吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 國慶日亞運港隊獎牌（1金2銅）資訊帖（持續更新） ...

自由講場今日: 1782|主題: 1354036

收藏本版

發帖

返回列表

跳至頁

查看: 1795 | 回覆: 25

國慶日亞運港隊獎牌（1金2銅）資訊帖（持續更新） [複製鏈接]

observer

伯爵府

積分: 18855

2024年龍年勳章牛年勳章

1^#

發表於 23-10-1 10:23 |只看該作者 |倒序瀏覽 |打印

本帖最後由 observer 於 23-10-1 23:47 編輯

國慶日，繼續放假天，先嚟匯報一下，今日嘅獎牌希項目。
首先當然係男子高爾夫球個人賽！
香港嘅許龍一繼續領放，因為佢係最遲開球嗰批選手，所以而家先打咗五個洞，不過佢已經捉到一隻小鳥，所以暫時以低標準桿25繼續領先，不過韓國選手追得好貼啊！佢個只係落後許龍一兩桿。

雖然昨日黃鎮廷逆風返盤入咗男單四強，不過今日乒乓球冇男單比賽。

今日舉行馬術嘅越野賽，香港隊嘅選手繼續努力爭取好成績。除咗蘇昱軒失誤被扣好多分，已經出場嘅兩位選手都係零失誤冇扣分，不過團體戰係只計三位最好程式選手，因為印度隊得三位參賽選手。所以香港仍然喺團體比賽度有優勢，尤其係排第三嘅印度隊，佢有位選手喺越野賽失誤，所以就算另外兩位選手零失誤，比分都會拉開左。已排第一嘅中國隊，因為梁銳基喺越野賽失分，所以就算跟手其餘兩位選手零失誤。佢個總分都會提升不少～

最後講吓我唔識嘅輪滑比賽，我淨係知香港選手喺半決賽排第三，但係唔知究竟有冇資格入決賽，因為佢官網update得好慢，10:40嘅決賽，依家都未有出場名單⋯⋯

朝早嘅田徑比賽，暫時香港選手仍然都係一輪遊，唔緊要啦，志在參與～

今日先開始比賽嘅射箭，香港都有選手參與，不過成績當然係係中下游啦，始終呢個唔係香港嘅強項。

暫時講住咁多先啦。
UPDATE:
男子高爾夫球決賽，香港選手許龍一力壓韓國選手，奪得金牌！
男子團體高爾夫球決賽，香港隊亦都會總分814，奪得銅牌。象棋混合團體決賽，港隊贏咗中華台北，奪得銅牌。

0 0 0

私人傳訊

observer

伯爵府

積分: 18855

2024年龍年勳章牛年勳章

2^#

發表於 23-10-1 11:27 |只看該作者

先講男子高爾夫球賽事，香港選手許龍一繼續領放。雖然一度到南韓選手逼近，但係喺七八兩洞連續都得到小鳥？所以依家要三桿差距，繼續領跑。

私人傳訊

observer

伯爵府

積分: 18855

2024年龍年勳章牛年勳章

3^#

發表於 23-10-1 11:54 |只看該作者

本帖最後由 observer 於 23-10-1 11:58 編輯

跟住係意外不斷嘅馬術障礙賽。先講香港隊原本排中游位置嘅蘇昱軒，喺障礙賽扣好多分，不單個人排名跌至榜尾，亦都因為團體賽只計三名最好成績選手，令先前成績最差嘅凌慇要計入成績，令到香港團體成績跌到落去第四名。
不過仲有明天嘅場地障礙賽，仍然有希望翻盤，好過印度隊，連希望都冇！

因為印度隊係唯一，只有三個選手嘅隊伍。所以一有失誤就真係拖累全隊成績。結果已經有一位選手喺障礙賽失分。所謂屋漏兼逢連夜雨，估唔到嘅係，排榜首嗰位印度選手，直頭喺呢個比賽被淘汰！因此佢而家被罰咗成千分，基本出局。

邊啲人係呢啲意外得益呢，首先梗係日本隊啦，原本團體排第四，雖然都有位隊員被淘汰，但係淨返三個隊員全部都冇罰分，所以趁住香港被罰分，即刻爬咗上第二名。

排包尾嘅泰國隊，就趁住香港同印度呢啲意外，拿拿聲升咗去第三位了。

咁中國隊呢？首先原本排第二嘅華天選手，因為排第一嘅印度選手淘汰，即刻個人排名升上榜首，加上隊員都冇太大失誤，所以仍然以86.8分保住佢嘅榜首位，最緊要排第二嘅日本隊，係多佢5.9罰分。

所謂榜首出局，後面執雞。

情況就好似女子 4 X 100混合泳，中國隊取消資格，日韓講聲多謝，有得爭金了。正如香港亦都因為新加坡隊取消資格，連續2次取消資格事件，香港執到個銅牌

所以香港選手何苑欣，個人賽由排第四變咗排第三了

明天最後一輪嘅場地障礙賽，香港選手有冇得拎牌，就睇下最後一場比賽結果了。
馬術隊各運動員加油

私人傳訊

observer

伯爵府

積分: 18855

2024年龍年勳章牛年勳章

4^#

發表於 23-10-1 12:29 |只看該作者

今日嘅壁球比賽，港隊只有2場混雙比賽。分係C組既2隊對尼泊爾嘅比賽已經完結。2:0順利勝出。同組係馬來西亞同南韓。
係D組既1隊，12:30對泰國隊。同組仲有印度同菲律賓。

祝福港隊各選手

私人傳訊

observer

伯爵府

積分: 18855

2024年龍年勳章牛年勳章

5^#

發表於 23-10-1 12:34 |只看該作者

Update下男子高爾夫球最新消息。許龍一繼續領先，不過第二名已經畀另一位南韓選手任成宰追咗上嚟。呢位選手今日比賽狀態大勇，打咗14個洞，已經捉到六隻小鳥。
但係我哋香港選手仍然兩桿優勢領先，而許龍一只係打到第13個洞。

私人傳訊

observer

伯爵府

積分: 18855

2024年龍年勳章牛年勳章

6^#

發表於 23-10-1 12:46 |只看該作者

女子高爾夫球比賽完結，香港隊兩位選手排名十四。四輪比賽，低標準桿2桿，總成績286份。團體賽成績，喺八隊裏面排第七。

私人傳訊

observer

伯爵府

積分: 18855

2024年龍年勳章牛年勳章

7^#

發表於 23-10-1 12:52 |只看該作者

之前講過嘅輪滑比賽，港隊王藴妮1000米爭先賽入咗決賽，最後成績係第6名。呢個比賽，由初賽12個人分2組，半決賽到入到決賽8人。最後得到第六，值得鼓掌

私人傳訊

observer

伯爵府

積分: 18855

2024年龍年勳章牛年勳章

8^#

發表於 23-10-1 13:04 |只看該作者

壁球混雙分組賽，D組香港1隊2:0 輕取泰國，兩場比分都係11:4

呢組香港嘅對手係印度隊，因為印度男子團體係攞咗金牌嘅，而女子團體喺四強賽輸畀香港。
睇混雙嘅賽程表，應該係四組出八強。
估計D組首名係香港同印度之爭。
C組就香港同馬來西亞爭首名
至於其他兩組，我喺A組見到中國隊呀！
不過第一場比賽就畀馬來西亞1隊2:0取勝。

睇嚟壁球運動喺中國唔多人玩，居然只係搵得一隊去打混雙。