今日係最後一日亞殘運比賽，同時晚上將會舉行閉幕式。
32台早上九時開始播放港隊賽事。
經過昨日港隊獎牌大豐收之後，到亞殘運最後一日，港隊仍有數項賽事參與比賽。
當然有啦，乒乓波嘅金牌錢就肯定有一面啦要關注嘅比賽，剩返乒乓球女子雙打WD22級決賽，吳玫薈王婷莛將會同日本組合爭奪金牌，比賽時間11:00
另外輪椅劍擊，上午9:00，女子佩劍團體半決賽，港隊將會對上國家隊，會不會有奇蹟出現入到決賽？正路就係輸咗去打銅牌戰！
仲有差不多被遺忘嘅賽艇比賽，26號舉行預賽，今日先舉行決賽⋯⋯
港隊兩位選手葉家怡&劉少浚會係PR2級混合雙人雙槳決賽上場。
因為總共只得4支隊伍參加，所以就算港隊預賽成績第四，仍然都會入決賽。
呢場比賽我嘅關注點係，港隊成績能否再進一步，有冇可能划到個第三返嚟。
最後田徑項目，港隊謝浩賢會參加男子1500米T20決賽。比賽時間10:21
喺度祝願今天比賽嘅港隊運動員，努力加油，爭取佳績。
Update :
男子1500米T20決賽，港隊謝浩賢以第四名完成比賽，並創下 自己最佳成績。
乒乓球女雙WD22級決賽，港隊吳玖薈/王婷莛同日本組合激戰5回合，最終3:2擊敗對手，奪得金牌 。
女子佩劍團體銅牌戰， 港隊擊敗韓國隊，奪得銅牌。
男子重劍團體排名賽， 港隊擊敗韓國隊， 以第五名完成比賽。
最後係賽艇比賽，PR2級混合雙人雙槳決賽。
港隊葉家怡/劉兆浚組合 與第四名完成比賽。
今屆亞殘運會賽事，港隊運動員嘅比賽已經完滿結束。
香港隊最後獲得 8金15銀24銅 ，共47面獎牌。
無論運動員是否獲得獎牌 ，大家都係努力訓練，參與比賽。 祝願港隊各運動員繼續努力，係以後嘅比賽爭取佳績。
發表於 
返回列表
