本人依家就住緊馬鞍山海典灣，覺得信和樓都幾好。我同老公因為兩個小朋友已經大個，想有獨立房間，所以打算遲啲由而家嘅兩房搬去四房單位。初時有諗過搬去隔離嘅屋苑天宇海，但係就唔係咁鍾意個發展商長實。之後考慮搬去烏溪沙銀湖天峰，因為同樣係信和樓，同埋都好方便，喺地鐵站上蓋，又有街市商場呢啲民生配套，搭一個站就去到大型商場新港城。不過就唔知過海去港島會唔會好麻煩，因為如果直接行落去搭地鐵嘅話， check 咗搭到大圍再轉去金鐘都要37分鐘，比依家直接搭巴士去大學站再轉東鐵耐啲。聽講得一架 van 仔係往返大學站，但就唔知要搭幾耐同會唔會好梭。請問有冇依家住緊天宇海或者銀湖天峰嘅家長可以分享一下？多謝大家嘅幫忙！🙏🏻🙏🏻
發表於 
同埋長實樓係差啲
返回列表
