吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 究竟是否我不夠包容和諒解

夫婦情感今日: 3|主題: 42709

收藏本版

回覆發帖

返回列表

跳至頁

查看: 10507 | 回覆: 15

究竟是否我不夠包容和諒解 [複製鏈接]

sallyin412

洋房

積分: 49

1^#

發表於 24-10-15 20:24 |只看該作者 |倒序瀏覽 |打印

我同老公拍拖14年，而家結婚3年…
呢排有啲sad, 唔知搵邊個傾，希望有同路人
或者經營左婚姻一段時間既絲打比d意見我(emoji)

因老公不嬲有腰痛問題，但到結婚後不斷惡化
近幾年仲患左免疫力失調攪到身體發炎
所以呢幾年由其落雨天條腰都特別痛…
又要長期食止痛藥，特別痛既時候都會同佢按摩下，工作上又可能會請多左病假..
導致每個月都比公司扣假期錢(大假都攞埋)

亦有時候經常睇醫生，又被公司扣錢出小左糧
所以會問我借錢，通常隔一至2個月都會還番比我..因佢收入不算高，支出大，
儲唔到錢咁制..基本上，我地結婚後都無一齊去過旅行。蜜月都無度，成日了佢去旅行
就話無錢無假無心機，可能自從身體唔舒服都攪到佢無心機玩，我都明..我體諒佢，但佢可唔可以都有d位氹吓我開心呢(emoji)

仲因為腰痛問題嚴重我地結咗婚之後一直無性生活，但都會攬下錫下。大家有傾過呢個問題，佢一係話返工壓力大/攰，一係就腰痛
反而婚前我地都有性生活既..佢而家因為身體問題唔做，但都可唔可以諗下我感受(emoji)‍(emoji)
有時自己唯有思想上出軌，成日亂諗嘢
都唔知終有一日我會唔會出軌…但我好愛我老公，知道咁樣做係唔岩既(emoji)

結婚幾年後，開始覺得好似一直自己付出..
因為腰痛覺得張床太淋，好啦～我出錢換張硬d囉，為左就佢本身我訓開淋d既，我都要一段時間先習慣到(emoji)‍(emoji)
煮飯洗碗洗衫掃地吸塵呢啲基本我做晒，佢唔會幫手做家務(雖然我都慣左)(emoji)‍(emoji)
由於婚前大家協議好一齊住係女家（因男家只有佢老豆，佢老豆d生活習慣問題而決定咁做)，佢一個星期基本上返我度同返佢自己屋企係隔日..佢成日話腰特別痛返自己屋企訓得舒服d
同埋佢話佢老豆年紀開始大多病痛要多啲睇住佢，有好多次煲水無關火(emoji)‍(emoji)

近呢大半年佢都會睇我煮唔煮飯自決定返唔返我度，佢一返黎就要煮飯整埋第二日飯盒，同夜晚幫佢按下摩，感覺好似我既作用係工具人咁..

雖然除左以上我認為唔好既野之外，佢應酬先會食下煙，同我一齊或係屋企係唔會食
又唔飲酒又唔蒲，又唔覺佢會出面攪3攪4

可能係你地眼中呢d野濕濕碎啦…
又偷食無蒲仲想點..
諗深一層，其實係咪純粹我自私，唔包容佢有病，咩都計，結左婚一有家庭係要付出架啦！

呢輪成日有唔好念頭，不如暫時唔好見面
或者…離婚？我又唔想攪到因為老公病所以離棄佢做衰人，我都好想佢終有一日好番架。

感謝爬文，求各位意見(emoji)(emoji)

0 0 0

私人傳訊回覆引用

owla

男爵府

積分: 9283

2^#

發表於 24-10-16 00:18 |只看該作者

佢身體有事佢都唔想, 你想要既野佢真係冇辦法滿足你,
如果你同你老公掉轉你會點諗? 唔想拖累佢寧願佢搵第個?
定係想佢一直包容你照顧你?

私人傳訊回覆引用

mcheungm

男爵府

積分: 5950

3^#

發表於 24-10-16 08:26 |只看該作者

回覆樓主:

如果未有細路,我會選擇離婚

你老公雖然話身體不適,但我睇你寫嘅嘢,主要係你付出多多,佢好似淨係顧住自己同老豆多
你乜都自己做曬,自己顧自己,想問下結婚嘅意義又係乜呢？
加上有一個禮拜幾晚冇返,又冇性生活...就算勉強行落去,我覺得結局都係唔多樂觀

私人傳訊回覆引用

貢梨

別墅

積分: 781

4^#

發表於 24-10-16 08:28 |只看該作者

本帖最後由貢梨於 24-10-16 08:30 編輯

sallyin412 發表於 24-10-15 20:24
我同老公拍拖14年，而家結婚3年…
呢排有啲sad, 唔知搵邊個傾，希望有同路人
或者經營左婚姻一段時間既絲打 ...

旅行--可報去大陸玩幾天既團，平平地，又唔駛諗行程，大家可relax下

性生活--呢個問題現在難解決啲。你有做帶氧運動既習慣嗎？運動除咗強身健體，可幫你分散注意力。當大腦釋放安多芬，你會覺得開朗啲，減低鬱結情緒。性生活問題/障礙其實喺唔同階段既夫妻或多或少都要面對，你哋感情基礎咁深，會捱得過的。

床褥--硬啲既床對脊骨的確好啲，你習慣咗，對你骨骼健康都有幫助。

雖然你老公身體有事，但輕鬆啲既拍拖睇戲食飯他還做到的。現階段你可將重點放喺跟他心靈上既親密，遲些等他身體好轉，先再諗身體上既親密。

私人傳訊回覆引用

sallyin412

洋房

積分: 49

5^#

發表於 24-10-16 08:31 |只看該作者

mcheungm 發表於 24-10-16 08:26
如果未有細路,我會選擇離婚

你老公雖然話身體不適,但我睇你寫嘅嘢,主要係你付出多多,佢好似淨係顧住自己同 ...

不過正如樓上所講，假如有病果個係我
我老公同我離婚既話

會覺得咁樣而離開真係好衰，有時都自己諗，我做唔到呢一步(emoji)

私人傳訊回覆引用

circle119

珍珠宮

積分: 32413

好媽媽勳章

6^#

發表於 24-10-16 08:55 |只看該作者

大家再溝通一下
看看大家最合適最佳生活狀態方法

私人傳訊回覆引用

陳小b

伯爵府

積分: 16018

畀面勳章

7^#

發表於 24-10-16 08:59 |只看該作者

回覆樓主:

其實你地拍咗咁耐拖一定有愛存在。

如果真係愛對方我會比時間佢。因為佢身體上唔舒服，佢都唔想。尤其男人好多時唔出聲會自己梗咗佢。

平時出去行街睇戲或有幾日假嘅話近近地北上hea返一兩日食下行下都可以好開心。

至於性生活，佢暫時腰痛郁唔倒咪你郁囉。我老公鍾意我錫佢細佬，之後叫我坐上去。咁佢又唔使點郁佢又舒服你又開心唔係雙贏咩？！可能途中未必完事。但起碼大家都叫疏乎過吖。係咪？！而且佢腰痛可能有日會好返都唔定。到時兩公婆咪恩恩愛愛囉。凡事向好方面諗。。唔好咁快打沉自己先。

點評

Ricky234768789

發表於 24-11-6 10:07

私人傳訊回覆引用

kaman06

男爵府

積分: 7148

8^#

發表於 24-10-16 09:04 |只看該作者

本帖最後由 kaman06 於 24-10-16 09:05 編輯

sallyin412 發表於 24-10-16 08:31
不過正如樓上所講，假如有病果個係我
我老公同我離婚既話

我覺得你好憐，但未必係事實全部，最好揾2公婆好好傾傾，因為你不停數c6咁多問題，唔通佢無一個好處，值得你留低？

另外，佢態度係你縱容的，正如一個小朋友學好學壞，好睇父母，佢敢咁放縱，就係你包容，日後有日頂唔順，唔好怪佢，因為你要負責

諗唔通就揾社工幫手

私人傳訊回覆引用

PTMCYS

子爵府

積分: 13819

9^#

發表於 24-10-16 11:45 |只看該作者

本帖最後由 PTMCYS 於 24-10-16 12:42 編輯

sallyin412 發表於 24-10-15 20:24
我同老公拍拖14年，而家結婚3年…
呢排有啲sad, 唔知搵邊個傾，希望有同路人
或者經營左婚姻一段時間既絲打 ...

樓主, 你們拍拖到現在, 經歷了17年個年頭, 估計你都起碼35歲或以上.

1)拍拖14年才結婚, 是什麼原因呢? 是男方拖拉, 定錢問題, 定原本從來你們都唔想結婚, 但因之後一些事情才結婚. 為何這樣問, 在我旁觀者的角度來看, 拖14年才結婚對女方係好蝕底的, 如果男方真係愛你, 正常唔會拖咁耐, 這個原因需要了解及在你的決擇上是一個考慮的因素, 想知本來男方有多愛你, 還是一直是你愛他多.

2)愛是雙方的, 辛苦不要緊, 但如果婚後沒有互動的愛, 只是單方面的愛和付出, 已不是對方是否傷殘的問題為考慮點, 你要了解並與他溝通, 如果之後都看不到有改變, 你離開他就是因為沒有感受到愛, 而不是他的殘缺.

3)你們主要是住女家, 哪你仍然要與父母一起住嗎? 因見你要煮飯, 正常與父母住一般他們會造飯, 如果是就不會有一天有飯吃一天無飯吃的借口.

4) 男方傷大陣和免疫力問題, 傷大陣對男人來說好大問題, 傷咁耐連愛都造唔到(女上男下), 應該唔易醫好, 見你說的情況甚至越來越壞; 加上免疫力問題, 應該已不考慮生育, 對嗎?

我用了4個角度來看這件事情:
父母角度 : 正常會讚成女兒離婚, 父母一般唔想子女過得辛苦過做女, 而且你日後只會付出更多來照顧他和他的家人. 如果情況惡化, 做不到工作, 你們夫妻的關係可能影響他們申請政府的支援, 除非你全部擔起, 但值得咁辛苦又有沒有這個能力? 以朋友的角度幫忙是否好些? 所以即使現在不離婚, 你也要定好底線, 是對件事情有幫助, 而唔係要攬在一起沉落去.

伴侶的角度 : 我好遵守一生一世的婚姻, 即使另一半不幸殘缺, 不能造愛, 這也正正是我真正承諾及報答對方的時候, 但這個堅定是建基於之前他對你的付出, 婚後對方給你的愛, 愛不一定在於誰做多少, 而是在於心內有沒有以你為先, 如果你回顧後原來一直都是你愛他, 或他用你多於愛你, 這個便是你取平衡的考慮.

男方的角度 : 理解腰傷影響造愛, 甚至生存的意欲, 長期的痛楚會忽略旁邊的人也都明白; 但婚姻係要用愛來維持, 你試下表達或提醒他, 現在好似無左愛的存在, 看看他怎樣回答 :
i . 如果他平淡的說, 結左婚就係咁架啦, 我又唔舒服, 老爸又咁, 無辦法架喇. 咁你會預計之後可能會再多一廂情願的情況.
ii. 如果他以你為先, 仍然好愛你, 會表示歉意, 並會問你, 我應該點做.

其實他老爸的問題, 煲開水係可以用電煲. 怕火燭可以用電爐, 雖然要錢, 但也是可預算及解決的問題. 也可以安裝平安鐘, 及加裝CCTV, 並每天打一次電話聯絡. 但因為要照顧他老爸而忽略老婆是不能接受的. 人係有天命的, 即使陪他一起住, 失救就係失救, 如果太老要入老人院或請工人都要計劃, 但現在是否這麼老要用老婆去換老爸的呢? 還是他想逃避?

正常男人好愛女方, 就算自己無事都好感恩, 更何況現在他出了事; 甚至選擇自己放手等於愛你. 所以離不離合不是看對方是否有傷殘, 而係對方愛你是否不變, 仍然在你要求的位置.

旁觀者的角度 :
i. 如果你們是拍拖3年, 結婚14年, 而他仍然好愛你, 事事放你在第一位, 以婚姻和愛的角度係要堅持著.
ii. 你們拍了14年拖才結婚, 是基於什麼原因, 男方有多愛你, 現在仍然有沒有愛.

老實說, 除非你們是主張不生育不結婚的人, 不然如果是男方拖14年, 我有點覺得他不是太愛你(或者不是第一位), 當然愛不愛你才清楚.

以上的分享希望能幫到你分析.

點評

Cat7135

發表於 24-10-16 11:59

私人傳訊回覆引用

mcheungm

男爵府

積分: 5950

10^#

發表於 24-10-16 13:12 |只看該作者

回覆樓主:

情理上,純粹有病離婚好無情
但樓主老公仲有n咁多其他問題,呢啲先至係死穴
別人講什麼道德,良心,應該要點做....呢啲都係人哋講嘅啫,針唔拮到肉唔知痛,真係要有切身體會先至感受到
所以樓主你對別人嘅意見參考下就可以,最終你自己感受先至係最真

點評

LokLok1208

發表於 24-10-16 13:35

私人傳訊回覆引用

sallyin412

洋房

積分: 49

11^#

發表於 24-10-16 13:42 |只看該作者

本帖最後由 sallyin412 於 24-10-16 13:43 編輯

PTMCYS 發表於 24-10-16 11:45
樓主, 你們拍拖到現在, 經歷了17年個年頭, 估計你都起碼35歲或以上.

1)拍拖14年才結婚, 是什麼原因呢? ...

好多謝你咁詳細分析！

係呀，我都35左右，老公大我2年。
當時拍左咁耐拖都未結婚係因為當時大家收入都唔多，唔係點儲到錢..亦都討論過結婚問題，係會結，不過當時未實際諗幾時

直至身邊親戚陸續結婚，比自己媽咪催促下我地兩個自的起心肝儲錢結婚
不過當時結婚前我同老公講過我唔係太想有小朋友，但如果緣份要黎就順其自然
當然啦，近呢幾年佢個身體咁同我自己個心態
都無打算生小朋友了（其實本身老公婚前講過係想要，不過佢都知我想唔想生都無得迫我)

無錯，住女家係同我媽一齊住，不過我媽有好多時出去玩間唔中先係屋企，我爸爸長期大陸生活
所以得我自己係屋企家務都係我負責

至於佢爸爸問題，因為我老公媽媽係佢細個果陣已經走左。而且佢又一粒仔，可能有時候都唔忍心唔理佢..因為我都係獨女，可能佢既情況我可以理解…掛

因為老公黎緊考車我唔想影響佢住，
到下個月會坐低一齊傾下

去到最壞情況要講分開其實好似好易
但心態上我好多對佢不捨既地方，而且又會擔心假如將來佢無我身邊佢會點點點…
去到呢個位我都仲顧住佢感受，唔多唔小我性格都有關，好在乎人地點諗

私人傳訊回覆引用

Heman2001

男爵府

積分: 6927

12^#

發表於 24-10-16 17:20 |只看該作者

sallyin412 發表於 24-10-15 20:24
我同老公拍拖14年，而家結婚3年…
呢排有啲sad, 唔知搵邊個傾，希望有同路人
或者經營左婚姻一段時間既絲打 ...

從文中睇到樓主對老公既愛，亦感覺唔到妳有想離開既計劃，我個人意見係，先處理老公腰痛問題，佢未夠40好後生，而家已經因腰痛經常請假，講真，當工作唔穩定，收入就唔會穩定，你哋本身經濟已唔多鬆動，萬一失業會好麻煩，所以一定要認真處理腰痛問題，食止痛藥無治本，咁後生想食到幾多年？
有健康就有工作，有工作就有收入，有收入人就會開朗，會減輕照顧家人既焦慮，亦會有返性生活
另一點係雖然你哋已換左床褥，但如果老公屋企張床褥佢訓得ok，唔貴的話可以買一張在妳娘家訓，佢會舒服啲
最後係注意飲食，你老公有炎症，一定要戒口，炎症可能係腰痛原因，但炎症係四圍走，萬一周身痛就好大件事，為將來為自己為家庭，點辛苦點唔想都要做，同老公好好商量下，加油

私人傳訊回覆引用

bobo88hk

子爵府

積分: 13965

13^#

發表於 24-10-17 14:46 |只看該作者

回覆樓主:

唔夠大愛唔係話樓主唔岩比著我無小朋友會選擇離婚無謂到最後相對無言相看兩生厭最終成為敵人

私人傳訊回覆引用

PTMCYS

子爵府

積分: 13819

14^#

發表於 24-10-17 16:02 |只看該作者

本帖最後由 PTMCYS 於 24-10-17 16:04 編輯

sallyin412 發表於 24-10-16 13:42
好多謝你咁詳細分析！

係呀，我都35左右，老公大我2年。

呢輪成日有唔好念頭，不如暫時唔好見面
或者…離婚？
--> 這一句其實說出你的心底話, 如果你唔愛他就唔會比佢拖了你14年, 相信你已經盡了力和承受了不少辛苦.

去到最壞情況要講分開其實好似好易
--> 我們旁觀者叫你繼續接受更加容易, 明白做這個決定很艱難, 最重要你能感受到令你繼續落去的愛, 因為情況應該會越來越差, 這個愛的力量一定要很大....

到下個月會坐低一齊傾下
--> 希望談完你們有個好安排.