少年成長今日: 4|主題: 16008

收藏本版

回覆發帖

返回列表

跳至頁

查看: 16572 | 回覆: 0

有乜好驚！ [複製鏈接]

csir3290

子爵府

積分: 11958

1^#

發表於 25-2-23 12:16 |只看該作者 |倒序瀏覽 |打印

嗰日喺屋企睇睇下電視，突然間有隻飛蛾從窗口外面飛入嚟，喺間屋入面飛嚟飛去，我屋企即刻好似響起一級警報咁，即刻雞飛狗走，老婆同對仔女即刻各自避開對仔女仲走埋入房，隔咗一排佢哋先至走返出嚟，仲要肯定我已經捉走咗隻飛蛾先至肯出嚟。其實連飛蛾都驚真係有啲莫名其妙。

我對仔女有好多嘢都驚，其中大部分好肯定都係源自我老婆，我老婆最驚曱甴，所以我對仔女自細見到我老婆見到曱甴嘅時候嘅驚恐反應，所以令到佢哋自細都開始驚曱甴，而且推而廣之連好多會飛嘅昆蟲，我對仔女都驚嘅。呢啲嘢有陣時真係冇得講，喺我眼中其實我又會覺得有乜嘢好驚呢！

每個人心目中都會有啲嘢係莫名其妙嘅驚恐，除咗講到曱甴呢啲昆蟲之外，我個仔竟然連雀仔都驚，唔知係咪因為細個嘅時候同佢參觀啲動物農莊，佢畀隻鴕鳥啄過隻手仔所造成呢！所以我仔而家連喺街見到白鴿佢都會避開，除咗雀仔之外我仔細個時仲驚泥土，呢個真係唔知點解，總之佢寧願兜路行，都唔會行過啲泥土上面。幸好而家大個慢慢又好啲。

正如上面所講，喺我眼中有陣時都係真係唔明佢哋點解會驚呢啲嘢。不過總之佢哋就係驚，其實話佢哋亦都冇用，因為每個人心中所驚嘅嘢總係有啲原因所造成，夾硬話佢哋，甚至乎鬧佢哋有乜好驚，其實作用都不大。有陣時見到佢哋咁樣避開我自己都覺得幾好笑，咪當笑話咁睇下囉。佢哋亦都唔會因為家長話佢哋而可以即刻克服佢哋心中嘅恐懼，所以我覺得反而應該係尊重，同埋要理解每個人心目中都有自己恐懼嘅嘢。鬧同埋話佢哋係唔會令佢哋克服，反而只會令佢哋反感。明白同體諒，反而有陣時會令到佢哋慢慢嘗試克服。更重要我覺得如果想啲細路仔唔好咁多嘢驚，反而係可能家長唔好啲細路仔面前表現得有咁多嘢恐懼，因為細路仔其實見到家長驚，就會令到佢哋都會覺得嗰樣嘢係恐怖同埋值得驚。好似我自己咁，講真其實我細個都驚啲飛曱甴，但係自從同老婆拍咗拖再有埋對仔女之後，我自己慢慢都克服到，因為如果我都驚就全屋都匿埋曬，所以每次佢哋匿埋曬之後，就係由我去處理嗰隻曱甴，反而就慢慢克服咗驚曱甴呢樣嘢。所以有陣時強迫佢哋去改變同克服，其實根本就冇乜作用，反而將來可能佢哋自己覺得需要就可能會慢慢令佢哋自己克服。

0 0 0

私人傳訊回覆引用

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 4|主題: 16008

少年成長今日: 4|主題: 16008