

hihi123ah

複式洋房

積分: 474

11^#

發表於 23-5-31 00:25 |只看該作者

Huuu 發表於 23-5-31 00:01
你以上寫嘅

好多婚姻輔導／教會人士已經講過無數次，所以我好清楚喺唔必定work

認同呀，咁呢個世界無保證話一定work既婚姻輔導，都要睇對方心態，都要睇輔導員功力/style，都要睇自己。

咁但係有得做婚姻輔導，對一D人而言係真係有機會令事件向好發展的，所以亦都要推廣一下，等一D想試下既人多一個選擇。

私人傳訊回覆引用

hihi123ah

複式洋房

積分: 474

12^#

發表於 23-5-31 14:39 |只看該作者

推post

私人傳訊回覆引用

john1977

別墅

積分: 556

13^#

發表於 23-5-31 16:57 |只看該作者

hihi123ah 發表於 23-5-30 22:57
希望大家如果同伴侶傾搵婚前/婚姻輔導既話，就唔好純粹話因為問題係對方所以就要去，唔好透過叫對方去婚前/ ...

"問題係你度呀，責任係你度呀，所以*我地*要對方去婚前/婚姻輔導去解決你造成既問題呀。"
我地要去已經算好，好多死在 "要去你自己去"，另一半唔覺得有需要改變，令到原本有得夠都變成冇得救

我都好建議其他人試下去婚姻輔導去挽救。我自己以前都去過幾間輔導機構，雖然冇挽救到第一段婚姻，但學到既野，對我現在的婚姻和親子關係，都好有幫助
可以的話，我覺得去小組上堂學習相處，或者更加好
有時我覺得個社會商品化左婚姻，好似大家係分租單位或者公司老闆請人做野，要有乜野乜野功能，令我生活舒適，有問題就換過個人換過份工最緊要追討自身權益。。。
好似自己唔需要努力唔需要改變，只要換過個人就能重新正常運作

私人傳訊回覆引用

hihi123ah