講少少background先， 高齡45係中泌經歷左1促2移，15粒卵，2粒day3, 2粒day5, 先植入2粒day5, 1粒著床，但停5week+ 冇心芽冇心跳，約8week藥流， 休息2個cycle再植入2粒day 3
有著過床，但生化左，已沒卵在中泌，所以打算轉陣其他醫院
台灣有考慮但老公唔支持就係深圳再揾
探過路有香港大學深圳醫院，當時平日生殖科沒有其他病人，初見醫生感覺唔太專業，再見主任王，又說他們ivf是跟香港瑪麗醫院，又覺得好似麻麻地，原本話下午返去出驗身單，但食完午飯我地就轉戰了北京大學(深圳) 醫院，公立醫院，病人多護士或任何人都唔太helpful, 問咩都話唔知，叫你問第2個人，等左好耐就見到候醫生，溝通到同感覺佢有心幫我，同埋有第3代做，開價80k, 所以當日就驗血，但老公驗精要指定星期一，二， 上午9-10,所以都要抽日返黎做
返到屋企再睇小紅書先發現抽卵冇麻醉， oh no即刻好down同老公講佢話再揾第二間啦， 我仲話晒左好多錢驗野，老公話算啦做落去唔開心又擔心就唔好
原本都係想返中泌，主要係熟晒流程，而且比較過其他醫院確實係有問有答，又熱心，但因某原因我地都要揾另一間做
某星期日，去南山恒生醫院，原本打算行一圈令自已死心返中泌，去到前台女仔識講廣東話，話可以見下鄧主任佢對高齡好有一手，就咁掛左號
先見普通醫生梳理下病歷同驗身單，又見左另一位張普通醫生(當時有講下vip, 我問價錢要加八千),之後就見鄧主任， 佢見到我d報告話血沉esr太高，要驗埋對咩食物敏感，我記得佢指住呢樣話其他醫院可能唔睇呢樣，佢話都好重要 (問左香港醫生話免疫失調，身體有炎症，會有濕疹或攻擊其地方有可能子宮)
當時主任又叫返之前張醫生加我wechat, 又話我要做中醫埋線，體重管理，又送左驗益生箘檢查被我(驗便便，話做緊科研), 後話張醫生話已經升左我vip 了
最後驗左係對蛋同牛奶敏感，但其實我每日都食1-2隻蛋，唯有減少d或者唔食
好快我就開始促排，有時間我會再記錄
我地有一個好有愛既中泌群，好多都成功左，好鄧佢地開心，希望我好快做媽媽
發表於 
返回列表
