想生BB 今日: 0|主題: 109521

收藏本版

發帖

返回列表

跳至頁

查看: 6768 | 回覆: 5

我嘅求子之路（故事較長，慎入） [複製鏈接]

fatbb0209

複式洋房

積分: 267

1^#

發表於 24-8-21 22:28 |只看該作者 |倒序瀏覽 |打印

想同大家分享我嘅求子之路，希望可以提醒努力咗一段時間都未有嘅人盡快睇醫生，唔好好似我咁浪費咗啲時間！

故事有啲長，有興趣嘅就睇埋落去。我同老公結咗婚5年，之前做過婚前檢查，基本上都正常，但老公嘅精游得慢小小，醫生話窄界，果陣都冇特別去理。

後來身邊啲frd陸陸續續傳來好消息，我地仲食白果，開始急了，於是走咗去睇家計會，做咗好多檢查，老公嘅問題都喺精子游得慢，而我原來有子宮瘜肉，家計會寫咗轉介信排公立不育科。（其實直接睇私家拎封轉介信去排就唔洗哂咁多時間，因為睇家計會都睇左成大半年時間）

大概排咗七個月左右，終於等到第一次到公立見醫生，醫生叫我地比哂所有報告佢哋睇，老公就要再驗多次精，最尾出嚟啲結果都喺一樣。而我嘅子宮瘜肉問題，醫生寫咗轉介信出私家切，因為公立有排等，佢叫我爭取時間，始終已經33歲了。由於我地兩個嘅身體狀況都ok,冇咩大問題，醫生就叫我地做IUI,不過佢話成功率同自然懷孕一樣，有三次機會可以試，都唔得先做IVF。

2023年頭，我34歲，去咗私家做埋切瘜肉手術，之後等到正常來M就要打電話去公立報經期，記得第一次打去報經期喺2023年5月，果陣咁啱醫院要搬去新大樓，姑娘叫我下個月先報經期，但去到6月同7月，公司好忙，所以冇打到。第二次報經期喺8月尾，姑娘安排9月某啲日子番醫院照超聲波，睇吓卵子嘅size夠大未，點知去到9月頭果日唔知打風定紅雨，被逼取消咗。第三次報經期喺9月尾，醫生安排10月番去照超聲波，終於照到卵子夠大，約埋期打破卵針，打完針後第二日定第三日朝早番去擺精，點知天文台又話有惡劣天氣，已經打定輸數又要下個月報經期再來。好好彩，果日朝早仲未掛惡劣天氣警告，朝早放完精，下奏就停工停課了。想講下放精過程只喺五分鍾，上網睇到話放完精要瞓一陣先起身，但醫生幫我放完就話宜家走得了，我喺出面坐左大半粒鍾先走，姑娘比左個日子我，叫我喺果日自己喺屋企驗孕，我自己偷步，早左一日驗，點知喺兩條線，未做IUI之前一直驗都喺一條線，突然驗到兩條線，真喺好開心，好似發緊夢咁，好好彩產檢期間所有野都正常，BB都出左世，健健康康，希望呢個post可以幫到大家，如果努力左一排都唔得，真喺要盡早睇醫生，年紀越大，機會真喺細啲，卵子質素都冇咁好架，祝大家好孕！